【自助餐放蛇臥底組】$200有找 韓菜料理 放題

韓燒同日本菜 放題 你就食得多,有埋韓國料理嘅 放題 你又食過未?呢間以韓星畫像作裝飾的餐廳在裝修方面也花過心思,枱與枱之間有一定的空間,設有卡位和VIP房。可供選擇的韓日料理超過十款、燒肉和海鮮種類超過三十款!到底味道係點呢?等我試下先!

 

訂了枱也要等到2046

打電話訂枱時店員表示即使來到也要等,但沒想過仍然要再等多一小時(請問訂枱的意義何在?),餐廳的時間管理要盡快改善。細心的經理知道顧客等了很久,會提供冰凍嘢飲。

 

刺身望落新鮮 食落無味

除了點了的刺身外,餐廳會額外送每位客人一隻手咁長嘅鮮蝦刺身。刺身數量也來得很足,賣相也很吸引,望落肥美又新鮮。食落口感不錯幾juicy,溫度適中,不過就無味,有點失望。

sashimi

 

壽司的名字幾有創意,如:黑蚊蚊、笑蝦蝦、碎濕濕。賣相不俗,絕對不像其他 放題 般求其將舊飯堆埋一齊咁。不過,夾起壽司時發現其實件壽司都幾散。

sushi

loosesushi

 

食 放題 竟然有人蔘雞湯?!仲唔即刻挑戰下?嗰碗湯,啊唔係,個湯碗好大,但湯就唔係好多,只係一人份,如果想食就要一人叫一碗。足唔足料呢?記者見到有幾條人蔘鬚鬚(應該係),同雞皮一塊。可能廚師以為我唔鍾意食湯渣,所以足唔足料就見仁見智。味道方面就一般般啦,普通雞湯味,無人蔘味的。

牛肉粉絲辣湯內有很多牛肉,而且口感鮮嫩不黐牙。湯的味道像羅宋湯,又夠曬熱,不是很辣。呢個可以添食!

beefnoodle

醬油蝦的賣相有點似泰國的生蝦刺身,蝦的味道被大蒜和醬油蓋過,完全食不到蝦味,而且醬油很鹹,疑似中伏!

shrimp

 

韓國料理又點少得年糕呢?呢到用卡邦尼醬炒年糕,味道幾香幾creamy,之但係我係叫年糕喎,唔係腸粉,個年糕腍到似腸粉,口感很差,中大伏!

rice cake

炸物不是用了很多炸粉,而且熱辣辣,抵讚!但係個炸蝦天婦羅冇咩蝦味喎。

呢到有得燒肉同海鮮,有肥牛、牛舌、一口牛粒、羊架、五花腩、帆立貝、生蠔乜乜乜。雖然刺身同料理用嘅海鮮無咩味,但係燒烤用的海鮮卻是另一回事。帆立貝同生蠔絕對是回本首選!夠大隻又鮮味,要追加再追加!唯一不好的是蒜香粉絲烤生蠔沒有粉絲(疑似違反商品説明條例喎)。醉翁之意不在酒,精明的你又點會因為冇粉絲而嬲呢?

seafoodbbq

oyster

另外,要有心理準備呢到通風系統麻麻,勁大煙,攻到記者標曬眼水,食完成身燒肉味。

除了雀巢雪糕同雪米糍任食外,餐廳都有自創甜品。甜品的設計是時尚簡約風,均是以白色為主色,中間配以一點(只是一點)朱古力醬作裝飾。貼士:都係主攻雀巢雪糕同雪米糍吧!

dessert

 

總分:6/10

伏,係無處不在,但燒肉同燒海鮮都不錯,可以回本,建議你把胃口留給燒烤。刺身、壽司同韓日料理的味道有很大的改善空間。但呢個價錢,都算係咁啦!

韓日屋
地址: 旺角兆萬中心15樓(顯示地圖

供應時段: 5pm –1:00am

訂座電話: 2989 9433

收費:

成人 $139–$169 小童(1米-1.4米) $99 (星期日至四)

*成人加$30,小童加$10 可享刺身任食

星期五、六、公眾假期及前夕每位加$10
延伸閱讀:
【自助餐放蛇起底組】 $300酒店Buffet即開 生蠔 !中伏無?
杜如風喪讚!日本流心 芝士撻 抵港!3大邪惡秘密!
【最新】家鄉雞 當包夾! KFC 雙層雞扒漢堡!8月20號有得食!

最新吃喝玩樂資訊