香港3大治癒系Cafe- 孤泣 小說實體化

交低前度!帶走另一個前度!講緊嘅係前度嘅信物呀! 孤泣 小說《戀愛待換店》變成實體化Cafe,可以同小說故事一樣,同陌生人交換前度信物同愛情往事!話唔定對方有留低聯絡方法,會係另一段緣份嘅開始!其實香港仲有好多治癒系Cafe,有可以齋坐唔消費嘅地方,亦都有可以舒舒服服飲咖啡、睇傢俬嘅地方,充滿治癒感!

交換前度⋯⋯信物

「那動人時光 不用常回看」望住前度件信物,與其眼冤,不如將佢放下。孤泣今個月就以佢本小說《戀愛待換店》為藍本,開咗間樓上Cafe,上到去,跟足書中故事,放低前度信物同故事,透過扭蛋機,抽前另一位陌生人嘅信物同戀愛往事。咦?唔知有無人會放低條Pandora,又或者係勞力士呢?

_MG_4492 copy

孤泣希望以交換信物嚟加強人同人嘅溝通。
店主及作家 孤泣 :希望以交換信物嚟加強人與人嘅溝通。

信物有來頭 連手機都有!

喺信物架入面,Pandora,同勞力士就唔見有喇,物品多以生活小物為主,有筆、戲飛、遮、書、$20紙,連《最後一分鐘-中國歷史》都有, 孤泣 話曾經試過連手機都有一部!不過係壞嘅。到底呢啲信物有乜嘢來頭?真係有好多幻想空間,但個故仔真係要抽到先會知,想孤泣放下口風,佢都話唔知,因為個故仔係放咗入信封,要抽到先可以開封。萬一件信物放咗喺度,但後來同前度復合,想拎返呢?如果好彩未俾人抽走,同店員講聲,其實都可以拎返走。

螢幕快照 2015-08-27 下午07.11.08

放低前度4件事

到底點樣可以交換前度信物同秘密?過程總共有4個step。

1. 親手寫低信物故事。
1. 親手寫低信物故事。
2. 將故事放入信封。
2. 將故事放入信封,交俾職員。
3. 在扭蛋機內扭出號碼。
3. 於扭蛋機內扭出號碼。
5. 放低前度信物,跟據號碼拿走另一人嘅信物同故事。
4. 放低前度信物,跟據號碼拎走另一人嘅信物同故事。

講完交換前度信物嘅方法啦!去Cafe,點可以唔飲嘢食嘢呢?呢度嘅食物以西餐為主,主菜有意粉同飯可以揀,甜品有蛋糕,飲品方面,花茶同酒都有,叫個飯,叫杯嘢飲,人均消費百幾蚊,不過食得飽,同埋Cafe喺銅鑼灣近跑馬地地段,有落地玻璃可以望下風景,呢個價錢差唔多。

甜蜜‧摩天輪 $128 摩天輪可轉動,內有8款蛋糕,包括Tiramisu、草莓白朱古力蛋糕等。
甜蜜‧摩天輪 $128
摩天輪可轉動,內有8款蛋糕,包括Tiramisu、草莓白朱古力蛋糕等,同朋友share,可以玩轉到邊格就食邊隻味。
黑松露野菌忌廉意大利飯 $92 黑松露味好幽香,飯粒硬度剛好,有咬口。
黑松露野菌忌廉意大利飯 $92
黑松露味好幽香,飯粒硬度剛好,有咬口。
蝶戀花茶 $54 以蝶豆花沖泡成藍色花茶,味道較清淡。
蝶戀花茶 $54
以蝶豆花沖泡成藍色花茶,味道較清淡。
Somersby 配草莓沙冰 $81 Apple Cider倒轉放入草莓沙冰內,夠冰凍,酸酸甜甜幾開胃。
Somersby 配草莓沙冰 $81
Apple Cider倒轉放入草莓沙冰內,夠冰凍,酸酸甜甜幾開胃。
Cafe空間細小,啱一個人散下心,望下風景。
Cafe空間細小,啱一個人散下心,望下風景。

無論你是要留下前度的信物,或是想到Cafe休息Hea下,都有機會一睹呢位作家 孤泣 的風采,因為Cafe在開業初期,身位店主及作家的 孤泣 都會在店內「打躉」,除非佢突然靈感到需要寫作,否則都會留喺Cafe內咁話,大家好好把握機會喇!

Timeless Cafe

地址:銅鑼灣禮頓道2A號2樓 (顯示地圖)

營業時間:12:30pm-11:00pm

電話:6772 2779

零最低消費悠閒空間

喺旺角,搵間Cafe同朋友舒舒服服傾計真係好難,坐得略為耐一啲,就可能要再加單,又或者被待應望住,感覺唔係幾好意思。但呢間隱藏喺鬧市中嘅小房子,就不設最低消費,上嚟齋坐,睇下書,唔消費都可以。在香港,原來都有這種空間?

