37歲梁靖琪分享餵人奶心得 囝囝百日宴曬可愛

影視娛樂

廣告

去年6月下嫁細8年嘅圈外男友施雋賢(Jonathan)成為施太,並於同年12月誕下兒子施睿文(Roman),梁靖琪(Toby)日日喺網上分享湊仔日誌自得其樂!

原文刊於《東方新地》

梁靖琪分享餵人奶心得

轉眼間囝囝已經百日大,Toby孖老公為囝囝舉行百日party慶祝。Toby為囝囝準備咗個熊公仔蛋糕,家居四周以藍、白色波波布置,而壽星仔Roman就著上灰色一件頭加煲呔,非常醒目!Toby以英語留言表示好感恩有Roman呢個仔,又指自己同老公都好錫囝囝,希望囝囝開心快樂地成長。見到Toby上載短片中嘅Roman笑到咭咭聲,勁得人鍾意囉!

0
梁靖琪為囝囝在家中搞百日party慶祝,兩公婆對Roman都愛不釋手。
0
著上灰色一件頭加煲呔嘅Roman仔,肥嘟嘟咁,十分可愛!
0
Toby另分享一段幫囝囝換衫嘅短片,見Roman一直哈哈大笑,十分討人歡喜。
0
自從生咗囝囝後,Toby日日喺網上分享湊仔日誌,不時講吓餵人奶心得!

經歷第一段婚姻後,事隔7年梁靖琪(Toby)重新出發,於去年6月閃嫁細佢8年嘅 28歲圈外男友施雋賢(Jon),婚後無耐更宣布成功陀B,巨肚成為焦點,最近成功剖腹生B,一家人幸福滿瀉。 36歲梁靖琪閃婚後極速懷孕    剖腹誕下8.6磅囝囝勁幸福

梁靖琪巨肚懷8.6磅囝囝 一家三口晒幸福

36歲梁靖琪(Toby)去年六月與拍拖兩年、比佢細8年嘅圈外老公施雋賢結婚,上月27日 誕下8.6磅囝囝施睿文(Roman Sze),母子平安。初為人母嘅Toby隨即喺IG分 享一家三口合照晒幸福,佢話見到老公抱住囝囝嗰一刻,迅即淚崩!

0
懷孕時Toby著上貼身長裙,巨肚及豐滿上圍盡現,一眾好姊妹都忍不住手多多摸巨肚。
0
Toby為老公誕下8.6磅囝囝施睿文,獲老公封為英雄!

經歷16小時嘅陣痛,最後要緊急剖腹,Toby話一切都並非自己預期及控制 之內,而係由上帝安排,並感謝醫生同護士們嘅幫助,最重要當然係感謝老公全 程陪伴。Toby仲話當佢第一次見到老公抱住囝囝嗰一刻,就知道佢將會係一個 好爸爸,當時佢仲感動到爆喊兼收唔到聲㖭!

0
經歷16小時嘅陣痛,最後要緊急剖腹,幸好母子平安。
0
Toby自覺終於體會到做媽媽嘅心情,所以佢話好感激媽媽一 直咁愛佢。
0
見到老公抱住囝囝嗰一刻,Toby感動到淚如泉湧。

關鍵詞
梁靖琪