張繼聰又一城停車場出唔到閘  尷尬拉龍阻住地球轉
張繼聰又一城停車場出唔到閘  尷尬拉龍阻住地球轉

張繼聰又一城停車場出唔到閘 尷尬拉龍阻住地球轉

揸開車嘅你一定懂,因為每個人都必定試過,無論有心定無意,阻住個地球轉搞到其他車拉晒龍一定冇人尷尬得過司機本人,呢一日就輪到人夫張繼聰。

原文刊於《東方新地》

張繼聰沉迷復古電單車周街去

張繼聰呢排受疫情影響開工少咗,時間多咗,即重拾兩個轆興趣玩電單車,有時仲會二人世界帶埋老婆謝安琪出去遊車河。不過身為一家之主,尤其呢排係非常時期,一家大細買嘢採購重任都落晒喺人夫身上,就唔係時時都有得揸兩個轆咁瀟灑,日前見佢揸咗私家車去又一城shopping,點知咁就出事。

呢期為抗疫幾乎停晒工,唔少藝人都多咗時間陪屋企人又可以發展吓個人興趣,張繼聰就沉迷復古電單車,日日都要出去兜風。
呢期為抗疫幾乎停晒工,唔少藝人都多咗時間陪屋企人又可以發展吓個人興趣,張繼聰就沉迷復古電單車,日日都要出去兜風。
想玩又唔捨得掉低老婆謝安琪,咪帶埋老婆去享受二人世界囉!
想玩又唔捨得掉低老婆謝安琪,咪帶埋老婆去享受二人世界囉!

張繼聰又一城停車場出唔到閘 尷尬拉龍阻住地球轉

除咗沉迷復古電單車,張繼聰另一愛好就係玩健身,仲愈操愈瘋狂,變成筋肉人。
除咗沉迷復古電單車,張繼聰另一愛好就係玩健身,仲愈操愈瘋狂,變成筋肉人。

買完嘢如常做完泊車優惠落停車場攞車,點知駛到閘口位拍咗幾次卡都唔成功,惟有嗱嗱聲call職員。喺呢種情況,雖然當事人唔想阻住大家,職員又已經極速現身溝通幫助解決問題,前後加埋其實都只不過十分鐘,但係話晒都係九龍市區其中一個最大型嘅商場,條車龍瞬間由閘口拉到轉晒彎打晒蛇餅咁,後面排隊嘅司機雖然未至於響安嘈吵,但空氣中瀰漫住不耐煩嘅氣氛就梗嘅,而坐喺座駕心急如焚等職員嘅張繼聰亦好無奈頭耷耷,尷尬到裂!

揸車出街最怕就係前路被阻,冇得行快步或者出唔到閘,呢日又一城停車場拉晒長龍,而龍頭竟然係人夫張繼聰。
揸車出街最怕就係前路被阻,冇得行快步或者出唔到閘,呢日又一城停車場拉晒長龍,而龍頭竟然係人夫張繼聰。
電腦嘅嘢失靈周不時有發生,呢日張繼聰無端端出唔到閘,嗱嗱聲叫停車場職員幫手。
電腦嘅嘢失靈周不時有發生,呢日張繼聰無端端出唔到閘,嗱嗱聲叫停車場職員幫手。
雖然張繼聰反應夠快,職員亦都好幫得手,不過又登記資料又上上落落拍卡,擾攘咗十分鐘,成層停車場都逼滿等出閘嘅車輛。
雖然張繼聰反應夠快,職員亦都好幫得手,不過又登記資料又上上落落拍卡,擾攘咗十分鐘,成層停車場都逼滿等出閘嘅車輛。

最新吃喝玩樂資訊