【 大阪 】海賊王環球影城夏水禮 4大check point

遇過好多旅行講明唔會去主題樂園嘅朋友，佢地大多都係話去主題樂園閒閒地都要用足一日，入到去玩唔買fast past又要排餐死，食嘢選擇少又貴乜乜乜。我呢個祟日之人就好鍾意去主題樂園玩，例如去東京一定會去齊兩個迪士尼，去大阪嘅話首選梗係環球影城！因為今年又有個會令所有動漫迷尖叫嘅主題，就係One Piece海賊王啦！

今年嘅海賊王主題同之前幾年一樣，喺環球影城唔同角落都會有One Piece嘅角色、遊戲、食物同精品出現。但最特別嘅一定係全新主題嘅舞台劇「海賊王ASL兄弟羈絆作」！呢個舞台劇最吸引之處，除咗有一班專業海賊王Cosplayer之外，仲有一大堆嘅煙花同爆破場面，就算唔係fans都一樣睇到非常投入拍爛手掌（就連人物配音都係搵返原著嘅聲優）！

小型濕身舞台劇，由主角路飛擔正，對付一眾海軍，表演速中仲會突然向觀眾射水，不過觀眾都會有報仇機會，向cosplayer射水還擊！

舞台劇，日本人不嬲出名咩都超級認真，cosplay由選角外型到服裝都同漫畫似到十足十，就連「咪咀」時間都啱啱好。

One Piece主題餐廳，由草帽團廚師山治主理，除咗有期間限定食物，草帽團咁多位成員仲會突然喺你身邊出現同唱歌！

環球影城海賊王餐廳 感動的現場大合唱【日本旅行】環球影城海賊王餐廳 感動的現場大合唱位於日本環球影城的海賊王餐廳 (サンジの海賊レストラン)，除了可以食到超特色的食物之外，更有機會遇到特別表演呢！原片：https://goo.gl/SN2Wlm=========================【香港美食】紫薯橫行土瓜灣 全港最平$5 紫薯卷地址詳情：www.weekendhk.com/?p=84880【香港甜品】荔枝巨無霸 大粒過雞蛋！詳情及影片：www.weekendhk.com/?p=84793

Posted by 新假期JetSo on Thursday, 2 July 2015

One Piece啲精品真係幾時都會令人大出血，加上環球影城限定精品就更加係手快有手慢冇。最受歡迎一定係路飛、艾斯同薩波三兄弟嘅item。

大阪環球影城海賊王舞台劇
日期：2015年7月3日至9月30日
網址：http://www.usj.co.jp/onepiece/summer2015/

想去大阪環球影城濕吓身？依家只要喺網上成功申請指定渣打信用卡，即有機會贏取HK$5,000旅遊禮券，畀你免費飛去大阪環球影城同路飛玩餐飽！

立即申請

圖片來源：全台灣-iPeen@ Hobbit、大榴槤@李桐人