許志安 chill
許志安 chill

許志安現身錄《Chill Club》為復出舖路 戴婚戒感謝太太鄭秀文支持給他信心

影視娛樂

廣告

許志安自去年4月與黃心穎車廂激吻爆發「安心偷食」事件後,就全面暫停所有工作,經過14個月,許志安昨晚7點戴婚戒現身九龍灣E-Max,為ViuTV節目《寶麗金50周年Chill Club》進行錄影,雖然外界有傳今次是許志安的好友Joey Tang鄧建明拉紅線,好讓許志安在幕前試水溫為日後復出鋪路,但Joey Tang鄧建明已否應。

原文刊於:新Monday

許志安現身錄《Chill Club》為復出舖路

許志安自去年4月與黃心穎偷食爆出「安心偷食」事件後,就旋即開道歉記者會坦言:「我係個壞咗嘅人,會暫停所有工作,直至到搵到一個真正的自己」,經過14個月來的洗禮,許志安於昨晚7時多,現身九龍灣E-Max,為ViuTV節目《寶麗金50周年Chill Club》進行錄影。他最初是先與眾嘉賓及主持合景,隨後再單獨與媒體見面,並在節目中分別演唱《一步一生》,及與Aga(江海迦)合唱《半天假》。

許志安 chill

媒體與許志安做了長達9分鐘的訪問,起初是安仔就率先向大家講出過去14個月來的心路歷程:「好耐無見!今日係寶麗金50周年special,所以就有邀請我嚟呢度,因為以前係正東,係同一個公司,但最主要係經過呢段時間沉澱、靜思、反省、自己學習,覺得自己真係成長好多。呢段時間係有hard time,但係當我每次面對返自己起點喺邊度,自己都好盡力向前望,今日呢個係一個好timing出嚟面對自己,面對群眾,面對自己,面對社會,我希望有呢件事發生,令自己未來日子行得更加好,希望可以重新出發,做好自己。」

許志安 chill

許志安隨後提到:「喺呢段時間,自己花咗好多時間陪屋企,因為都知道屋企對我好重要,我好努力咁去裝備自己,做運動、睇書,希望鍛煉番好嘅自己,亦都深深知道嚟緊日子要點行點做,而我覺得今日先係時候出嚟見大家,承擔返我之前講過嘅嘢,要好好畀段時間我靜思己過,經過呢年幾,我覺得自己已經裝備好,重新出發。」語畢,就有記者問到安仔在過去一段時間沒有同大家見面,智否感到緊張?安仔就表示:「都有,不過同自己講係咪真係好Ready呢?就好似我太太同我講,佢話,你要做呢個工作,你自己要100%Ready 先,即係你個內心心態要好正面,要話到畀大家知,你呢年幾以來嘅信心!咁我都有問自己,亦覺得可以啦,所以有少少緊張,見咁多朋友,同時亦要勇敢敢去承擔、面對好好的將來。」

許志安提到太太,故此記者們就有問到今次的復出Sammi鄭秀文有沒有說甚麼特別鼓勵的說話,安仔就說:「沒有特別講咩,只係講話自然啲啦,因為你要對自己有信心。呢段時間除咗好好修理自己之外,我哋隻狗Lucky已經15歲,呢段時間要花好多力氣去照顧佢,因為Lucky都陪咗自己咁耐,同時我喺佢身上學到珍惜,雖然佢已經進入倒數嘅日子,但我希望佢可以開心啲,無痛苦。」

許志安 chill

媒體見到許志安無話不說,故有記者都向許志安提問還有沒有與黃心穎聯絡?許志安聽後都十分淡定地說:「無啦!以前嘅事都已經過去,希望大家可以畀個時間我,我都明白要大家接受係需要啲時間,但係我有信心每一步都做得好好,過去嘅由得佢過去,覺得呢個係一個錯誤傷痕,我唔會忘記。當每次我見到呢啲傷痕,我都會警醒自己,提醒自己,喺未來要做得更好。」有記者就表示馬國明得知安仔今日繼「安心事件」後首日復工,送上祝福,同時提到馬國明有新戀情,許志安就笑言有看到相關的報道,但感情事就留回他們兩個自己說。

許志安 chill

對於是次首度復出,許志安特別感謝身邊朋友的鼓勵,有家人,當然也有Sammi。他還提到:「Joey Tang之前曾邀請我出席演唱會,但當時我仍未ready,未有信心去承擔責任,所以我婉拒咗。」而外界有傳,今年底梁漢文將舉辦演唱會,並會邀請安仔擔任嘉賓,之不過安仔就指自己沒有被邀請,但如果屆時有時間就一定支持。

許志安 chill