52歲江欣燕《十八年後》同黃智雯似姊妹   曾晚晚夜蒲離婚後重回正軌
52歲江欣燕《十八年後》同黃智雯似姊妹   曾晚晚夜蒲離婚後重回正軌

52歲江欣燕《十八年後》同黃智雯似姊妹 曾晚晚夜蒲離婚後重回正軌

無綫劇集《 十八年後的終極告白 》自播出以來反應熱烈,劇情懸疑錯綜複雜,成功吸引大批觀眾追看。除7子疑兇成焦點外,劇中多個角色人物亦好搶鏡,其中一個就係飾演黃智雯阿媽嘅江欣燕!

原文刊於《東方新地》

江欣燕《十八年後》同黃智雯似姊妹

現年52歲嘅江欣燕一向保養得宜,無論樣貌同身材都 keep 得好好,雖然佢喺劇中造型上都有花心思去扮熟婦,但拍埋黃智雯的確似兩姊妹多過母女,江欣燕坦言當初都有擔心過:「 出到嚟係好似兩姊妹,惟有用演技搭夠!不過計番真實年齡其實我都真係生得到佢,如果我18歲生嘅話!」唔係喎,黃智雯都37歲啦,除非江欣燕15歲未成年懷孕啫,喺合法情況下,點計都生唔出囉!

喺劇集 《十八年後的終極告白》 中飾演林嘉華老婆、黃智雯阿媽嘅江欣燕,拍埋黃智雯身邊出到嚟嘅效果似兩姊妹多過似母女。
喺劇集 《十八年後的終極告白》 中飾演林嘉華老婆、黃智雯阿媽嘅江欣燕,拍埋黃智雯身邊出到嚟嘅效果似兩姊妹多過似母女。
劇中造型上刻意扮熟婦,江欣燕話再用演技搭夠。

入行35年扮鬼扮馬形象深入民心

不過學江欣燕話齋,做戲係靠演技嘅,好似佢本人就係最佳例子!入行35年扮鬼扮馬形象深入民心,90年代一系列扮嘢搞笑節目如《 娛樂插班生 》、《 樂壇插班生 》等都必定有佢份。2001年同吳積遜結婚後而減少幕前工作,暫時息影。至2013年宣布離婚後,江欣燕又再度重出江湖,雖然佢嘅電視劇產量唔算多,但每次演出都獲得唔少讚賞,好似《 女人俱樂部 》、《 為食神探 》、《 逆緣 》都令觀眾留下深刻印象,一代扮嘢王並非浪得虛名㗎!

入行35年最叻扮鬼扮馬,除扮賓賓Maria外,仲扮演過「祥嫂」洪金梅以及梅艷芳,當年扮梅姐似模似樣,連梅姐本人都話笑到肚痛!

與葉蘊儀、李麗珍、李若彤、張慧儀、袁潔瑩合作劇集《女人俱樂部》,飾演羅鳳仙一角令人印象深刻。
江欣燕重視家庭,孝順父母之餘,同妹妹江希文感情亦很好,就算妹妹有唔少負面傳聞,呢個家姐永遠都嚟撐,絕對係義氣仔女。
跟張衞健識於微時仲拍過拖,不過再見亦是朋友,早年喺飯局相逢更與張衞健夫婦世紀合照。
以往經常孖住老公吳積遜去玩去蒲,江欣燕承認有段時期每日打牌行街、飲酒夜蒲至天光先瞓,至2013年與吳積遜離婚後,才洗心革面令生活重回正軌。

最新吃喝玩樂資訊