郭奕芯水著烤雞兼晒身材 《辣伙頭.開火》第二季晒廚技
郭奕芯水著烤雞兼晒身材 《辣伙頭.開火》第二季晒廚技

郭奕芯水著烤雞兼晒身材 《辣伙頭.開火》第二季晒廚技

型男楊天宇(Angus)孖索女郭奕芯,齊齊參與 ViuTV 節目《 辣伙頭.開火 》第二季,今輯將會跳出錄影廠,以真人show 形式進行。二人除接受一輪接一輪的廚藝考驗外,更被測試如何經營一間餐廳,向高難度挑戰!其中一集更走到沙灘烹調燒烤食品,身為該集隊長嘅 Angus,更煮到嗌晒救命㖭!

原文刊於《東方新地》

楊天宇密密加操好身材

為應付工作量勁大的餐廳工作,Angus 近月來密密加操:「 拍呢個節目除咗要『 腦力 』去諗點樣經營餐廳,體力都好重要,雖然平時有操開,但為咗可以應付廚房同樓面嘅工作,呢幾個月都特別加緊操練。」操得一副好 body,面對體力勞動完全冇難度,但其中一集去沙灘烤雞,足以令 Angus 嗌晒救命:「 最難係要用炭爐去燒,因為炭爐火候好難掌握,加上我之前試過燒雞燒唔熟,所以壓力好大!平時燒嘢食我都好怕燒雞翼,我冇乜耐性!」

楊天宇、陳欣妍、郭奕芯、譚凱倫被安排同組合作無間,郭奕芯坦言大家相處愉快,已互相了解各人脾性。
楊天宇、陳欣妍、郭奕芯、譚凱倫被安排同組合作無間,郭奕芯坦言大家相處愉快,已互相了解各人脾性。
楊天宇孖郭奕芯參與 ViuTV 節目《 辣伙頭.開火 》第二季,當中一集要到沙灘玩燒烤,二人要著上泳裝登場,大晒fit 爆 body。
楊天宇孖郭奕芯參與 ViuTV 節目《 辣伙頭.開火 》第二季,當中一集要到沙灘玩燒烤,二人要著上泳裝登場,大晒fit 爆 body。
25歲爆肌鮮肉男神楊天宇,身高六呎,擁有40吋巨胸,外形煞食,更加係一名運動健將。
25歲爆肌鮮肉男神楊天宇,身高六呎,擁有40吋巨胸,外形煞食,更加係一名運動健將。

郭奕芯四吋乳溝水著烤雞 《辣伙頭.開火》第二季晒廚技

郭奕芯、陳欣妍沙灘鬥水

至於曾參與第一輯節目嘅郭奕芯,相對經驗較豐富,對於烹調方面可謂駕輕就熟,最難忘反而係與敵對組玩 mini game爭奪煮食題材,郭奕芯笑言:「 呢集個遊戲要我哋鬥快用划艇划出浮台獲勝,雖然最終我同隊友 Angus、陳欣妍輸咗,但過程緊張好刺激!」Angus 更大讚本身怕水嘅陳欣妍好大犧牲,勇敢豁出去克服恐懼令佢好佩服!

著上三點式嘅郭奕芯不經意騷出事業線,噴血指數爆燈!
著上三點式嘅郭奕芯不經意騷出事業線,噴血指數爆燈!
本身怕水嘅陳欣妍為爭勝克服恐懼,豁出去落海努力划艇,勇氣可嘉。
本身怕水嘅陳欣妍為爭勝克服恐懼,豁出去落海努力划艇,勇氣可嘉。

Angus做茶餐廳身兼三職一腳踢

首次參與烹飪節目,Angus 承認當中有唔少蝦碌事情發生,好似茶餐廳一集係佢第一次擔任隊長,所以有唔少壓力。而當日佢嘅崗位係負責將「 叉燒洋葱芝士菠蘿包 」分拆再合成,Angus 解釋:「 意思係我𠝹開個菠蘿包,陳欣妍同郭奕芯就負責整菠蘿包入面嘅餡。最後為咗加快速度,佢哋淨係煮菠蘿包嘅餡,我就將啲餡砌埋合併落菠蘿包,跟住出餐。」不過原本負責廚房嘅 Angus 最後要兼任水吧及樓面,身兼三職一腳踢,只因生意太好,忙到甩轆,Angus 表示:「 其實茶餐廳嗰日一開始已經排晒長龍,忙到爆,走來走去體力勞動好大!」難怪佢愈嚟愈 fit 啦!

節目播出後,立即成為網上討論區熱話,而之前喺 Facebook Li
節目播出後,立即成為網上討論區熱話,而之前喺 Facebook Live中,郭奕芯更講到喊,感觸良多。
Angus 自言從學習中成長,慢慢開始掌握烹飪竅門。
Angus 自言從學習中成長,慢慢開始掌握烹飪竅門。
烈日當空下曝曬玩燒烤,縱然過程艱辛濕透全身,二人都咬緊牙關撐到底。
烈日當空下曝曬玩燒烤,縱然過程艱辛濕透全身,二人都咬緊牙關撐到底。
自認冇乜耐性嘅Angus,平時最怕燒雞翼,今次要用炭爐烤雞,對佢嚟講確係一大考驗。
自認冇乜耐性嘅Angus,平時最怕燒雞翼,今次要用炭爐烤雞,對佢嚟講確係一大考驗。

最新吃喝玩樂資訊