洪永城 膽搏膽拍旅遊節目| 深入 北韓 (上集)

緊接《4個小生》的檔期,另一旅遊節目《在遙遠的那方》接棒播出。今次無拍檔,單飛上陣,雙拳難敵300歲暗戰鬥嘴,話題性似乎先輸一仗,連主持洪永城(Tony)都話要諗諗計做宣傳,於是瞓身扮金仔、搵名搏都在所不惜!

首個攞正牌 北韓旅遊節目

作為香港第一個攞正牌的攝製媒體,今次深入 北韓 拍攝,由新義州直搗平壤、再南下跟首爾接壤的開城,赤膊跟當地人試玩水上樂園、又去酒吧試飲黑啤夜蒲,Tony話要打破世人迷思,單是內容都夠哂吸引。不過記者最有興趣想知,究竟每個 北韓 男人係咪都要剪金仔頭?

洪永城 北韓 12

洪永城 北韓 08

洪永城 北韓 09洪永城 北韓 10

7日拍攝路線:

洪永城 北韓 13

犯入境禁忌「差啲要送去勞改」!

近兩三年,愈來愈多人分享 北韓 旅行經歷,去年朝鮮當局更開設埋旅遊官網,向世人展示「金氏王朝的壯麗山河」…… 北韓 看似Open 咗,但又有人話好難捉摸,神秘國度單靠「脫北者」陳述始終都係隔重紗,於是Tony 與攝製幕後三人組經過半年申請,終於獲發批文,「攞正牌」入境拍旅遊節目!

洪永城 北韓 06
今次大台直接向北韓旅遊局申請批文,連新聞部都未試過咁Free!

「今年初拍完印度旅遊節目,返嚟無耐就收到批文,即時擺低拍劇通告、執行李出發啦!我哋6月先由北京搭火車到丹東、轉乘 北韓 當局派來的旅遊專車,經中朝友誼橋,正式踏入 北韓 國境!」由於海關把關極嚴,先徹查和點算眾人的智能電話、攝影器材、記憶卡和行李,再收起他們的護照和回鄉證。

洪永城 北韓 02
由北京乘快速火車,目的地是毗鄰朝鮮邊境的丹東市,全程超過13小時。

未入境,先撞板,Tony 說:「過境前已經不斷提自己,記得刪走電話中的金仔惡搞圖,偏偏就唔記得執走有關 北韓 的書!海關人員見到書本封面上金正日和金日成的相片,臉上仲有幾道摺痕,他們頓時面色大變。帶我入房盤問了足足一小時,要勞煩導遊不斷向海關解釋先冇事,幾驚要送去勞改!」

洪永城 北韓 04
指定行程:萬壽台朝聖。要表達對金日成、金正日的愛,規定要付上€2/HK$18買一紮花做奉獻、無價講!

7日變身朝鮮人

Tony不消數日,已經入鄉隨俗,用約一千元人仔度身訂造一套 北韓 衫,變身 北韓 「洪仔」,得咗!

洪永城 北韓 03

洪永城 北韓 05洪永城 北韓 07

最新吃喝玩樂資訊