在美孚尋找富良野@DINING娜
在美孚尋找富良野@DINING娜

在美孚尋找富良野@DINING娜

(Presented by北海道牧場餐廳)

藍藍天空高掛我的夢,就算日日掛住個大太陽我都冇有怕,最緊要天氣好呀嘛!天氣好、心情好就梗係要同班姊妹歎個靚tea啦。自從上個月同班日本friend試完旺角小木屋嘅北海道牧場餐廳,心思思其實好掛住嗰到啲炒蛋。

01

上網見到佢喺美孚開咗新舖,又有藉口同幾個姊妹去食,順便試下啲新嘢嘛!一入去其實已經覺得好舒服,舖頭藍白色嘅主題簡直同個好天氣襯到絕呀,而且又有高櫈座位,想寫意歎tea完全冇難度。02

今個月佢哋推出全新fusion下午茶,結合咗香港味道同日本食材,創出自家style嘅美食,冇理由唔試下㗎?4個女仔6個胃(我有3個),叫到成檯都係嘢食,熱狗、牛角包、特餐、漢堡扒、西多士樣樣齊,好彩食極唔肥,唔知仲以為我哋生「為食積」。

唔好俾熱狗個綠色醬汁嚇親,試真啲係用咗芥末醬同蛋黃醬嚟調配,蛋黃醬中和番芥末醬強烈鮮明嘅味道,2個醬夾得嚟又唔會互相搶味,夾埋條芝士雜肉腸,啱啱好!

除咗個汁抵讚,其實個熱狗包都好鬆軟,趁熱食最好味!
除咗個汁抵讚,其實個熱狗包都好鬆軟,趁熱食最好味!

炒蛋火腿牛角包未上檯都已經聞到陣香味,原來係3吋炒蛋三文治演變出嚟嘅新菜式,拿手炒蛋加埋牛油味甚濃嘅牛角包,又脆又香,冇得彈。

04

上次食過已經覺得個西多士唔錯,旁邊2球分別係3.6牛乳同綠茶雪糕,簡直引人犯罪,我唔係雪糕控都俾佢深深吸引住。05

最後KO埋個北海道特餐,保持水準嘅作品,拿手炒蛋香滑流心就唔使講,juicy到不得了嘅半肥瘦叉燒、3.6牛乳加雞湯煮成嘅通粉,再加埋錦上添花嘅丁丁蒜味,啱晒我dining娜,食都要食得刁鑽過人。06

 

北海道牧場餐廳

地址:美孚新邨第5期蘭秀道1-15號9號舖地下 (顯示地圖
(全線有12間分店)

電話:2370 8527
網址:www.hokkaidodairyfarm.com

最新吃喝玩樂資訊