鄧兆尊三頭住家女友們同住灣仔區  月使20萬定期發放家用
鄧兆尊三頭住家女友們同住灣仔區  月使20萬定期發放家用

鄧兆尊三頭住家女友們同住灣仔區 月使20萬定期發放家用

被封「現代韋小寶」的鄧兆尊,多年來keep住「3C女友兵團」,女友三個夠晒數,早前與拍拖三年的骨妹三奶Claire分手,即有細十幾年的國產G奶中女補位,新歡L小姐姓陳又係C字頭,仲買大送細帶埋十幾歲的女孩進駐過氣三奶的灣仔後宮,三頭住家究竟點樣分配時間與金錢?

原文刊於《東方新地》

鄧兆尊獨寵新歡 兩房爭風呷醋

53歲的鄧兆尊身形瘦削卻精力旺盛,多年來馭女有術能同時交三位女朋友,還經常一拖「3C女友團」出巡,早前他宣布與三奶Claire緣盡,其位置即由國產L小姐頂上,兆尊唔止公開承認新歡,仲話唔介意L小姐帶著十幾歲的女孩,總之緣份到就好好發展。對住熱情如火的新三奶,兆尊多年道行已失守,早前他被本刊記者影到與L小姐及一女孩去銅鑼灣shopping,二人行街不時打情罵俏,兆尊更慈父上身對女孩呵護備至,出錢出力幫手攞戰利品,又排隊買飲品侍候周到,對一大一細極之體貼,恃寵的L小姐全程展現風騷勝利笑容。

鄧兆尊與新三奶 L小姐早前著住同色系情侶裝行街,更對女友帶著的十幾歲女孩非常呵護,出錢又出力幫手拎戰利品。
鄧兆尊與新三奶 L小姐早前著住同色系情侶裝行街,更對女友帶著的十幾歲女孩非常呵護,出錢又出力幫手拎戰利品。
L小姐甚得兆尊歡心,周身名牌的她孭住的過萬Gucci手袋也是兆尊所送。
L小姐甚得兆尊歡心,周身名牌的她孭住的過萬Gucci手袋也是兆尊所送。
兆尊話同女友係講心唔講金,這日行街行到攰更親自去買珍珠奶茶畀L小姐。
兆尊話同女友係講心唔講金,這日行街行到攰更親自去買珍珠奶茶畀L小姐。

在兆尊的調校下,舊3C女友兵團一直相處融洽,過去不時四人行,試過三個女友一齊病要入院,兆尊安排三人同住一間醫院,每日分時段陪女,唔會令任何一個唔開心,可惜新三奶L小姐的加入,令整個關係有所變化。據知L小姐恃住自己比正印Carmen及二奶車厘子年輕,再加上G奶激凸身材,對於兆尊來說,新鮮感與激情度同樣高企,知情者透露:「三個女人共侍一夫,話冇爭風呷醋就假,正印Carmen及二奶車厘子平分秋色三十年,後來多個三奶Claire開始各有怨言,到兆尊同Claire玩完L小姐加入,呢位國產女友春情大爆發,成日用對G奶引誘兆尊,佢依家得寵要乜有乜,仲唔有風駛盡𢃇咩?之前兆尊一個星期都會陪勻三個女友,依家成日都畀L小姐獨霸,另外嗰兩個敢怒不敢言,驚激嬲兆尊被踢走,真係斷米路㗎!」

三年前兆尊慶祝五十大壽,當時的「3C女友兵團」是正印Carmen、二奶車厘子與前三奶Claire,現在三奶位置已換上L小姐,得寵程度亦大洗牌。
三年前兆尊慶祝五十大壽,當時的「3C女友兵團」是正印Carmen、二奶車厘子與前三奶Claire,現在三奶位置已換上L小姐,得寵程度亦大洗牌。
兆尊的新三奶L小姐約三十幾歲,身材超級圓潤皮膚白滑,完全是兆尊喜歡的類型。早前兆尊更衝出灣仔,陪住新三奶勇闖南灣與陽光玩遊戲。
兆尊的新三奶L小姐約三十幾歲,身材超級圓潤皮膚白滑,完全是兆尊喜歡的類型。早前兆尊更衝出灣仔,陪住新三奶勇闖南灣與陽光玩遊戲。

鄧兆尊三頭住家女友們同住灣仔區 月使20萬定期發放家用

這日鄧兆尊與新三奶L小姐來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。
這日鄧兆尊與新三奶L小姐來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。

每月豪花20萬養三頭家

貴為新馬師曾長子,含住金鎖匙出世,但兆尊揀女友條件唔一定有樣有身材,過去曾被網友指他愛「鋸扒」,正印Carmen與車厘子都是身材略胖姿色平庸,而新三奶L小姐的G奶更是青出於藍,為此兆尊早前接受訪問時笑言自己後生時都是識食之人,不過一個人去到某一個年紀,已經不是講愛情,是講感情,所以他絕對唔介意女友愈來愈肥。有指兆尊每月豪花20萬養三頭家,行宮更安排周到,除了正印Carmen與他同住永祥大廈,二奶三奶就分別住灣仔菲林明道同駱克道舊樓,行勻三頭家都唔使十分鐘,夠晒方便快捷。

成為新三奶的L小姐,正式進駐前三奶位於灣仔的舊居,距離正印與二奶的居所少於十分鐘。
成為新三奶的L小姐,正式進駐前三奶位於灣仔的舊居,距離正印與二奶的居所少於十分鐘。

要養三個女人真係唔易,除了要適當地分配時間,衣、食、住、行每月花費都唔少。兆尊堅稱唔會用錢箍女友,不過會定期發放家用,每次畀大筆錢(以十萬起跳)她們,當她們花光所有錢才可以再問他拎。

正印 Carmen與兆尊識於微時,二人最有感情,只有她能與兆尊同住於永祥大廈的過千呎單位。
正印 Carmen與兆尊識於微時,二人最有感情,只有她能與兆尊同住於永祥大廈的過千呎單位。
被指最識做人的二奶車厘子曾與前三奶線,夾兆尊外出睇名牌錶,不過兆尊唔就範,令她們空手而回。
被指最識做人的二奶車厘子曾與前三奶線,夾兆尊外出睇名牌錶,不過兆尊唔就範,令她們空手而回。
隨住早年新馬師曾過身,兆尊四兄弟姊妹與祥嫂因爭產反面,到近年關係開始緩和,鄧家多年來的新聞都極具娛樂性。
隨住早年新馬師曾過身,兆尊四兄弟姊妹與祥嫂因爭產反面,到近年關係開始緩和,鄧家多年來的新聞都極具娛樂性。
去年母親洪金梅(祥嫂)肺癌離世,有指祥嫂留下15億遺產給兆尊四兄妹,加埋之前出售永祥大廈及楚留香物業套現,以及現仍手持的大幅西貢地皮,兆尊與三弟妹身家都億億聲,打跛腳唔使憂。
去年母親洪金梅(祥嫂)肺癌離世,有指祥嫂留下15億遺產給兆尊四兄妹,加埋之前出售永祥大廈及楚留香物業套現,以及現仍手持的大幅西貢地皮,兆尊與三弟妹身家都億億聲,打跛腳唔使憂。
祥嫂的骨灰葬在元朗永祥苑的後花園,兆尊表示這間祖屋會永久保留,小艾亦時常返去短住。
祥嫂的骨灰葬在元朗永祥苑的後花園,兆尊表示這間祖屋會永久保留,小艾亦時常返去短住。
關鍵詞
鄧兆尊

最新吃喝玩樂資訊