37歲李佳芯孖男友行山抗疫 陳炳銓甘心送外賣

影視娛樂

廣告

被喻為美女與野獸嘅組合、一直被人指不合襯又唔睇好,不過事實勝於雄 辯,李佳芯同男友陳炳銓拍拖六年搬埋一齊住感情不知幾穩定,Ali就算升呢成為視后關係亦冇變過,絕對係絕世好女友!

撰文、圖片:東方新地

佳芯孖男友行山抗疫

去年中李佳芯事業 遇上低潮,都係多得男友喺身邊陪伴扶持,仲定時定候去行吓山拍吓拖,站得高睇得遠,最緊要身邊有個伴,高山低谷幾咁閒!

拍拖六年一直不被睇好,但 Ali 一如以往從未變心,就算升呢成為視后關係亦冇變過。
拍拖六年一直不被睇好,但 Ali 一如以往從未變心,就算升呢成為視后關係亦冇變過。

陳炳銓甘心送外賣

平時見慣兩口子去將軍澳醫肚,呢日就只得陳炳銓一個買外賣。話說李佳芯養 貓又養狗,尤其視唐狗豆豉係心肝寶貝,女友呢日唔喺身邊,陳炳銓錫住寶貝狗,買外賣都帶埋豆豉遊個車河。甘願做阿四、體貼又錫住毛小孩,唔怪得之奪得女神芳心。

李佳芯同男友於清水灣半島同居,周不時孖住出將軍澳搵食,不過呢日就只見陳炳銓一個出動買越南河外賣。
李佳芯同男友於清水灣半島同居,周不時孖住出將軍澳搵食,不過呢日就只見陳炳銓一個出動買越南河外賣。
買完外賣再撳埋錢,其實導演男友都好多搞作養得起 Ali 嘅。
買完外賣再撳埋錢,其實導演男友都好多搞作養得起 Ali 嘅。
女友唔喺身邊,副駕位留畀狗女豆豉坐,有得遊車河吹吹風,全程豆豉超興奮。
女友唔喺身邊,副駕位留畀狗女豆豉坐,有得遊車河吹吹風,全程豆豉超興奮。