番茄師兄
番茄師兄

番茄師兄登陸元朗 逆市開新店!招牌鮮甜番茄湯+軟腍牛坑腩|區區搵食

飲食

廣告

主打番茄湯麵的深水埗小店「番茄師兄」近日登陸元朗啦!小店能在疫情之下逆市開店,除了老闆夠人情味街坊最like之餘,當然少不了招牌鮮甜番茄湯和軟腍牛腩!

撰文:Lu、Jacky|攝影:Woody|資料來源:番茄師兄

番茄師兄元朗逆市開分店!

深水埗小店番茄師兄近日於元朗擊壤路開設分店,負責人在Facebook專頁分享喜訊,不過亦提到新店開業不久,出品和上菜時間仍有進步空間,望食客見諒。不過記者在元朗飲食Facebook群組看到街坊拍攝到餐廳門前人龍盛況,相信大家都會力撐番茄師兄!

番茄師兄
番茄師兄登陸元朗,逆市開分店,厲害!
元朗
圖片來源:我食在元朗。你卻在大牌檔
有街坊拍到店外人龍盛況。

番茄師兄(元朗店)

地址:元朗擊壤路9號金寶大廈地下4號舖(顯示地圖
電話:3615 1062
營業時間:12:30pm-9pm(試業期間不固定,詳情可到Facebook專頁查看)
Facebook:番茄師兄

重溫早前《新假期》深水埗店報導:
新鮮閹牛+時令海鮮做配料

坊間不乏番茄湯專門店,不過湯底大都以豬骨為主,番茄師兄的店主就想到以牛骨、牛肉加入番茄、洋蔥熬湯底,並取名番茄師兄,配搭成功吸納不少粉絲。牛肉特別找買手牛皇莫入貨,全是即日屠宰的新鮮閹牛,無論肉味、油香都特別濃。配料選擇還有新鮮的花甲、豬腩肉、滑蛋等,麵底就可選米線、日式拉麵、烏冬,當中以烏冬最夾。

番茄師兄
犇犇有禮$79
番茄湯底濃厚,酸咪咪很開胃,略嫌有一點點鹹,若肉味再豐富一點就更好。牛肉配料有三款,牛面頰軟腍、牛坑腩肥美、崩沙腩爽口煙韌,而且份量不少。
深水埗
牛肉都是即日新鮮貨
番茄師兄
一貝子$69
配料換上香煎北海道帶子以及時令貝類,更添鮮甜。
番茄師兄
番茄湯底走濃厚路線,夾雜不少茄蓉。
番茄師兄
滑一滑$49(鮮牛肉+炒滑蛋)

慢煮小食+自家製飲品

一人點一個麵,還可以點幾個小食Share。較特別的有慢煮雞翼,平常瑞士雞翼就食得多,這裡就有麻辣瑞士口味,吃下也沒違和感。

深水埗
70度慢煮麻辣瑞士汁雞中翼$15/2隻、$30/4隻
入口先嘗到醬甜,微微麻痺的感覺後至。
番茄師兄
鮮炸腐皮墨魚蝦條 $18/2件、$36/4件
外皮炸得脆口乾身,肉質彈牙鮮味濃。
番茄師兄
檸檬雪梨露 $18(跟餐);$24(淨飲)
喝一口就知道非常足料,雪梨再加檸檬皮、檸檬肉煲成,清新醒神,微甜。

番茄師兄(深水埗店)

地址:深水埗基隆街255號地舖(顯示地圖
電話:9165 0670
營業時間:星期一至日 12nn-10pm

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..