死敵GEM驚爆與前度閃婚!JW拖12億卓悅太子爺男友行街放閃
死敵GEM驚爆與前度閃婚!JW拖12億卓悅太子爺男友行街放閃

死敵GEM驚爆與前度閃婚!JW拖12億卓悅太子爺男友行街放閃

入行十年,事業發展不算標青的王灝兒(JW),揀男友就認真識揀,拍拖三年多的卓悅太子爺男友葉韋彤(Tarzan),噸位同家底一樣厚,畀到JW十足安全感兼照顧周到,近年生活富泰逼人的JW,不時同男友Tarzan孖住出遊,新冠肺炎疫情閉關亦可繼續玩樂,在男友豪宅打乒乓波、孖住下廚玩煮飯仔,生活超級寫意,即使工作量激減,一樣無損心情優哉游哉,預習過豪門少奶奶生活。日前突傳出昔日好姊妹鄧紫棋(G.E.M.)跟JW前度Mark秘婚,姊妹當年因仔反目,不過JW現亦有拍拖3年多的有米男友錫晒,日前JW便孖實男友拍拖出巡,約友人歎啡吹水,傾吓食吓Hea足半日,更識做幫男友慳荷包,揀平民食肆貼地拍拖放閃,一樣甜蜜蜜!

原文刊於《東方新地》

JW被好姊妹硬撬有米前度新歡同樣係富二代

正所謂「舊嘅唔去新嘅唔嚟」!雖然四年前被好姊妹G.E.M.(鄧紫棋)硬撬有米前度Mark Ngai ,事後JW亦表示Mark是由她介紹給G.E.M.認識,從此姊妹反目,不過JW仍大有市場,情路繼續精彩!豁達大方果然有運行,JW同卓悅太子爺葉韋彤(Tarzan)拍拖三年多,感情已轉入直路,JW早已融入男友富貴家庭,經常出席男友家庭及朋友聚會,又跟男友家人一齊入馬場拉頭馬,準新抱地位穩如泰山。

同卓悅太子爺葉韋彤拍拖三 年 多, JW已學定做幸福少奶奶,早已融入男友家庭生活的她,經常陪男友出入馬場
同卓悅太子爺葉韋彤拍拖三 年 多, JW已學定做幸福少奶奶,早已融入男友家庭生活的她,經常陪男友出入馬場
早前在男友豪宅打乒乓波,豪宅環境大到令網民嘩然!見粉絲反應極大,JW急忙謙虛解釋是朋友餐廳的設置。
早前在男友豪宅打乒乓波,豪宅環境大到令網民嘩然!見粉絲反應極大,JW急忙謙虛解釋是朋友餐廳的設置。
又與男友在豪宅泳池開泳池寵物派對,真係要幾豪有幾豪!
又與男友在豪宅泳池開泳池寵物派對,真係要幾豪有幾豪!

JW貼地拍拖鑽研廚藝做廿四孝女友

年初拍畢電視劇《逆天奇案》,JW便和男友外遊放電,返港不久撞正新冠肺炎疫情爆發,工作量激減,不過閉關的JW仍然節目豐富,事關男友豪宅大到可以放得落乒乓波枱,真係幾時開波都得!她又為男友學下廚及整蛋糕,成功箍實男友個胃。據知情者透露:「JW同男友性格好夾,乜都同聲同氣,知道男友鍾意食嘢,JW陪食連減肥計劃都擱置,疫情唔使開工,佢更加好勤力鑽研廚藝,有時又會同男友一齊下廚增添情趣,又會陪男友出去生意應酬,真係個廿四孝女友!」

疫情下工作量不多的 JW,反而樂享悠閒,日前與卓悅太子爺男友葉韋彤(Tarzan)拍拖出巡,Hea住與友人吃喝吹水,生活相當寫意!
疫情下工作量不多的 JW,反而樂享悠閒,日前與卓悅太子爺男友葉韋彤(Tarzan)拍拖出巡,Hea住與友人吃喝吹水,生活相當寫意!
同卓悅太子爺愛得甜蜜,JW除不時以欣賞目光望實男友,更肉緊拖實男友手怕走甩咁款,睇見都甜到漏!
同卓悅太子爺愛得甜蜜,JW除不時以欣賞目光望實男友,更肉緊拖實男友手怕走甩咁款,睇見都甜到漏!

閉關多時的JW,日前趁疫情稍放緩,孖男友外出鬆一鬆,雖然男友身家豐厚,不過向來知慳識儉的JW,同男友拍拖去處亦相當貼地,在大坑平民咖啡店歎杯咖啡Hea住同友人傾偈吹水已經好享受,平日出騷高貴充滿女人味,在男友身旁JW即變得豪邁不拘小節,見佢同男友孖實坐在咖啡店外的樓梯,各自玩手機動作一致,非常有默契!

JW和男友Tarzan在大坑 Hea爆歎啡,兩人豪邁坐喺石屎樓梯,邊飲咖啡邊玩手機,唔知係咪對得多,連眼神、動作都神同步,不過拍埋大隻男友身旁,JW顯得特別嬌小。
JW和男友Tarzan在大坑 Hea爆歎啡,兩人豪邁坐喺石屎樓梯,邊飲咖啡邊玩手機,唔知係咪對得多,連眼神、動作都神同步,不過拍埋大隻男友身旁,JW顯得特別嬌小。

死敵GEM驚爆與前度閃婚!JW拖12億卓悅太子爺男友男友行街放閃

之後Tarzan幾位男友人到來,Tarzan起身同友人圍埋傾男人經,JW即變小女人未有插嘴,自己坐埋一邊繼續睇手機,見男友講得興起, 還不時定神望住男友甜到漏,Hea到夠本,又一行人去食拉麵,JW和男友更十指緊扣拖實行,拍拖幾年仲keep住糖黐豆!呢個卓悅準家嫂,入門冇難度!

JW早已融入男友 Tarzan的朋友圈子,男友同一班兄弟幫圍埋傾唔停,JW雖然冇乜插嘴,但就不時甜笑望向男友,相當 Sweet!
JW早已融入男友 Tarzan的朋友圈子,男友同一班兄弟幫圍埋傾唔停,JW雖然冇乜插嘴,但就不時甜笑望向男友,相當 Sweet!
歎啡吹水Hea足兩個鐘,JW之後同男友及兩位友人行去附近吃拉麵,富貴太子爺同JW一樣好貼地!
歎啡吹水Hea足兩個鐘,JW之後同男友及兩位友人行去附近吃拉麵,富貴太子爺同JW一樣好貼地!

死敵GEM驚爆與前度閃婚!JW拖12億卓悅太子爺男友男友行街放閃

行去攞車期間,兩人繼續甜蜜拖到實!而經常和男友周圍歎美食的 JW,下圍亦膨脹不少!
行去攞車期間,兩人繼續甜蜜拖到實!而經常和男友周圍歎美食的 JW,下圍亦膨脹不少!

死敵GEM驚爆與前度閃婚!JW拖12億卓悅太子爺男友男友行街放閃

死敵GEM驚爆與前度閃婚!JW拖12億卓悅太子爺男友男友行街放閃

最新吃喝玩樂資訊