洪永城親試! 北韓 都有娛樂 (下集)

一本書都要盤查一小時,足見北韓對消息限制甚嚴、生活有幾苦悶!你以為北韓完全無嘢玩零娛樂、電視頻道選擇少過香港?咁諗就大錯特錯,今次旅程,Tony 就發現首都平壤都有唔少遊樂設施!作為外來攝隊,今次拍攝的機舖、主題公園都有得揀又有得玩,似乎唔係布景道具嚟!

跟蹤金仔 視察水上樂園

金正恩:全靠我,北韓人先有水游!
金正恩:全靠我,北韓人先有水游!

文綉水上樂園被視為北韓的面子工程,開幕當日連金正恩都有到場視察。Tony難得遊北韓,當然要嚟朝聖啦!他說:「我有玩大型滑梯,有好多個轉,比我想像中刺激!場內有好多當地小朋友,見我哋喺水中拎出攝影機,似乎都唔太驚訝。」

之前有報道指樂園水質唔好仲有尿味,Tony親身赤膊落水:「冇臭味,係啲水暖暖哋啫!」
之前有報道指樂園水質唔好仲有尿味,Tony親身赤膊落水:「冇臭味,係啲水暖暖哋啫!」

事關佢哋都好興帶手提電話、相機(不過就似十幾年前香港流行的款式)入泳池影相,可能有得玩水是一件很難得的事吧!」玩水之餘,Tony亦不忘留意北韓囡囡的潮流走向,泳衣款式都以一件頭為主,三點式bikini絕跡!

外國人「齋睇唔游」參觀價€10/HK$86,想落水玩,「濕身價」另付€10!
外國人「齋睇唔游」參觀價€10/HK$86,想落水玩,「濕身價」另付€10!

玩夜場!平壤巴閉主題樂園

平壤有兩個較為人知的遊樂場,分別是舊到得人驚的「萬景臺遊樂場」, 以及Tony 去的「凱旋青年公園遊樂場」。後者更是當地首個夜間開放(晚上7時至凌晨12時)的遊樂場,問他過程會否擔心停電或人身安全,他說:「無事喎!機動遊戲完全唔係流!我比較擔心拍攝前吃得太飽,玩海盜船玩到嘔!場內仲有機舖,Game 款都新唔似二手貨!」

遊樂場面積相當於半個香港迪士尼,機動遊戲都有十款以上,望落都幾安全!
遊樂場面積相當於半個香港迪士尼,機動遊戲都有十款以上,望落都幾安全!
由於Tony長得有幾分似韓國人,圍觀的平壤青年都好有親切感!
由於Tony長得有幾分似韓國人,圍觀的平壤青年都好有親切感!

在北韓睇「都敏俊」隨時被送去勞改,當地人只可以睇土炮劇集,內容好唔好睇見仁見智、但原來製作都OK認真,行程參觀了「平壤影視城」!Tony 說:「規模都幾大,估唔到條布景街比TVB 電視城仲多元化,中、日、歐洲街景都有齊,幸運地仲邀請到一位當地演員臨時拉伕入鏡㖭!」

平壤影視城在80年代落成,大部分北韓土炮電影,都是在此進行拍攝。
平壤影視城在80年代落成,大部分北韓土炮電影,都是在此進行拍攝。
見到當地的DVD封面,Tony有驚喜發現:「封面上啲演員好似關禮傑、吳奇隆,我懷疑佢哋喺北韓秘撈!」
見到當地的DVD封面,Tony有驚喜發現:「封面上啲演員好似關禮傑、吳奇隆,我懷疑佢哋喺北韓秘撈!」

在北韓遇到的N個人

記得之前Tony 主持《走過烽火大地》,被批評做得未夠深入,不少時間都匿喺車廂拍攝。今次北韓之行禁忌雖多,卻驚喜不絕,Tony 說:「今次好難得,唔使靠旅遊專車點對點接送,可以喺街道上行走和拍攝,亦意味可以隨便在街上與當地人直接對話。」

參觀連接南北韓邊境的板門店,幾乎是北韓旅行的指定行程,現場有軍人講解北韓設備。我最難忘的是, 他道出自己的心願, 便是希望南北韓統一,有生之年可以去到首爾、釜山……
參觀連接南北韓邊境的板門店,幾乎是北韓旅行的指定行程,現場有軍人講解北韓設備。我最難忘的是, 他道出自己的心願, 便是希望南北韓統一,有生之年可以去到首爾、釜山……
一般觀光只會見到厚粉學生表演,但我在平壤街頭卻遇上一群紅領巾小學生,班細路竟然懂得用英語單字講hello,甚至自我介紹my name is……都冇問題!
一般觀光只會見到厚粉學生表演,但我在平壤街頭卻遇上一群紅領巾小學生,班細路竟然懂得用英語單字講hello,甚至自我介紹my name is……都冇問題!
不少傳聞話金仔愛靚女,我好認同!因為招待我們的當地女導遊和旅遊代表,五官都好靚,皮膚又好,可惜我唔識韓文,淨係可以聽她們介紹景點,冇得深入交流。
不少傳聞話金仔愛靚女,我好認同!因為招待我們的當地女導遊和旅遊代表,五官都好靚,皮膚又好,可惜我唔識韓文,淨係可以聽她們介紹景點,冇得深入交流。
我們更去到一位金日成大學教授的家,全程不斷表示感恩,多謝國家提供住宿,又畀佢去到不同國家做學術交流,好似多謝公司經理人咁,無限感激國家畀佢好多機會……
我們更去到一位金日成大學教授的家,全程不斷表示感恩,多謝國家提供住宿,又畀佢去到不同國家做學術交流,好似多謝公司經理人咁,無限感激國家畀佢好多機會……

可能係世上最貴嘅自拍!

今次節目未出街先曝光,緣於一張在金日成銅像前的fb 自拍照、成功呃like,不少網友驚覺原來北韓都可以上網,Tony 解釋:「平日遊客只能申請到僅供通話的電話卡,除非是經常往來的外國人,或像我這類特例,才可以經旅遊局特別申請連上網的電話卡。

100_1價錢都唔平,HK$1,800已包7天採訪行程通話費,另送150M 上網,網速只有500K,到出境時歸還。我覺得貴得有價值呀,因為不局限於酒店範圍,在北韓全程都用到,最勁可以上埋fb,玩Facetime,連翻牆都唔使!」

100_2

拍攝6大禁忌!

1. 講錢就傷感情,凡是朝鮮幣的匯率、物價等通通要避!
2. 影領袖人的銅像,一定要影全身!影漏隻腳,隨時唔使返香港!
3. 冇批准不可以拍攝街上的軍人。
4. 返酒店之後,不得隨便進出。
5. 提到北韓,不可以講North Korea,一定要講DPRK朝鮮!
6. 只可以影北韓美好一面,好似修路、維修等,一律唔准影!

延伸閱讀: 洪永城 膽搏膽入 北韓 (上集)

延伸閱讀:洪永城 5個 北韓 的秘聞(中集)

延伸閱讀:遊北韓一年後自爆 被逼寫悔過書!

洪永城親試! 北韓 都有娛樂 (下集)

最新吃喝玩樂資訊