倫哥尊尚火鍋私房菜推$68二人份無火懶人雞煲 加水即熱15分鐘食得 另推$100雞煲 / 火鍋雙重享受版|外賣食乜好
倫哥尊尚火鍋私房菜推$68二人份無火懶人雞煲 加水即熱15分鐘食得 另推$100雞煲 / 火鍋雙重享受版|外賣食乜好

倫哥尊尚火鍋私房菜推$68二人份無火懶人雞煲 加水即熱15分鐘食得 另推$100雞煲 / 火鍋雙重享受版|外賣食乜好

倫哥尊尚火鍋私房菜一向主打雞煲火鍋放題,最近推出無火雞煲外賣,每份均有500g三黃雞,加水等15分鐘即食得,現時$68已可歎到,CP值超高!

撰文:Rice|攝影:Tony

15分鐘即食!
倫哥$68二人份量無火雞煲外賣

雞煲濃味香口,吃完雞件更可加湯當作火鍋湯底,雞煲、火鍋雙重享受。現時倫哥尊尚火鍋私房菜推出無火雞煲外賣,只需把水倒至內附的發熱包上即可加熱,15分鐘即食得!每份雞煲內有500g三黃雞,雞油香濃,肉質嫩滑,啖啖肉,很是滋味。為確保質素,客人取貨時才即時炒製再入盒,保證熱辣辣送到手中。要留意,是次無火雞煲外賣只於佐敦觀塘分店供應。

倫哥尊尚火鍋私房菜推出無火雞煲外賣,只需$68即可歎到。
每份雞煲內附發熱包。雞煲亦放了滿滿芫荽及洋葱,芫荽迷必定喜愛。
先把發熱包放至盒內,後倒入260ml常溫水。
再把雞煲放至上層,蓋好,待15分鐘即可食得。
15分鐘後,掀開蓋子,記得用筷子拌好材料,雞肉更入味。
雞肉厚肉滑嫩入味,帶陣陣辣勁。
有客人試過一次購買50盒,相當驚人。

$100雞煲+火鍋雙重享受餐

想滿足雞煲、火鍋一齊歎的雙重願望,不妨可選這個雙重享受餐。餐內包括$68雞煲,份量同等,另有火鍋配料、烏冬及豬骨雞湯一同附上。火鍋同樣採用無火模式,只需加熱即可食得。配料款式亦不令大家失望,有午餐肉、牛丸、年糕盒子、包心丸等,一共9款。客人可邊食雞煲邊歎火鍋,食完一定大滿足!

火鍋同樣採用無火模式,把260ml常溫水倒至發熱包上即可加熱。
9款配料加上烏冬,份量幾乎滿瀉,啱晒大胃王。
火鍋湯底用上豬骨雞湯,清甜順喉,可中和雞煲的油膩感,多吃幾件也不怕。

$188明火版四人份雞煲

想一家人開心Share,可選擇倫哥3A懶人雞煲,足足有2磅重,可供4人享用,現時只需$188即歎到!用一大紙箱盛載著,雞煲以一次性耐熱錫箔鍋具盛載,內附上爐架及固體燃料,用火機即可點燃,可燒足約1.5小時,跟平常在外雞煲用餐時間相若。

倫哥3A懶人雞煲以紙盒盛載
內附爐架、固體燃料。
點燃後,約3-4分鐘已開始冒煙。
建議可不時攪拌材料防止黏鍋
雞肉沾上雞汁,辛香惹味,忍不住一口接一口地吃。

倫哥尊尚火鍋私房菜

供應雞煲分店
佐敦分店
地址:佐敦佐敦道26號E 2樓(顯示地圖
電話:
62219960、62093572 (WhatsApp)
營業時間:星期一至日 6pm-12nn

觀塘分店
地址:
觀塘創業街13號萬泰利廣場地舖(顯示地圖
電話:
62219960、62093572 (WhatsApp)
營業時間:星期一至日 6pm-12nn

價錢:
二人份無火懶人雞煲 $68
雞煲、火鍋雙重享受版$100
倫哥3A懶人雞煲 $188
備註:
1)建議致電或 Whatsapp預訂,佐敦及觀塘店亦有少量現貨供應。
2)建議2-3日內盡快食用。

最新吃喝玩樂資訊