那些我演過的盲人角色!「電眼影帝」梁朝偉盲足4次!
那些我演過的盲人角色!「電眼影帝」梁朝偉盲足4次!

那些我演過的盲人角色!「電眼影帝」梁朝偉盲足4次!

正在無綫熱播劇集《 殺手 》中,10優港姐麥明詩扮演盲女,被讚演技 level up,尤其日前劇情講佢聲淚俱下夾雜憤怒情緒,狂罵衰格父親黎耀祥時,真係睇到拍爛手掌!其實過往都有唔少藝人都扮演過盲人,好似影帝梁朝偉就做過四次失明人士,而王浩信演盲人仲攞埋萬千星輝「 最佳男主角 」,人氣身價急升,盲出個未來!

原文刊於《東方新地》

麥明詩告別作《殺手》技 level up

麥明詩喺《殺手》歇斯底里嘅演出,無論行內人定網友,都係讚多過彈,其中伍詠薇就喺 facebook稱讚對方「意外驚喜,做得好好……期待,加油……」不過麥明詩要喺另一範疇加油嘞,因為佢已經暫別 TVB,加入國際著名管理顧問公司麥肯錫,專心當 OL,《殺手》成為佢嘅告別作。

那些我演過的盲人角色!「電眼影帝」梁朝偉盲足4次! 那些我演過的盲人角色!「電眼影帝」梁朝偉盲足4次!

王浩信《踩過界》扮盲贏視帝

王浩信喺劇集《踩過界》中眼盲心不盲,扮演正義大律師,仲令佢成為《萬千星輝頒獎典禮2017》「視帝」,事業大躍進,財源滾滾來!

那些我演過的盲人角色!「電眼影帝」梁朝偉盲足4次!

劉德華《盲探》盲公竹變武器

劉德華主演嘅《盲探》,有好多動作鏡頭,盲公竹成為呢位神探嘅武器,棍棍有力好打得,最後當然敵不過鄭秀文這情關。

那些我演過的盲人角色!「電眼影帝」梁朝偉盲足4次!

鍾欣潼《低一點的天空》挑戰盲人角色

鍾欣潼在電影《低一點的天空》中挑戰盲人角色,第一次扮演盲人嘅阿嬌於拍攝前,特意走去盲人中心及庇護工場體驗生活,投入演出令人眼前一亮。

那些我演過的盲人角色!「電眼影帝」梁朝偉盲足4次!

任達華《小Q》扮盲最辛苦

影帝任達華扮乜似乜,但要講到最辛苦嘅,係佢喺電影《小 Q》中飾演嘅視障人士。由於電影有唔少室外場面,受猛烈陽光和劇組燈光影響,令佢好難做到雙眼失焦,直言又迷惘又困難,有一場戲拖住導盲犬過斑馬線,就足足拍咗六小時。

那些我演過的盲人角色!「電眼影帝」梁朝偉盲足4次!

江嘉敏殘障、病人角色一籮籮

江嘉敏真係好不幸囉,喺《兄弟》入面患上認知障礙症,之後劇情仲要撞親頭墮海失蹤,《福爾摩師奶》又罹患失憶症,到《降魔的2.0》就演盲眼少女,希望下次 TVB啲監製、編劇唔好咁殘忍啦!

那些我演過的盲人角色!「電眼影帝」梁朝偉盲足4次!

最新吃喝玩樂資訊