JC0_0783拷貝
負責人Polly本身係手作人,想喺香港內營造一個寫意空間,故不設最低消費。
室內空間都是由負責人及員工親自裝修,這幅水泥牆都是自家建造。
室內空間都係由負責人同員工親自裝修,呢幅水泥牆都係自家建造。
JC0_0811拷貝
店內手作品以舊木梯陳設,設計十分隨心。

淺嘗日式輕食

在小房子內,以生活空間為主,內有展覽、手作坊、電影欣賞會等活動,Cafe雖然只係其中一環,都係見人客坐得耐,可以有嘢填一填肚而設,但Menu內嘅食物唔馬虎,大部份以日式輕食為主,當中水信玄餅、宇治金時慕斯都比較受歡迎。

水信玄餅 $48 晶瑩剔透嘅水信玄餅內有一朵櫻花,食前淋上黑糖蜜,味道清甜帶有酒香。
水信玄餅 $48
外層晶瑩剔透,內藏一朵櫻花,食前淋上黑糖蜜,味道清甜有酒香。
豆腐芝士蛋糕 $30 (前);水果茶 $38 (後) 蛋糕帶有豆腐濃香,口感豐富;水果茶味較清淡。
豆腐芝士蛋糕 $30 (前);水果茶 $38 (後)
每日手造,蛋糕帶有豆腐濃香,口感豐富;水果茶味道較清淡。

 

宇治金時慕斯 $48 面層有丸子及淡奶,中層有紅豆蓉,下層有綠茶慕斯。紅豆蓉偏甜,慕斯綠茶味濃。
宇治金時慕斯 $48
面層有丸子及淡奶,中層有紅豆蓉,下層有綠茶慕斯。紅豆蓉偏甜,慕斯綠茶味濃。

 

雪糕多士 $68 (右);蜂蜜綠茶 $20 (左) 多士配上雲呢拿雪糕及紅酒蘋果等水果,味道香甜。綠茶有微微甜味。
雪糕多士 $68 (左);蜂蜜綠茶 $20 (右)
多士配上雲呢拿雪糕及紅酒蘋果等水果,味道香甜。綠茶有微微甜味。

小房子

地址:旺角豉油街67號2樓 (顯示地圖)

營業時間:12:00pm-11:00pm

電話:6773 6915

歎咖啡、睇傢俬一站式Cafe

呢間OUT OF CAFÉ係傢具品牌OUT OF STOCK嘅一個實驗空間,呢度可以一次過飲咖啡、睇傢俬,又可以睇下書,hea hea地又過一日。咖啡方面,店來主打由日本炒豆沖出嘅松屋式咖啡,沖式與西式相似,以濾紙進行,所用咖啡豆經過深度烘焙,味道更濃香。

_MG_0425拷貝

DSCF1415拷貝
店內亦有咖啡體驗班,收費$400,可學習沖松屋式咖啡。
Photo source: OUT OF CAFÉ
手沖松屋式咖啡 $65 Photo source: OUT OF CAFÉ
手沖松屋式咖啡 $65
Photo source: OUT OF CAFÉ
_MG_0491拷貝
Macchiato $40 基底為Espresso,加少少奶泡,口感濃烈。

 

士多啤梨窩夫 $45
士多啤梨窩夫 $45
窩夫低糖處理,不太甜,蛋味香。
朱古力蛋糕 $45 有濃香朱古力味,口感豐富。
朱古力蛋糕 $45
有濃香朱古力味,口感豐富。
喺度嘆杯咖啡,睇下雜誌,都幾relax。
喺度嘆杯咖啡,睇下雜誌,都幾relax。
_MG_0394拷貝
店內大半部份陳列傢俬,設計精緻,但價格亦不菲。不過,唔買睇下都得嘅。
Rüskasa 木椅 $5300 台灣手工造木椅,利用6-7種木造成,包括橡木、斑馬木、胡桃木等。
Rüskasa 木椅 $5300
台灣手工造木椅,利用6-7種木造成,包括橡木、斑馬木、胡桃木等。
由於店內亦設有
店內亦有Ungugu Origin專買部,俾主人幫狗狗揀新衫。
黑色狗仔裙 $920 香港設計師設計,價錢較高,不過手工細緻,亦能度身訂造。
黑色狗仔裙 $920
香港設計師設計,價錢較高,不過手工細緻,亦能度身訂造。

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!
see first

最新吃喝玩樂資訊