$18「字典咁厚」雪糕格仔餅 柴灣 街坊價美食【掃街王】

原來 柴灣 唔只得工廈、住宅、學校,都有好多平價美食!有$18字典咁厚格仔餅夾雪糕,又有烤到香噴噴的馬來西亞大啡菇,當然唔少得 柴灣 美食排榜首的叉燒燒肉店,仲有明星都去幫襯的豬扒飯店,我仲未數完的,等我哋掃街王帶大家去食盡 柴灣 平靚正美食啦!

1. $18食字典咁厚格仔餅夾雪糕

外國流行雞蛋仔夾雪糕,我哋香港土炮就用格仔餅夾雪糕!店主話,佢本身鍾情於格仔餅,製作格仔餅夾雪糕,可以用來消暑之餘,又可以滿足一班小朋友或者學生們食到格仔餅和雪糕兩個願望。格仔餅燒得香脆,朱古力雪糕香濃。重點是,一件雪糕格仔餅只賣$18!呢個質素再加呢個街坊價可以係邊度搵?!

柴灣_bb雞蛋仔_雪糕格仔餅
比利時朱古力雪糕格仔餅 $18。
格仔餅燒得香脆,而雪糕內會有朱古力脆脆,口感豐富。

傳統口味的雞蛋仔已經無法滿足一班食家的慾望,這裡搞搞新意思,以焦糖作為餡料。

柴灣_bb雞蛋仔_雞蛋仔
焦糖雞蛋仔 $18。
外脆內軟的雞蛋仔,味道香甜,而記者認為味道有點像好立克味。

柴灣_bb雞蛋仔_焦糖

柴灣_bb雞蛋仔_蛋漿
這裡的蛋漿是店主每日人手打造,無加香精,較為健康,店主仲話,剛剛出咗牙仔的BB都啱食。

柴灣_bb雞蛋仔_門口

BB雞蛋仔
地址:柴灣柴灣道350號樂軒臺地下413號舖(顯示地圖
營業時間:星期二至日: 12:00-21:00 (星期一休息)

2.高溫燒滾了香噴噴烤菇

食完雪糕格仔餅唔夠喉?行一分鐘都唔洗又見到好嘢食!呢間烤菇店所推出的烤菇,是來自馬來西亞的大啡菇,隻隻都差不多手掌咁大。店主先以烤爐將菇慢慢烤製,再將食材炒香,鋪在大啡菇上,再以紅紅烈火,將食材燒到香噴噴,未食已經流晒口水!

柴灣_烤菇_芝士吞拿魚烤菇
芝士吞拿魚香草烤菇 $38。
烤菇肉質爽口帶點肉汁,芝士溶入菇中,加上檸檬香草,味道香濃。
柴灣_烤菇_周打蜆肉醬烤菇
周打蜆肉薯蓉烤菇 $38。
先放上白汁於烤菇中一同烤製,再炒香蜆肉和蕃茄洋蔥,最後伴上薯蓉,口感惹味豐富。

柴灣_烤菇_周打蜆肉烤菇

柴灣_烤菇_烤菇
店主最後會以紅紅烈火,將食材燒到香噴噴,未食已經流晒口水!

柴灣_烤菇_門口

烤菇
地址:柴灣柴灣道350號樂軒臺222號地舖(顯示地圖)
營業時間:星期一至日: 14:30-01:00
電話:55466143

3.口感煙韌韓式冷麵

來自韓國的代表,The Cup,在韓國輕食界很受歡迎,來到香港差不多半年,已經開第二間分店。他們主打韓式快捷輕食菜式,最基本的泡菜、炒年糕、飯卷統統齊全。想食飽啲?就可以試下韓式冷麵,酸酸地,又帶點韓式泡菜辣味,口感煙韌又開胃。

柴灣_thecup_韓式牛肉冷麵
韓式牛肉冷麵 $56。
冷麵麵質煙韌,加上他們獨家的韓式辣醬,辣中帶點酸甜,幾開胃。
柴灣_thecup_甜辣雞塊
甜辣雞塊 $62。
雞塊肉質軟滑,味道都是辣中帶點酸甜,相對冷麵的辣較為溫合,比較符合香港人口味。
柴灣_thecup_煙肉忌廉年糕
煙肉忌廉炒年糕 $62。
年糕質感煙韌,加上煙肉忌廉,味道和香味濃厚。

The Cup HK
地址:柴灣小西灣道28號藍灣廣場地下G15號舖(顯示地圖
營業時間:星期一至日:11:30am-10:00pm

4.超入味!澳洲安格斯牛肉漢堡

柴灣區都比較少漢堡包店,位於高威廣場的Corner 80,開業兩個月,就吸引了一班街坊和上班族。他們的漢堡包肉質鮮甜入味,魚塊炸至香脆。如果想食得悠閒,可以坐在店旁位置,歎埋杯咖啡,正!

柴灣_corner80_牛肉漢堡
安格斯牛肉漢堡 $70。
來自澳洲的安格斯牛肉,肉質入味,加埋隻太陽蛋,蛋漿與牛肉混合,香濃惹味。
柴灣_corner80_炸魚薯條
炸魚薯條 $30。
魚塊炸至香脆,火喉剛好,肉質保留魚的味道。

柴灣_corner80_門口

Corner 80
地址:柴灣柴灣道111號高威廣場地舖(顯示地圖
營業時間:星期一至六:11:30-21:30
電話:2177 3151

 

5.老字號蜜汁叉燒

食神有教,大家千其唔好睇小「叉燒飯」,好味嘅叉燒飯都可以令人感動流涕。今次排在柴灣美食榜第一位的新桂香更加是名不虛傳!店面掛起一串一串蜜糖色的叉燒,燒得很香,配上豉油汁撈飯,無得輸!而且價錢絕對是街坊價,怪不得很多人都會慕名而來。

柴灣_新桂香_叉燒飯
蜜汁叉燒飯 $34。
看似平凡的叉燒食落香味濃郁。如果食叉燒飯的話,記得叫多汁,會更惹味。
柴灣_新桂香_叉燒
店面掛起一串一串蜜糖色的叉燒,望見都想食。

柴灣_新桂香_門口

 

新桂香燒臘
地址:柴灣柴灣道345號金源洋樓地下17號(顯示地圖
營業時間:星期一至日: 08:00-21:00
電話:2556 1183

6.明星熱捧豬扒飯

最後介紹的是明星們都會去捧場的豬扒店。店面可以見到店主兩人與眾多明星的合照(柏豪BB都有去食架~)這裡的豬扒的確炸得幾香脆!如果唔想排隊,可以選擇傍晚時間去食,相對無咁多人,仲可能會撞到明星~

柴灣_耀東號_豬扒飯
招牌豬扒飯 $42。
豬扒炸至香脆,不會過火喉令其失去肉汁,吸引不少街坊、明星前往進食。

 

柴灣_耀東號_門口

 

耀東號
地址:柴灣柴灣道111號高威廣場87號地舖(顯示地圖
營業時間:星期一至六:13:00-02:00
電話:2388 7999

延伸閱讀:
邪惡飲食地圖系列!無懼膽固醇 5大重料 牛角包
【荃灣】嘩!7月人頭 雞蛋仔 可愛定可怕先?
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!
搶先看_新假期
 

 

最新吃喝玩樂資訊