洪永城 膽搏膽拍旅遊節目(中集)| 5個 北韓 的秘聞

香港與 北韓 的相距不遠,但感覺卻比北歐、拉丁美洲還要隔涉。正正是因為消息封鎖,認識唔多,網上不時流傳當地人民生活奇譚、調笑金仔的荒誕政策,實情係點?一於由洪永城親自解答!

拆解北韓5大秘聞

北韓 2

#01 | 人人都剪「金正恩頭」?

雖然金仔係全民偶像,不少人都會模仿他的髮型,不過就並非傳聞中的強制性。我在當地剪髮,有三十多個髮型可以揀,雖然有少少娘,但可以接受。唯獨當地人的洗髮方式,順手幫我落埋妝,好難頂!

洪永城 北韓 1 (1)
美女,我成面濕晒喇!
洪永城 北韓 5 (1)
北韓髮型,都跟得上潮流!

#02 | 遊北韓,注定得劣食?

飲食固然冇南韓咁多花臣,但傳統菜式大同小異,都有炒年糕、泡菜、冷麵和餃子等,味道方面都不錯。經旅行社安排,我們遊客可以食好啲,仲有北韓式火鍋、烤肉和Pizza。

洪永城 北韓 4 (1)
食物多到一枱都係,唔使食樹皮㗎!

#03 | 電力有限?照樣夜蒲吧?

入夜的平壤街燈疏落,但未算冷清!我試過在晚上八、九點走入當地的酒吧,有四五款大同江啤酒、黑啤提供,場內主要係外國遊客、富裕的本地人。至於平民,原來每人每個月有十張啤酒劵,可到人民公社兌換。

洪永城 北韓 2 (1)
我仲同當地人猜十五、二十!

#04|臨記扮地鐵乘客?

流傳當地地鐵系統是假的,所有乘客都係演員,但我今次搭地鐵,除復興站,沿路地鐵站裝潢較為樸實,沒有太多裝飾。眼見的平壤市民,既有匆忙的上班族,又有地道『阿朱媽』,唔似為應酬遊客做大戲喎。

北韓 1 (1)

洪永城 北韓 3 (1)

#05 | 遊客焗住羊角島?

大多數遊客都是規定入住招待外賓的羊角島酒店或高麗酒店,不設門禁,晚上九點、十點進入都無問題!但就不可以獨自外出,沿路都有軍人駐守。聽導遊話,有外國遊客曾經偷走,被罰困於酒店內一星期,才可以『放監』!

北韓 (1)
呢幢柳京飯店起就起好,不過唔知有冇裝修!

北韓最佳手信 要掃護膚品

入境嚴,離境一樣嚴。海關會先再一次點算他們的器材數量,檢查影片中受訪北韓人夠唔夠幸福,又或者影金領導人的銅像夠唔夠四正,才會發還護照和回鄉證,放Tony 一行人離開。

可以帶走的,除了有七日難忘的體驗,仲有經手信店和書店購買的Made in 北韓紀念品。店內貨品標上北韓價錢,但外國人一律以人民幣或歐羅交易。Tony 專誠購入一套「春香牌」高麗人參護膚品,他說:「聽聞當地囡囡皮膚又白又滑,都係靠國家配給該品牌護膚品,一人一支,好出名!出發前以為此行無手信可買,但估唔到在南韓拍《浮華》要買護膚品,現在去到北韓都一樣,果然韓國人都好貪靚啊!」

洪永城 北韓 6 (1)

 朱古力 ¥3 / HK$4。記者親自試味,北韓朱古力無朱古力味!
朱古力 ¥3 / HK$4。記者親自試味,北韓朱古力無朱古力味!
北韓明信片 ¥2 / HK$2.5。北韓style的明信片,亦印有作思想宣傳工具的圖畫。
北韓明信片 ¥2 / HK$2.5。北韓style的明信片,亦印有作思想宣傳工具的圖畫。
春香牌保濕乳液 ¥100 / HK$121。Tony友情提供的北韓「人蔘護膚品」,有冇勇士想挑戰?
春香牌保濕乳液 ¥100 / HK$121。Tony友情提供的北韓「人蔘護膚品」,有冇勇士想挑戰?

最新吃喝玩樂資訊