Keep住進化唔識老!歷年港姐最叻變臉:眼大面尖高鼻樑

影視娛樂

廣告

選港姐要過五關斬六將,面試初見唔識化妝可以好嚇人,不過當選後入行可以判若兩人,愈變愈靚成個人sharp晒,個個都話係化妝技巧同女大十八變,五官唔同晒逆齡生長大有人在,真係無添加搵鬼信咩!

原文刊於《東方新地》

半百港姐陳淑蘭

當年五官標緻嘅蘭子,只係輸個馬鼻畀李嘉欣。
當年五官標緻嘅蘭子,只係輸個馬鼻畀李嘉欣。

愛靚係女人天性,後生女固然要keep,年紀大咗就更加唔想見到自己年老色衰,1988年陳淑蘭揮低李嘉欣成為當年嘅「最上鏡小姐獎」,不過最後屈居亞軍,面圓圓身形修長嘅蘭子當年好省鏡好有氣質,不過歲月催人。

蘭子好快就成為當家花旦,受到無綫力捧。
蘭子好快就成為當家花旦,受到無綫力捧。
樣靚身材正嘅蘭子,仲同型男方中信拍拖。
樣靚身材正嘅蘭子,仲同型男方中信拍拖。
蘭子自爆45歲時曾於面部打針,搞到差啲冇命。
蘭子自爆45歲時曾於面部打針,搞到差啲冇命。

為咗變靚啲,佢曾自爆14年去美容中心整容,喺工作人員遊說下打咗肉毒桿菌毒針,點知幫佢打針嘅教授竟然係無牌行醫,收費千八蚊一次,佢注射咗過量肉毒桿菌毒素後,就發現自己塊面同蘋果肌變得非常僵硬,而且面部浮腫、口齒不清,呼吸同吞咽都出現問題,仲差啲命都冇。嗰次大步檻過後,蘭子繼續靚,依家51歲依然肌膚脹卜卜。

依家已經51歲嘅蘭子,仲係愛靚唔愛命,蘋果肌緊緻,面形亦唔同晒。
依家已經51歲嘅蘭子,仲係愛靚唔愛命,蘋果肌緊緻,面形亦唔同晒。

靚過舊史李施樺

李施嬅(前名李詩韻)03年參加港姐以爆冷姿態奪得「最上鏡小姐」及「才藝小姐」獎項,不過最後三甲不入,成爲首位五甲不入的最上鏡小姐。

當年豬膽鼻的李施樺竟然奪最上鏡小姐。
當年豬膽鼻的李施樺竟然奪最上鏡小姐。
翻看03年李施嬅(以前叫李詩韻)參加港姐時嘅照片,當時鼻大而鼻樑扁,單眼皮細眼,外表唔突出,被指似初出道嘅彭羚。
翻看03年李施嬅(以前叫李詩韻)參加港姐時嘅照片,當時鼻大而鼻樑扁,單眼皮細眼,外表唔突出,被指似初出道嘅彭羚。

李施嬅多年來一直做大配角,14年佢改名轉運,五官輪廓亦開始銳變,被指由選港姐時的扁鼻梁,變成筆直的旺夫闊太鼻。

呢個時期嘅李施樺,雙眼明顯比選港姐時大,鼻樑開始變高不過鼻翼依然闊大。
呢個時期嘅李施樺,雙眼明顯比選港姐時大,鼻樑開始變高不過鼻翼依然闊大。
經過多年的進化,李施嬅無論五官或面形已經全非,完全不似39歲,美貌更勝當年選美時。
經過多年的進化,李施嬅無論五官或面形已經全非,完全不似39歲,美貌更勝當年選美時。
近十年李施嬅突然女大十八變,鼻樑變高又挺,鼻翼收細但鼻頭仍然有肉, 眼皮由單變雙, 鬥零眼都變五蚊銀,面容之變真神奇。
近十年李施嬅突然女大十八變,鼻樑變高又挺,鼻翼收細但鼻頭仍然有肉, 眼皮由單變雙, 鬥零眼都變五蚊銀,面容之變真神奇。
李施嬅五官變得立體皮膚細緻,零毛孔零皺紋皮光肉滑,眼肚都唔見埋,不過去年在頒獎禮上美中不足就係甩粉影響妝容。
李施嬅五官變得立體皮膚細緻,零毛孔零皺紋皮光肉滑,眼肚都唔見埋,不過去年在頒獎禮上美中不足就係甩粉影響妝容。

