【自助餐放蛇起底組】 $300酒店Buffet即開 生蠔 !中伏無?

人人都說,今時今日的自助晚餐,無五、六百蚊都落唔到樓。最近銅鑼灣有間酒店,擺低$300就食到Buffet dinner,而且已包加一,有任食即開 生蠔 、高級意大利餐廳才會供應的大車胎芝士撈意粉,堅唔堅?正唔正?即刻去片。

自助餐前身是酒店中菜廳,數個月前才改裝賣Buffet,新張期間印張優惠券,就可於星期一至四以$298歎自助餐、星期五、六及公眾假期則是八折。以自助晚餐價位而言,確係幾吸睛!

即睇兩大超筍回本位

凍海鮮有咩食,肯定是你食自助餐最關注的項目之一,這裡凍蝦、青口、長腳蟹,有。重點是$300也有 生蠔 任食!而且是即開的!淨食十幾隻已經回本!雖說每人限取兩隻,不過當晚無乜人,唔駛排隊,可以拎完又拎。師傅開蠔雖然唔太熟手,未夠手起刀落,又要頻頻被蠔殼刺穿膠手套,但都細心掃走蠔殼碎,抵讚。當晚的紐西蘭 生蠔 質素唔錯,非常新鮮,嫩滑又重海水味,值得瘋狂encore!記者和攝影師總共食咗超過20隻,超級滿足!其他凍海鮮來說,凍蝦爽口彈牙、凍蟹仲有好多膏,齋食海鮮 生蠔 都已回本。

生蠔_自助餐(1)
雖然手勢及工具未算最Pro,但睇住師傅不停開蠔,都值得Respect!

 

生蠔_自助餐2(1)
即開紐西蘭生蠔爽口滑溜,食完一隻又一隻。

另一超筍回本位,是現場用24個月巨型巴馬臣芝士即撈意粉。這個一向只限於高級餐廳的供應的玩意,如今已落入大眾化的自助餐free-flow任食!師傅將意粉拌勻醬汁後放上芝士,利用意粉的熱力把巨型溶化芝士,整個過程睇已經興奮,我仲叫師傅撈多啲芝士,而佢又肯喎。醬汁本身已十分Creamy黏咀,加上碌了多到震的芝士,邪惡到極點!

生蠔_自助餐4
芝士迷見到這24個月巨型芝士必定心心眼!

 

生蠔_自助餐5
撈完溶化的芝士汁都未夠,記得叫師傅灑上芝士碎先禮成!

刺身方面,選擇OK,有三文魚、甜蝦、希靈魚等,見師傅從雪櫃取出魚生,以為好新鮮,點知中伏!甜蝦蝦頭發黑,入口即刻化成漿,仲帶少少腥,真係唔敢吞落肚,好彩三文魚無事,仲幾肥美。

生蠔_自助餐6
三文魚刺身肥嘟嘟,充滿魚油香,食多兩件都唔怕。
生蠔_自助餐7
甜蝦砌得靚靚的背後,原來是中伏的開始。

同場發現「明將級」壽司,以火腿包住飯和黑魚子,火腿廉價,魚子完全無味,連鹹味都無,伏味很濃。

生蠔_自助餐8
連酒店都玩明將級的「創意壽司」?

輪到熱食,也頗為失望,選擇少之餘,感覺更有點求其,例如龍蝦伊麵是殼多過肉,羊架肉質太乾太硬,其他熱食大部份只是微暖,要扣分! 生蠔_自助餐9

根據網上食評,這裡甜品有Movenpick雪糕供應,當日現場所見,雖有雪糕,但品牌名以膠紙遮蓋,食落的確比平時的味道淡、質感也很薄,說不上好食。剩餘的甜品也是平平無奇的大路款式,味道唔突出,尚算合格。

生蠔_自助餐12(1)
雪糕品牌被膠紙遮蓋,實在相當有嫌疑。
生蠔_自助餐10(1)
甜品以小糕點為主,款式和味道也一般。

總分:5.5 / 10

以$300這個價錢,當吃一個 生蠔 、海鮮放題是不錯的,可稱得上合格,回本之餘,水準亦不俗;巨型芝士意粉的idea非常吸引,試食當晚也最受食客的歡迎。其他如熱食、刺身、甜品類失色,臥底真金白銀試食後亦覺得難有encore的衝動。

協奏坊西餐廳

地址:銅鑼灣信德街8號香港珀麗酒店2樓
供應時間:6:30pm – 10pm
訂座電話: 2127 8828 / 2127 8838
備註:$298優惠只適用於星期一至四自助晚餐時段(需於OpenRice網頁列印優惠券)

 

延伸閱讀:

最新吃喝玩樂資訊