5大網購買餸平台 新鮮食材速遞 幫你決定今晚食乜餸!日本直送蔬果/海鮮/本地有機菜/餸菜包|外賣食乜好
5大網購買餸平台 新鮮食材速遞 幫你決定今晚食乜餸!日本直送蔬果/海鮮/本地有機菜/餸菜包|外賣食乜好

5大網購買餸平台 新鮮食材速遞 幫你決定今晚食乜餸!日本直送蔬果/海鮮/本地有機菜/餸菜包|外賣食乜好

最近落街買餸怕人多,但又想留在家中煮餐好,網購食材就是不錯的選擇,無論是日本蔬果、急凍食品、海鮮、肉類都可以新鮮速遞送上門,有部份更會搭配好「今晚食乜餸」系列,跟住買嚟煮就得,夠晒方便!

撰文:新假期編輯部|資料來源:相關機構

5大網購買餸平台!新鮮食材直送上門

1. Oisix 日本產地空運直送蔬果

Oisix是來自日本的食品外賣速遞公司,可說是日本食品超市的網上版,食材包羅日本不同縣市出品,如島根縣蜜瓜、山梨縣羽衣甘藍、沖縄縣秋葵,更是向當地農家直接購入,保證新鮮。特別服務有「Oisix Weekly」(詳情按此),每星期有一個約含18件日本食材的Weekly Box直送上門;最近又新推星期三限定的「Frozen Wednesday冷凍速遞」,有100款急凍食材供應,連殼青口、炸雞、加熱即食西班牙海鮮飯餸包等,當是一頓晚餐又或是小菜亦得。

網購
網購食材包Oisix Weekly每星期會送上一個Weekly Box,內含約18款日本直送食材,客人可隨意加減產品,並以優惠價$1加購限定商品。
網購
西班牙海鮮飯Paella材料包 $122.8
食材
北海道 車厘茄 $38.8/120g

Oisix香港

網站:https://hk.oisix.com/
查詢:電郵至[email protected]
運費:
【一般運費計算】
購物$300以下,運費$88
購物$300以上,運費$68
購物$450以上,運費$38
購物$600以上,運費全免

【Weekly會員運費計算】
購物$300以下,運費$68
購物$300以上,運費$58
購物$450以上,運費$38
購物$600以上,運費全免

備註:
1. 「Frozen Wednesday」登場時間為逢星期三8am至星期四8am
2. 送貨日為逢星期四、星期六及星期日。
3. 每次購物均需繳付運費,如訂單內有購買冷凍商品(商品圖像會顯示「Frozen」),則需另外繳付「冷凍處理手續費」。

4.Weekly會員可以購買專享冷凍通行證,持有冷凍通行證期間內都無須支付任何溫度處理手續費。

2. JOU SUN早晨 香港本地農場直送

講到新鮮食材,當然由香港本地出品就是最新鮮啦!JOU SUN早晨網購平台由50個本地農場及進口商選購貨品,由蔬果到肉類、家禽、魚類都有,有超過1,500款選擇。食材會於送貨當日收割、屠宰,最快在收割後12小時內送到,保證新鮮,首次購物更享9折優惠,不妨支持一下本地農業啦!

網購
JOU SUN早晨貨品種類多,主打本地農場出品的蔬果、肉類,亦有少量由外地進口。
食材
香港家豬 「太極豬」免治黑豚肉 $59/~300g
食材
新時代有機農場 蕃薯苗(有機)$20/~300g

JOU SUN早晨

網站:https://www.jousun.com/
查詢:於網站內即時通訊 或 電郵至[email protected]
運費:最少須訂購$100貨品才有送貨服務,訂單少於$500,運費為$80;買滿$500即免運費,最快翌日送達。
備註:
1. 送貨時間為星期一至六 1-5pm
2. 送貨服務設限額,分時段推出,詳情請於網站查看最新資訊。

3. 肯尼海鮮 生猛海鮮直送上門

肯尼海鮮主打海鮮速遞送上門服務,店內有新鮮海鮮以及菜式供應,海鮮款式多樣,刺身、鮑魚、長腳蟹、龍蝦、星斑均有。不過要說到招牌的就是其Shake Shake海鮮袋,附有5至6款海鮮,記者實測款款夠晒新鮮生猛,龍蝦還會不斷跳動,而且更附有粟米配菜以及蒜蓉、牛油等醬料,夠晒方便!

