《十八年後的終極告白》豬肉婆起底  29歲尹詩沛有樣有身材
《十八年後的終極告白》豬肉婆起底  29歲尹詩沛有樣有身材

《十八年後的終極告白》豬肉婆起底 29歲尹詩沛有樣有身材

無綫劇集《十八年後的終極告白》播映進入第二周,愈死愈多人,愈爆愈多秘密。由杜大偉飾演嘅當年關鍵人物文虎上周登場,佢仲帶埋豬肉婆老婆阿娣(趙玉娣)同兄弟班見面,阿娣霸道潑辣食住文虎,講嘢仲句句有骨要脅眾人,好似知好多內情咁喎!

原文刊於《東方新地》

尹詩沛藝員訓練班出身做街市婆娘入型入格

斬豬肉恰老公飾演惡霸街市婆娘入型入格,一出場已經勁搶戲,潑辣過後,接到老公死訊後的崩潰爆喊,極之催淚,演技超班。原來扮演阿娣嘅尹詩沛畢業於24期藝員訓練班,入行十年浸足十年,自然有演技有經驗做乜似乜。為咗做好豬肉婆呢個角色,尹詩沛喺拍攝前專登入街市豬肉檔搵專人教揸刀斬豬肉,企足成日進入角色,做足功課所以咪夠霸氣又夠搶鏡,被觀眾留言盛讚囉!

《十八年後》 文虎阿娣兩公婆登場後爆咗唔少秘密,尤其尹詩沛飾演嘅豬肉婆不停用秘密威脅老公同眾兄弟。
《十八年後》 文虎阿娣兩公婆登場後爆咗唔少秘密,尤其尹詩沛飾演嘅豬肉婆不停用秘密威脅老公同眾兄弟。

其中一幕茶樓戲足足七頁紙對白由敍舊變反枱,尹詩沛話呢場戲係佢入行以來戲份最重對白最多嘅一場。有前有後又肯露嘅尹詩沛,終於等到一個有發揮嘅角色令佢彈起。

29歲有樣有身材 與劇中角色差天共地

角色登場後唔少觀眾喺專頁留言讚佢入戲,夠晒乞人憎,市井味出晒嚟,尹詩沛多謝完觀眾都不忘澄清番:「你哋信唔信,其實我真人好斯文㗎!」睇佢網上po啲相,有樣有身材,又真係同劇中角色完全係兩個人囉!

尹詩沛亦曾參演《她‧她‧她的少女時代》
尹詩沛喺 《十八年後的終極告白》 中飾演霸氣豬肉婆入型入格,而現實中其實係索女一名。
29歲有樣有身材,同劇中角色完全唔同。
洋名Nicole嘅尹詩沛入行已經十年,由無名無姓閒角做到戲份愈嚟愈重,亦因為有把靚聲,所以曾在《今晚睇李》擔任和音,集集低胸騷長腿表演。
做阿娣一角經常鬧人搞到拍攝全程嗌到喉嚨痛,現實中Nicole話自己其實好斯文。

最新吃喝玩樂資訊