徐子珊強調純天然

當年選港姐,徐子珊個樣其實完成未進化。
當年選港姐,徐子珊個樣其實完成未進化。
成為冠軍嘅佢,美貌亦唔係話超級出眾。
成為冠軍嘅佢,美貌亦唔係話超級出眾。

徐子珊04年參選香港小姐仲成為四料冠軍,風頭一時無兩,當年更與胡杏兒、楊怡、鍾嘉欣及陳法拉同被無綫捧為「五大當家花旦」,早前徐子珊被指眼頭變得尖又長,鼻梁挺拔如老外、下巴又尖又長,黃金比例,萬中無一,梳埋空氣留海同黐厚重假睫毛,竟然同最近以大媽品味回流香港的李彩華撞晒樣,不過佢堅持自己係真材實料。

仍然在無綫時期,徐子珊變化唔大。
仍然在無綫時期,徐子珊變化唔大。
徐刺珊愈大愈靚女、五官愈見精緻,雙眼變大又有神、鼻樑高挺鼻翼變窄,鼻頭更尖、下巴尖且長,跟初出道時嘅包包臉、尖長鳳眼相比,真係好唔一樣。
徐刺珊愈大愈靚女、五官愈見精緻,雙眼變大又有神、鼻樑高挺鼻翼變窄,鼻頭更尖、下巴尖且長,跟初出道時嘅包包臉、尖長鳳眼相比,真係好唔一樣。
近年轉往內地發展,連個樣都跟佳進化。
近年轉往內地發展,連個樣都跟佳進化。

陸詩韻驚嚇刀削面

已轉行搞美容嘅陸詩韻(Sharon),05年選港姐得亞軍,簽無線後發展平平,冇一個角色令人留下深刻印象。

05年參選港姐時嘅陸詩韻,清純自然外表無添加,與現在判若兩人。
05年參選港姐時嘅陸詩韻,清純自然外表無添加,與現在判若兩人。
當年選港姐,包包面嘅陸詩韻係大熱門。
當年選港姐,包包面嘅陸詩韻係大熱門。

陸詩韻近年不時返無綫客串拍劇,現年40歲被網民大讚係凍齡美女,當年選港姐時嘅佢面圓加丹鳳眼,仲有激凸身材,入圍已是大熱,經過十六年嘅歲月洗禮,陸詩韻唔止面目全非,刀削面簡直有驚嚇效果。

陸詩韻離奇逆齡生長,三年前喺《宮心計2深宮計》客串飾演宋王妃,演技絕對唔夠V 煞膠面搶鏡。
陸詩韻離奇逆齡生長,三年前喺《宮心計2深宮計》客串飾演宋王妃,演技絕對唔夠V 煞膠面搶鏡。
到最近《法證先鋒IV 》再客串,陸詩韻一出場就有驚喜,唔少觀衆都認唔到佢,五官變得緊緻,睇上去真係廿幾歲咁,簡直係判若兩人。
到最近《法證先鋒IV 》再客串,陸詩韻一出場就有驚喜,唔少觀衆都認唔到佢,五官變得緊緻,睇上去真係廿幾歲咁,簡直係判若兩人。
近年不斷上載靚相上社交網,佢個形同利器嘅下巴真係有啲誇。
近年不斷上載靚相上社交網,佢個形同利器嘅下巴真係有啲誇。

最豬港姐張嘉兒

07年港姐冠軍張嘉兒,一當選已遭網民嘲笑佢為「豬扒港姐」、「闊面港姐」、「史上最醜港姐」。

張嘉兒當選港姐後劣評如潮,更被嘲似William Hung。
張嘉兒當選港姐後劣評如潮,更被嘲似William Hung。
出道初期嘅張嘉兒一直Keep住有肉地身形同豬膽鼻。
出道初期嘅張嘉兒一直Keep住有肉地身形同豬膽鼻。

經過歲月洗禮,張嘉兒變靚技術愈來愈高超,眼大面又尖,彎月形面胚完美成形,從此再係豬扒喇!