網購
Shake Shake 海鮮袋 $520起
食材
阿根廷赤蝦 10隻裝(刺身用、XL Size)$90
食材
波士頓龍蝦(12-14兩) $108/隻

肯尼海鮮

網站:https://www.kennyseafoodhk.com/
查詢: (Whatsapp)9851 4783 或 於網站內即時通訊
運費:訂單少於$300,運費為$80;訂單$300以上,運費為$50;買滿$700即免運費。偏遠地區收費不同,詳情請WhatsApp查詢。
備註:
1. 送貨時間為每日3pm-6pm,每晚9pm截單,翌日送貨。

4. 好生活 糧油雜貨有機菜速遞平台

好生活產品以食物、生活用品等糧油雜貨為主,有麵食、醬料、罐頭、零食等,亦加入果菜市場,把有機菜直送上門。最大特色是主打香港、台灣製造產品,負責人更精心挑選有質素、坊間少見的食材,讓香港人有多一個選擇。好生活不時與本地小店聯乘,推出獨家產品,例如是即食餸菜包麻辣東風螺、特製菇菌醬等,最近有期間限定的DIY Homemade Pizza Kit,一份包括麵粉與醬料,讓大家可以在家自製Pizza!

今晚食乜餸
DIY HOMEMADE PIZZA KIT (原價)$103、(特價)$98
包嘉禾牌特級高筋麵粉 1kg(家用裝)及意大利蕃茄乾紅醬 180g,可加購火箭菜、車厘茄等配料。
網購
慢煮古法太爺雞(半隻)$168
食材
有機紅洋葱 $48/500g

好生活

網站:https://goodlife.com.hk/
查詢: (Whatsapp)5479 2728 或 電郵至[email protected]
運費:(詳情按此)訂單少於$399或$499,運費為$80;買滿$399香港、九龍區免運費;買滿$499新界區免運費。
備註:
1. 一般為逢星期三送貨

5. Festyle妳想煮意 預先處理餸菜包即煮即食

懶得處理食材?諗唔到煮乜餸?妳想煮意就有提供預先處理好的餸菜包,是由一班家庭主婦代為洗切醃好,送到家中一打開便可以即蒸即炒,亦附有簡單食譜,適合想要即煮即食,但又怕麻煩的朋友!而且網站內都是以菜式為產品,例如甜酸汁菠蘿煮排骨、沙茶金菇肥牛粉絲煲,唔怕諗唔到食乜餸。現凡首次下單買滿$200,於下單備註中寫明「首次下單送時蔬」即有免費時蔬一份,如果買完覺得口味夾的,可以一併訂購月票,一次落單送足4星期,每星期8款菜式,晚餐冇煩惱!

今晚食乜餸
沙茶金菇肥牛粉絲煲 $68
今晚食乜餸
潤肺雪梨乾紅蘿蔔蟲草花素湯 $70
網購
手工土魷蒸肉餅 $65

Festyle妳想煮意

網站:https://www.festyle.hk/
查詢:(Whatsapp)5647 6260 或 電郵至[email protected]​​
運費:(詳情按此)最少須訂購$120貨品才有送貨服務,地區收取不同運費,訂單少於$350,運費為$30-40;買滿$350-400即免運費。
備註:
1. 送貨服務為星期一至六 4-8pm,送貨前兩晚11:59pm截單。

最新吃喝玩樂資訊