三家姐凍到震住同你慶祝【瑞典 仲夏節 】@為何斯德哥爾摩沒有譚仔三哥
廣告
經歷左個漫長既冬天，到左每年既6月24號，終於又到一年一度既瑞典 仲夏節 喇。
(前一晚，我同程至美岩岩凌晨落機係南法番瑞典咋，其實累到hihi。)
▲一入到屋就見到滿地鮮花喇，知唔知用黎做咩既呢？
▲開估：冇錯，就係用黎紮呢舊大型陽具，認真架。(雖然我地紮地唔係咁似，左右兩個圓型唔係太明顯。)
呢碌野對仲夏節黎講好重要架，除左裝飾之外，傳統上大家仲有圍住佢跳舞添。
▲而對我呢個港女黎講，最重要都係野食。
▲當日主人家準備野食準備左好耐，超級比心機，我都有幫手片架D煙三文魚。
▲終於埋位喇！
(喂，你睇下，個個都金髮美女。你話我呢邊生活壓力幾大丫。)
▲其實準備D食物已經好複雜，仲要三十人長餐台，每個位都佈置得好精緻好靚。
真係要寫個服字比主人家。
▲成台各式各樣既酒，未飲已覺頭痛，救命。
▲其實瑞典人真係好鐘意食魚。
▲唉，DL，仲夏節其實真係焗飲。
▲重要環節：餐後甜點配咖啡！！！
全部都係女主人一手一腳自己整架(連D小餅乾都係)，佢係我呢邊最好既朋友，呢度整左佢兩個星期喇，真係超好心機。
▲然後玩下遊戲、傾下計咁。
個天仲好光，但不經不覺其實已經夜晚九點幾喇，係咪睇唔出呢。
呢個就係瑞典仲夏節呢日既特色：24小時個太陽唔落山架。
