【#網絡熱話】｜溫暖人心❤️

【#網絡熱話】｜溫暖人心❤️
＝＝＝＝＝＝＝＝＝＝＝＝
網友喺土耳其伊斯坦堡一間醫院拍下溫馨一幕！一隻流浪貓媽媽叼着瘦削嘅貓BB跑到急症室，神情好似向緊醫護人員求助咁。醫護人員隨即為貓BB做檢查，同時安撫喺門外寸步不離嘅貓媽媽，為佢提供食物同牛奶。雖然未見貓咪們有嚴重外傷，但為安全起見，醫院結果將佢哋轉交咗畀獸醫照料。網民見到都大讚土耳其醫護好有愛心，亦覺得貓媽媽好勇敢同偉大，祝福佢哋健健康康。