【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥
【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥

【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥

眨下眼又去完南法番黎成兩個月喇,好唔捨得呀。
隔左咁耐,我終於肯的起心肝同大家share下我同程老大係南法食左D咩正野。

而去南法就梗係食 海鮮 啦!

IMG_1967
1.蜆與青口

識食一定係刀叉都唔用,直接成碟徒手食!
D青口同蜆肉又夠大又新鮮,同香港食開雪藏果d真係好唔同。
食到最後成碟都係D汁,我爭d飲曬呀!要試!

IMG_1983

2.海鮮意粉
海鮮意粉聽落好簡單,但要整得好、整得特別就好難。
冇記錯既話呢碟野係係法國同意大利既交界食到架,非常足料!
佢係我成世人食過最最最好味既意粉,將我地成個旅程推上顛峰。

IMG_1984
▲比個近鏡靚仔樣大家睇下先。
(唉,點解我要選擇深夜打文)

IMG_1750


3.生蠔!!!
有follow開我facebook既朋友都知,我對生蠔既鐘愛程度其實都幾誇張。
黎到南法又點可以唔試下佢地最新鮮最新鮮既法國生蠔呢!!

IMG_1764

食海鮮既話,三家姐我極力推薦呢間餐廳。(真心share,我冇收佢錢架)
相信好多人都知呢間野,去到都好多亞洲食客撞口撞面。
唔貴得黎服務又好,除左法文,仲有中英menu添,不過D中文是簡體…..

IMG_1765

嗚呀!!新鮮清爽既法國生蠔呀,個碟仲曉出煙架添,幾拿有氣勢!
IMG_1810
唔好點生青口
間餐廳我地黎左幾次,有次我貪得意叫左D生既青口。
勸大家千祈唔好試,除非你對公廁陣味情有獨鐘,同鐘意個口又苦又痲痺既簡jer。
好啦!今次就同大家分享到呢度,下次同大家繼續分享埋下集。
下次記得睇之前食飽d呀,會冇咁辛苦。

延伸閱讀:

【返老還童】三家姐帶你去 斯德哥爾摩版海洋公園 @為何斯德哥爾摩沒有譚仔三哥

【夜媽媽又口痕】四款必試瑞典朱古力零食@為何斯德哥爾摩沒有譚仔三哥

最新吃喝玩樂資訊