34歲王君馨白色Deep V水著拍MV 人妻棄買樓自資出歌圓夢

影視娛樂

廣告

34歲王君馨(Grace)為了圓歌手夢,自資六位數出歌拍MV,升呢人妻後更無顧之憂,以白色超Deep V泳衣瞓沙灘濕身拍攝新歌〈Casada〉,在鏡頭前扭動蛇腰、騷胸趷籮,極度誘惑。

原文刊於《東方新地》

王君馨著上白色低到近肚臍位的性感泳衣,意態撩人。
王君馨著上白色低到近肚臍位的性感泳衣,意態撩人。
人妻晒完事業線,再大晒白滑靚背。
人妻晒完事業線,再大晒白滑靚背。

拍MV晒暴乳遇暴風

王君馨日前舉行記招宣布以獨立歌手「G.Racie」身分「再出道」,一直熱愛音樂的Grace為了達成跳唱歌手的夢想,自資出歌拍MV,為了自己的「BB」,半年前開始籌備,修身練舞搞靚副偈,以最佳狀態拍攝新歌〈Casada〉MV,火辣人妻王君馨濕身水著大解放,躺在沙灘大騷事業線及長腿,仲索過未嫁時。靚人靚景背後,原來都唔係咁爽,Grace貼出花絮片段話:「一張好似好Effortless(毫不費力)嘅相,估吓兩分鐘前發生咩事?」原來拍攝中途突然狂風暴雨,拎住雨遮的Grace被吹到企唔穩,拍攝要一度中斷﹗

大Deep V水著,有料王君馨都駕馭到,露出南半球。
大Deep V水著,有料王君馨都駕馭到,露出南半球。
拍攝時,天有不測之風雲,突然遇上狂風雷暴,不過Grace都係笑臉迎人未見愁容。
拍攝時,天有不測之風雲,突然遇上狂風雷暴,不過Grace都係笑臉迎人未見愁容。

六位數私己錢出一首歌

結婚三年的王君馨成日被問幾時造人生B,早前佢在IG宣布「BB」要出世,所指原來是她籌備半年的新歌,其後在MV發布會上,Grace為了做歌手,出錢又出力,暫時花費六位數字,並明言知做音樂是「無底深潭」,所以暫時放棄買樓的目標,Grace為做歌手搏到盡,老公相當支持,發布會當日更上台獻花,Grace話:「佢都好支持我去追夢,覺得有夢想要用盡全力去實現,唔好放棄,依家暫時用咗六位數字,係六位尾嘅數字,真係好大嘅數目,其實嚟緊仲會再出多幾首歌,搞音樂就係無底深潭,為咗想好想拍得靚啲,之後嘅MV應該都會愈嚟愈揼本,所以距離買樓呢步又再遠咗喇。」

在MV內,有多個造型,仲有呢個bra top look印住跳舞。
在MV內,有多個造型,仲有呢個bra top look印住跳舞。
MV發布會當日原來是王君馨同老公Daniel結婚三周年的大日子,老公上台獻花錫錫,好冧﹗
MV發布會當日原來是王君馨同老公Daniel結婚三周年的大日子,老公上台獻花錫錫,好冧﹗
王君馨自捧做歌手,老公Daniel無限量支持。
王君馨自捧做歌手,老公Daniel無限量支持。
王君馨同女dancers一齊狂扭pat。
王君馨同女dancers一齊狂扭pat。
MV拍足全日,轉了多個造型。
MV拍足全日,轉了多個造型。
MV由沙灘走到入室內,今次貼身背心下谷胸上陣。
MV由沙灘走到入室內,今次貼身背心下谷胸上陣。
早前在IG宣布其「BB」誕生,原來係推出單曲〈Casada〉
早前在IG宣布其「BB」誕生,原來係推出單曲〈Casada〉

資料或影片來源:原文刊於東方新地