獨家捕獲!暖男陳豪遇殘障粉絲停車合照 網友:「藝人典範! 」

影視娛樂

廣告

疫情反覆都未斷尾,失驚無神又驚爆第三波,確實打亂唔少人計劃令人灰心!無論如何,少出街少聚會做好個人衞生措施始終係自保最佳辦法!不過藝人要趕拍攝冇得停工之餘,對住粉絲又要有求必應,反應慢啲都會被人當態度差耍大牌,睇吓《殺手》李佳芯、陳豪呢一對拍檔真人示範先!

原文刊於《東方新地》

暖男陳豪遇殘障粉絲停車合照

日前就見到Cash姐李佳芯同Zero陳豪分別喺電視城門口出現,先係陳豪收工揸車準備走,閂埋車窗、除埋口罩已經開埋車,突然間又會停埋一邊。原來幾個電視迷揮手求合照,其中一個仲係不良於行坐住輪椅,視帝認真唔話得,口罩都戴唔切就開咗車窗,逐個影相至走人。滿足晒大家心願,又冇離開過座駕,都叫保持咗安全距離嘅。

家有嬌妻同三個仔女等門,陳豪一收工趁天光嗱嗱出車返歸。
家有嬌妻同三個仔女等門,陳豪一收工趁天光嗱嗱出車返歸。
閂晒車窗除埋口罩,又會停低架車嘅?原來有粉絲求合照。
閂晒車窗除埋口罩,又會停低架車嘅?原來有粉絲求合照。
遇上幾個電視迷,陳豪nice到逐一影完相並笑容可掬揮手say bye。
遇上幾個電視迷,陳豪nice到逐一影完相並笑容可掬揮手say bye。
原來其中一個更加係不良於行,好彩陳豪好眼力主動被集郵不致令對方失望而回。
原來其中一個更加係不良於行,好彩陳豪好眼力主動被集郵不致令對方失望而回。

李佳芯冇罩高危

然後輪到佳芯BB同工作人員喺電視城門外拍嘢,等埋位時自然圍埋一齊吹水過日晨,冇遮冇掩諗都冇諗過戴番個口罩㗎!不過拍戲化咗全妝一戴罩又現痕又要補妝,要趕進度、要顧靚樣仲要防埋惡菌,你話顧得邊樣呢?

李佳芯喺電視城門外拍嘢,等埋位時同工作人員圍住吹水。
李佳芯喺電
視城門外拍
嘢,等埋位時同
工作人員圍住
吹水。
身為女主角,口罩又戴又除會整花個妝,所以佳芯BB都冇戴番個口罩。
身為女主角,口罩又戴又除會整花個妝,所以佳芯BB都冇戴番個口罩。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地