龍蝦
龍蝦

龍蝦送上門2大推介!新鮮生猛海鮮專人代劏+前半島大廚外賣龍蝦菜|外賣食乜好

飲食

廣告

不少人因疫情都多吃了外賣和頹飯,一日買幾天份量的餸菜,簡簡單單就是一餐。而餐廳為了疫市求生,也出盡渾身解數,連Fine Dining、生猛龍蝦都有得外賣,自家煮抑或外賣都可以食得好豪!

撰文:胡蚊|圖片來源:新傳媒資料室、網上圖片

龍蝦都有得外賣!

1.上網一㩒 生猛龍蝦即到

Red Deli Box做入口海鮮生意已近廿多年,近年主力做網購。網頁上明碼實價,龍蝦由細 size(約750g)至珍寶裝(約2.1kg)都有,訂好預約送貨後,就有專人用發泡膠盒將原隻龍蝦速遞上門,讓你驗明正身。

龍蝦
龍蝦、鮑魚等海鮮都可以外賣速遞,所有海鮮送上門時都是活生生的,收貨時記得驗清楚。
海鮮
網站內有近五、六款龍蝦選擇,有些適合蒸,有些適合焗,也有鮑魚、長腳蟹等等海鮮,各適其適。

怕收貨後唔識劏?無問題,想開邊蒸,還是斬件薑葱炒,又或者刺身打邊爐,只要訂貨時預早告之,師傅上門後就會代為「出手」。店中供應的龍蝦有五、六款之多:印尼花龍(約$960起)最鮮甜,用來刺身一流;西澳石龍(約$750起)肉質彈牙又飽滿,開邊芝士焗最香濃。

外賣
蝦送到時,可請專人代為斬件處理,不怕出現人蝦混亂。

訂購網站:http://reddelibox.com/

2. 名店轉型 前半島大廚外賣龍蝦菜

在西餐界打滾30年的梁偉富(Eddy),曾在半島酒店法國餐廳 Gaddi’s 工作10年,又自立門戶開設私房菜Chef Studio by Eddy,不過最近新冠肺炎肆虐,市民謝絕出街吃飯,作為fine dining餐廳,自然首當其衝。Eddy決定反守為攻,主動出擊,WhatsApp 收單,港九新界、住宅還是寫字樓一律直送上門,絕地求生,暫時每日營業額都有七、八千蚊,希望可以捱過疫境。

龍蝦
龍蝦喇沙 $180
望見湯色就知道足料,大大隻龍蝦鉗,感覺相當名貴,湯鮮味濃,想不到足不出戶,叫外賣都可以吃得如此水準。
外賣
Eddy 做了西廚30年,直言從未見過如此蕭條的市況,只好變動一下,希望靠外送服務,走出谷底。

由於之前做過龍蝦湯專門店,這次就專營幾款龍蝦首本名菜外送。龍蝦沙律配北海道海膽、龍蝦喇沙、龍蝦濃湯烏冬、龍蝦蝦子腸粉、龍蝦汁蝦子燴伊麵⋯⋯款款由 $120-$180,主攻白領市場。雖是外賣,但用上加拿大新鮮龍蝦製作,烏冬的法式龍蝦湯用上6小時熬製,配上桂花醉蛋、蒜香炒過的啡菇,非常精緻。嗜辣的可以試試龍蝦喇沙,湯頭濃郁,喇沙葉的熱帶清香中滲住龍蝦的甜美。

龍蝦
選用新鮮加拿大龍蝦,非急凍貨色可比。
外賣
由於食物準備需時,所以須預早一天預 訂,Eddy晨早就會回到餐廳開工,趕及飯市前將美食速遞到各區。

「用心梁廚」外賣直送服務

訂餐Whatsapp:6196 9046
備註:① 須早一日預訂
② 最低消費為$350,另加運輸費(中半山/上環/金鐘$30、其餘港島區$50、九龍區$100、新界區$200),訂滿$800免運費。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..