【必吃粵菜】閨密粉色玫瑰下午茶 中環「SHÈ 舍」望維港海景食摩登粵菜｜區區搵食
撰文：胡蚊｜攝影：Issac
優雅歎中式下午茶
中環 IFC 連卡佛秘竇
中環 IFC 連卡佛百貨內，被化妝品專櫃包圍，有間摩登粵菜館，連名字都很少女——SHÈ（中文為：舍）。喜歡「舍」，除了地點方便、食物好之外，更因她有個室外平台，放置近十張枱，可以外望維港海景，在肺炎肆虐的日子，能夠出戶外抖抖氣，才叫真正放鬆。
講起下午茶，這裡有款tea set很出名，吸引不少靚太專程來幫襯。Tea Set 取名「玫瑰樂園」以粉紅色為主，木盒上枱，放滿一件件精緻中式點心：用紅菜頭汁搓成的蝦餃皮，顏色艷麗，再掃上食用金粉，最特別是蒸好臨上枱前，會輕輕噴上香檳，收提鮮之效。
一份有9款茶點，包括大馬士革玫瑰燕窩蛋撻、粉紅田園雜菜粿、大馬士革玫瑰馬豆糕、花之戀、粉紅芒芒、香檳蝦餃、上湯金魚餃、甜蜜玫瑰饅頭和流心紫番薯。
滿滿少女粉色茶點
還有外形似條粉紅小金魚的帶子、蝦肉餃，彈牙爽脆，配上湯吃，清淡鮮味。甜點方面，亦有玫瑰造型的馬豆糕，芒果糯米糍卷及口感似鹹水角的流心紫薯。件件都很精緻，配上花茶或用半價享用雞尾酒，中西合璧的寫意午後。
將菊花加入 Martini 內，淋上玫瑰糖漿及氣泡，輕甜中帶清新花香，女孩子最愛。
與蘇格蘭著名 Gin 品牌 Hendrick’s 合作的雞尾酒，以接骨木花、香茅及葡萄柚混調而成，味道優雅。
Tea Set 以外，其他點心都值得一試。棉花雞用椰青水來蒸，味道鮮甜；馬拉糕有竹炭和黃糖兩款口味，做成太極狀，有心思；珍珠雞以1:10的份量加入糙米，食起增加嚼勁，糯米不致糊口。小小細節，足見用心，而且每款造型都好特別，是閨密們來打卡歎茶的不二之選。
用椰皇水、鱸魚膠、乾螺頭、蟲草花、豬骨清燉而成，湯頭鮮甜，滋補又養顏，最適合春困的日子。
用上20斤重的花尾躉，肉厚又肥美。香料來自四川，單是辣椒已用上四、五款，是集團上海籍大廚的私房配方，香而不辣，魚肉鮮香滋味，配搭爽口的雲耳、青瓜、大豆芽，油香中帶點清新。
8頭裝大虎蝦以新加坡辣椒蟹的炒法來煮，大廚特地加入番茄粒及士多啤梨粒，微辣中帶點點酸酸的果香，又有少少甜，層次複雜又討好。
飯粒分明、口感煙韌黏身，搭配惹味臘味粒和金勾蝦米，一口接一口。
舍
地址：中環金融街 8 號香港國際金融中心三樓 3025-3026A & 3031-3066（顯示地圖）
電話：2110 0153
營業時間：星期一至日 11am-10pm
下午茶供應時間：星期一至日3pm-5pm
備註：設加一，收信用卡
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
