明星潮玩直立板 炎夏晒身材同時晒恩愛

影視娛樂

廣告

非常時期,唔想屈喺屋企又唔想冒險犯限聚令,其實都有好多運動係適合一個人玩。近年歐美大熱嘅直立板近年就興到嚟香港,亦都成為一眾愛好水上運動明星藝人嘅新歡,一塊板一把槳可以曬太陽吸收維他命D,可以比堅尼上陣晒吓fit爆好身材,仲可以好似鄭伊健同蒙嘉慧兩公婆一樣一齊玩晒恩愛,好處多多!

原文刊於《東方新地》

鄭伊健蒙嘉慧閃過太陽

直立板源於夏威夷,重點在於衝浪板結合手划槳,玩法好自由,可以趴可以跪可以企,亦都可以好似伊健同蒙嘉慧前後坐,伊健划槳 YoYo影相。

明星潮玩直立板 炎夏晒身材同時晒恩愛

李施嬅一試難忘

去年暑假李施嬅去泰國度假時,對住青山綠水都有玩直立板,更表示一試難忘。

明星潮玩直立板 炎夏晒身材同時晒恩愛

劉溫馨玩到擦損

有教練監場、又喺靜止水面進行,直立板最好之處係體能要求唔高,危險性又低,不過始終係戶外活動,一唔小心,就會好似劉溫馨咁樣擦損㗎!

明星潮玩直立板 炎夏晒身材同時晒恩愛

陳偉琪氣勢豪邁

細龍太陳偉琪自參選港姐時已經將運動掛喺口唇邊,入行後亦持續做運動保持驕人好身材同一身古銅色肌膚,呢個夏天都有落水玩直立板,氣勢豪邁。

明星潮玩直立板 炎夏晒身材同時晒恩愛

連詩雅唔落老蘭玩直立板

真係唔好睇小電視劇入屋魔力,多年既定蒲精形象嘅連詩雅近日都因為《那些我愛過的人》成功入屋兼洗底,其實Shiga興趣廣泛又愛運動,生活真係唔係日日落老蘭咁枯燥。

明星潮玩直立板 炎夏晒身材同時晒恩愛

黃嘉雯大晒好身材

2019年港姐冠軍黃嘉雯卸任在即,冇咗銜頭同虛名,其實上山落水更輕鬆玩得更放。近日又湊熱鬧潮玩直立板,著上開胸泳衣大晒好身材。

明星潮玩直立板 炎夏晒身材同時晒恩愛

初學者薛凱琪一樣玩得

疫情反覆都冇阻止薛凱琪嘅事業心,幾個月來回歸娘家華納唱片 又 出 埋 新 歌〈 南昌街王子 〉,亦都有跟潮流落水玩直立板。嬌滴滴嘅初學者,其實
好似 Fiona 一樣跪喺度玩一樣得。

明星潮玩直立板 炎夏晒身材同時晒恩愛

王敏奕玩板當叉電

同金像最佳導演曾國祥結婚一年,王敏奕今年再為無綫連拍兩劇,新作《 香港愛情故事 》就快出街。拍劇生涯日夜顛倒,好彩兩套劇之間,王敏奕都叉足電玩吓板先。

明星潮玩直立板 炎夏晒身材同時晒恩愛

趙希洛板上做瑜伽

著上火辣性感泳衣嘅趙希洛身材都幾有睇頭,潮玩直立板更懂得注入新元素喺板上做埋瑜伽,訓練平衡力。

明星潮玩直立板 炎夏晒身材同時晒恩愛

胡蓓蔚造型先聲奪人

論年紀,胡說八道會中最年長一個係48歲嘅胡蓓蔚,不過論活玩得,一身金色飾物加泳衣玩直立板,造型先聲奪人。

明星潮玩直立板 炎夏晒身材同時晒恩愛

劉溫馨如何指證對方為「食家」?

在林正峰公司清澄後的同日深夜,劉溫馨在個人社交平台上載一張在主題公園的遊玩照,更以「他約我去迪士尼」為題,文中的標示語亦別有用心⋯⋯詳見:劉溫馨疑似隔空反擊指證對方「他約我去迪士尼」

林正峰赴生日飯局暗示被人陷害?

林正峰在自己社交平台作出4大點回應澄清,除了強調自己是單身,字裡行間竟提及曾有一位前輩約他食生日飯,仲話⋯⋯詳見:林正峰傳搭上劉溫馨急發聲明自辯

資料或影片來源:原文刊於東方新地