海鮮
海鮮

【南法之旅】唔食對唔住自己- 海鮮 篇(下集)@為何斯德哥爾摩沒有譚仔三哥

博客

廣告

繼上集介紹完生蠔、青口之後,今集繼續黎!


5.魚湯
呢個魚湯係繼上集個 海鮮 意粉之後又一傑作。
個湯鮮甜到不得了,雖然個湯係稠但係一D都唔噁心,而且每一淡都隱隱約約食到魚肉,但又同事係湯喎!

再加埋D脆脆包粒點Aioli醬同芝士,其實都幾飽肚。

聽老板講D魚係佢地每朝直接同漁夫買架,唔知佢有冇吹水呢不過。


6.吞拿魚&鯷魚沙律
一句講曬:有海鮮味得黎又fresh。
呢味沙律個焦點係個鯷魚度,鹹鹹香香,不過怕腥既朋友就未必岩你食喇。

唔知香港有冇得賣呢?有既話其實好易整架咋。

▲對住個大海食真係一流呀!仲有D後生仔女唔著衫曬太陽添。


7.BBQ 海鮮
其實新鮮既食材就正如天生靚女一樣,化濃妝反而俗呀,淡淡地咪幾好。
呢尾野咩汁咩醬都冇,反樸歸真,幾粒海鹽、幾滴檻欖油就已經好好味喇

介紹到呢度,有冇少少衝動都想去去南法一趟呢?
如果要去就快喇,趁夏天完結之前好去。
今次介紹到呢度,下次再同你分享有咩必食必玩啦!再會。

延伸閱讀:

【南法之旅】唔食對唔住自己-海鮮篇(上集)@為何斯德哥爾摩沒有譚仔三哥

【夜媽媽又口痕】四款必試瑞典朱古力零食@為何斯德哥爾摩沒有譚仔三哥