身形同面形都突然唔同晒,張嘉兒好似變咗第二個人咁!
身形同面形都突然唔同晒,張嘉兒好似變咗第二個人咁!
變靚咗超多嘅張嘉兒令人眼前一亮。
變靚咗超多嘅張嘉兒令人眼前一亮。
去年生埋細女Hannah,兩B之母張嘉兒之後產後復出,觀眾望住張嘉兒都滿頭問號:「點解佢靚咗咁多嘅?」
去年生埋細女Hannah,兩B之母張嘉兒之後產後復出,觀眾望住張嘉兒都滿頭問號:「點解佢靚咗咁多嘅?」

朱智賢師奶變女神

朱智賢於12年曾參選香港小姐,雖然身高有優勢,但被指樣似師奶,最後未能入圍初賽,翌年佢再接再勵,當時已27歲嘅佢為最大年紀參賽者,被指拉高平均年齡,最後未能晉身十強,只獲「最具健康美態獎」。

當年選港姐,朱智賢被指樣貌過於成熟。
當年選港姐,朱智賢被指樣貌過於成熟。
連選兩次港姐都唔掂,朱智賢有身高同身材但冇樣。
連選兩次港姐都唔掂,朱智賢有身高同身材但冇樣。

本來平平無奇的朱智賢,近年愈執愈索,14年開始在J2旅遊節目《3日2夜》大騷性感身材,令她成為女神.

簽無綫後愈變愈靚,朱智賢搖身變女神。
簽無綫後愈變愈靚,朱智賢搖身變女神。
朱智賢火辣身材成最大賣點,更是歷年來主持最多次《3日2夜》的女藝人,總共有七次。
朱智賢火辣身材成最大賣點,更是歷年來主持最多次《3日2夜》的女藝人,總共有七次。

新晉小花簡淑兒

簡淑兒於12年由美國回流香港選港姐,當時其貌不揚頭圈已經被淘汰。

12年參選港姐第一輪已經被淘汰,睇返當年簡淑兒方面扁鼻大媽式笑容,呢個賽果都好合理。
12年參選港姐第一輪已經被淘汰,睇返當年簡淑兒方面扁鼻大媽式笑容,呢個賽果都好合理。
咁嘅樣選港姐?簡淑兒曾自嘲當年又黑又肥。
咁嘅樣選港姐?簡淑兒曾自嘲當年又黑又肥。

不過經過幾年嘅大進化,今時今日鼻又高咗、眼又大咗、面又尖咗、連人都後生埋,以一對腰果笑眼榮升新一代女神,劇接劇前途無限。所以話變變變生命力,真係好神奇呀!

面形尖咗,個鼻直咗,不過本來輪廓仲喺度,當年仲有小小似張慧儀。
面形尖咗,個鼻直咗,不過本來輪廓仲喺度,當年仲有小小似張慧儀。
之後間尺鼻成形、嘴唇突然飽滿,五官變精緻激似AngelaBaby。
之後間尺鼻成形、嘴唇突然飽滿,五官變精緻激似AngelaBaby。
近年進化完成,簡淑兒明顯下巴更尖,鼻形筆直,對眼都比選港姐時圓咗又雙眼皮深咗,總之青春迫人,成為女神。
近年進化完成,簡淑兒明顯下巴更尖,鼻形筆直,對眼都比選港姐時圓咗又雙眼皮深咗,總之青春迫人,成為女神。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地