39歲唐詩詠膠面殘樣開劇 網民:唐姨連雙眼皮都深咗
39歲唐詩詠膠面殘樣開劇 網民:唐姨連雙眼皮都深咗

39歲唐詩詠膠面殘樣開劇 網民:唐姨連雙眼皮都深咗

無綫新劇《超能使者》(暫名)舉行開鏡拜神儀式,女主角唐詩詠停工多月終於有劇開,呢日佢以薄妝示人,個樣硬晒有啲唔自然,望真啲,眼袋勁礙眼,塊面仲好浮腫,不過兩邊蘋果肌就依然脹卜卜,放咁耐假都唔執好個樣先復工,39歲嘅唐詩詠今勻真失策!

原文刊於《東方新地》

唐詩詠揭身世之謎解開鼻高高因由

唐詩詠19歲同余文樂合作第一部劇《青春@Y2K》,唔知呢張相有冇喚醒大家對佢舊時個樣嘅記憶呢?
唐詩詠19歲同余文樂合作第一部劇《青春@Y2K》,唔知呢張相有冇喚醒大家對佢舊時個樣嘅記憶呢?

19歲拍《青春@Y2K》入行嘅唐詩詠,轉眼已經撈咗廿年,當年卜卜脆少女變咗熟成唐姨,視后都攞埋不過老公就仲未搵到,女人到咗呢個年紀仲要做呢行,個樣當然好重要,眼大大又鼻高高嘅唐詩詠,做咗三十九年人,舊年先喺親戚口中知道嫲嫲係荷蘭同印尼混血兒,亦即係話佢都擁有「歐洲血統」⋯⋯

終於復工喇!唐詩詠眼袋明顯,面容浮腫,露手臂同纖腰又點?點都補唔返!
終於復工喇!唐詩詠眼袋明顯,面容浮腫,露手臂同纖腰又點?點都補唔返!

本來腮骨外露塊面闊闊嘅唐詩詠,經過女大十八變自我分階段進化,近年變得面容緊緻,蘋果肌長期脹卜卜令到反光,不過就要長期保養囉!年初受到新冠肺炎影響,唐詩詠停工避炎,日日留家玩貓喪煲劇,忙過開工。日前終於為新劇《超能使者》開工,唐詩詠帶住大眼袋同殘樣,成塊面都浮浮腫腫咁,不過網民就讚佢連雙眼皮都深咗。

同劇有唔少新晉花旦,唔好話同劉穎鏇、劉珮玥比,就連王君馨都sharp過唐詩詠多多聲!
同劇有唔少新晉花旦,唔好話同劉穎鏇、劉珮玥比,就連王君馨都sharp過唐詩詠多多聲!

個樣唔夠後生女搶fo,唐詩詠又出茅招,上個月佢喺母親節預告7月會送神秘禮物給亡母,有網民揣測係同馬國明閃婚掀起熱話,連累馬明被追問傳聞真假。明明係自己講啲唔講啲製造話題,唐詩詠竟然嬲嬲豬怪責大家錯誤解讀同扭曲佢嘅說話,佢仲自爆「神秘禮物」係佢同同學一齊參與慈善工作,大家會用唔同嘅藝術方式表達,重申唔係結婚,希望大家唔好再傳佢同馬明係一對。

同馬明搞曖昧搞足十年,唐詩詠故弄玄虛話7月有新搞作,連累馬明被追問係咪同佢秘婚。
同馬明搞曖昧搞足十年,唐詩詠故弄玄虛話7月有新搞作,連累馬明被追問係咪同佢秘婚。

講返唐詩詠個樣,初出道嘅佢樣子清純真係幾討好,人愈大面容愈緊緻,仲冇晒baby fat,而最明顯嘅進化應該係以前蘋果肌平坦,依家變得立體。

03年加入無綫拍《當四葉草碰上劍尖時》,當年嘅唐詩詠真係好fresh呀!
03年加入無綫拍《當四葉草碰上劍尖時》,當年嘅唐詩詠真係好fresh呀!
未經修飾嘅唐詩詠,大家又認唔認得?原來佢好早已經鍾意天然呆嘅樹熊。
未經修飾嘅唐詩詠,大家又認唔認得?原來佢好早已經鍾意天然呆嘅樹熊。
以前嘅唐詩詠蘋果肌平坦,皮膚一啲都唔膠。
以前嘅唐詩詠蘋果肌平坦,皮膚一啲都唔膠。

與好姊妹黃翠如同進化

無獨有偶,佢個好姊妹黃翠如都係一樣,本來五官唔多突出嘅佢,近年又係蘋果肌變得脹卜卜,對得多一齊進化都好正常。出年就踏入四字頭的唐詩詠,話就話女人四十一支花,但女人唔補好易老,持住自己係混血兒唔好好保養,出事㗎嘛!

真係兩姊妹蘋果肌都脹卜卜而且仲令到反晒光。
真係兩姊妹蘋果肌都脹卜卜而且仲令到反晒光。
日前唐詩詠喺社交網上載同黃翠如喺酒店房身穿浴袍開餐嘅照片,二人去酒店「開房」做Spa,室內都要戴黑超,唐詩詠搞乜?
日前唐詩詠喺社交網上載同黃翠如喺酒店房身穿浴袍開餐嘅照片,二人去酒店「開房」做Spa,室內都要戴黑超,唐詩詠搞乜?
抗痠期間日日留家玩貓同煲劇,到開工見人就唔在狀態,唐詩詠真係要搞搞個樣。
抗痠期間日日留家玩貓同煲劇,到開工見人就唔在狀態,唐詩詠真係要搞搞個樣。

最新吃喝玩樂資訊