再見了,我的寵愛@DINING娜

(Presented by甘味讚岐手打烏冬)

01

雖然周圍去發掘好嘢食係好開心,但每個人心目中,都始終會有最愛嘅comfort food,即係食完即刻慰藉心靈嗰啲呀。我就鍾情於讚岐手打烏冬。有時放咗工攰到成隻積咁,行屍走肉咁行去食晚餐,始終都係想食烏冬。呷啖湯底,食啖烏冬,靈魂歸位,發現自己仲生存緊。

02

新都會甘味就係令我愛上呢個comfort food嘅地方,而作為一個忠實嘅食客,喺呢個老地方最後一日營業嘅時候,當然要返去捧下場。照舊一坐低就order一碗牛柳番茄湯烏冬,仲同老細有哥傾咗幾句。
03

有哥話其實呢間甘味陪住佢一齊成長,由一開始「甘味茶屋」做到「甘味讚岐手打烏冬」,都係由佢同埋班夥計一手一腳湊大;邊學邊做汲取嘅經驗,成就之後更進步嘅甘味。

DSCF5752
有哥:由第1間分店做到有第2、3、4間……依家總共有13間分店,最有感情嘅始終係葵芳。

等緊嘢食嘅時候,遇到個舊街坊,selfie完寒暄兩句,佢問我有冇留comments落個wall到,仲以為佢講facebook個wall,原來係甘味個wall,見到好多熟客都留言,話好唔捨得甘味,伴佢成長,係老土但係warm嘅。

05

終於都有嘢食,my favorite牛柳粒番茄湯烏冬。甘味啲烏冬係當年有哥特登由日本四國香川縣直接引入,全部都係用小麥粉手打製成,配合perfect嘅烹調時間,入口彈牙煙韌,同即食烏冬根本冇得比。

06
湯底散發濃郁番茄味,配埋彈牙烏冬、牛柳粒同畫龍點睛嘅蒜蓉,實在係冇得輸。

舊街坊就食燒牛肉二十穀米釜飯,呢個先係佢嘅comfort food,點都要返嚟支持下。入面有紅米、糙米、莧菜米等20種唔同嘅穀米,補充食物纖維之餘,亦改善消化同排泄系統,健康到不得了。

07
加咗珍珠米嘅二十穀米釜飯索晒啲牛肉汁,又香又有咬口,配埋杯紅豆冰,其實呀街坊都幾識食。

見有friend陪我就追加多兩個小食一齊開心share,嗌咗八爪魚餅沙律配泡菜千島汁,鍾意呢款醬汁夠特別,加埋八爪魚餅啖啖肉,開胃得嚟唔算好辣。而梅子燒原條魷魚,酸酸地仲好大條,我敢擔保普通兩個人食,一定食唔哂,但dining娜我有3個胃就另計。

08

 

其實大熱天時喺戶外位食碗熱辣辣嘅烏冬都幾係嘢,一到lunch時間多人到焗住要坐外面都爆晒場,好唔好食?受唔受歡迎?唔洗我多講啦。所以啲人話,回憶永遠係最好嘅調味料。

09

後記:如果問我最唔捨得係咩,我諗除咗嘢食就係啲員工,次次嚟都係佢哋幫我落單,一坐低就知我食咩,同我傾下偈又講下笑,咁又一餐飯。所以就算葵芳甘味已經結業,我都一定會去其他分店繼續支持我嘅comfort food㗎。

甘味讚岐手打烏冬專門店

電話:2377 2733

Facebook:yummyudon

 

 

最新吃喝玩樂資訊