28歲陳凱琳做全職媽媽 為鄭嘉穎停工追女
28歲陳凱琳做全職媽媽 為鄭嘉穎停工追女

28歲陳凱琳做全職媽媽 為鄭嘉穎停工追女

當一眾無綫花旦為攀視后奮力上位,捱更抵夜搏命拍 劇時,陳凱琳卻在事業衝鋒期與鄭嘉穎奉子成婚,去年2 月14日兒子鄭承悅(Rafael)出世,轉眼得意B已是一 歲,陀B時話過好快產後復出的陳凱琳,有仔萬事足, 只作有限度選擇性工作,拍劇?不了。

撰文、圖片:東方新地

陳凱琳有仔萬事足 寧願做母后不做視后

兒子鄭承悅(Rafael)於2月14日情人節滿一歲,陳凱琳幾乎日日攬住前世小情人晒幸福,表示好唔捨得囝囝大得咁快,另一方面又高度讚揚老公鄭嘉穎是個百分百好爸爸,努力工作搵錢養家的同時,亦錫到個仔燶,身為阿媽唔止冇呷醋,仲好開心。囝囝Rafael令陳凱琳與鄭嘉穎享受為人父母,追多個女湊成「好」字就更加圓滿,據知陳凱琳已決定做全職媽媽,約滿無綫後將不再續約,全力為鄭嘉穎生個小公主,相夫教子,寧願做母后都唔恨視后。

雖然有仔萬事足,但陳凱琳與鄭嘉穎夫妻關係依然甜到漏,去年老公鄭嘉穎五十大壽,陳凱琳為他大搞生日會,二人在友人面前啜爆。
雖然有仔萬事足,但陳凱琳與鄭嘉穎夫妻關係依然甜到漏,去年老公鄭嘉穎五十大壽,陳凱琳為他大搞生日會,二人在友人面前啜爆。
去年生咗豬仔鄭承悅(Rafael), 踏入鼠年陳凱琳與鄭嘉穎已開工努力造人,目標是兩年抱兩,追鼠女湊 「好」字。
去年生咗豬仔鄭承悅(Rafael), 踏入鼠年陳凱琳與鄭嘉穎已開工努力造人,目標是兩年抱兩,追鼠女湊 「好」字。
今年是陳凱琳與鄭嘉穎一家三 口首個農曆新年, 鬼妹仔性格的陳凱琳 也按照傳統幫囝囝添唐裝新衣過新年。
今年是陳凱琳與鄭嘉穎一家三 口首個農曆新年, 鬼妹仔性格的陳凱琳 也按照傳統幫囝囝添唐裝新衣過新年。

28歲陳凱琳做全職媽媽 為鄭嘉穎停工追女

《鐵馬》家族團拜在鄭宅舉行, 眾人著到紅彤彤打邊爐,陳凱琳更親自 入廚處理海鮮,招呼一班兄弟姊妹。
《鐵馬》家族團拜在鄭宅舉行, 眾人著到紅彤彤打邊爐,陳凱琳更親自 入廚處理海鮮,招呼一班兄弟姊妹。

隨時生三個 最希望追多個女

結婚生仔令鄭嘉穎修心養性,陳凱琳功不可沒,陀B時曾表示產後會繼續幕前工作的 她,因為囝囝而計劃有變,據知情者透露:「生完B餵人奶,Grace(陳凱琳)已經對囝囝寸步 不離,之後就更加唔使講,睇住Rafael呢一年成長每個moment,Grace根本唔想再出嚟做 嘢,即使嘉穎話同佢去旅行二人世界,佢都要帶埋個仔去。生完冇耐Grace已經話會再繼續生,不過嘉穎唔想佢咁辛苦,所以plan咗Rafael一歲先開工造人,第二胎出世,囝囝兩歲就差唔多,佢哋好想追個女,仲話係女就收工,仔就再追多個,所以Grace唔再接劇,約滿無綫都唔會再續喇!以後只會接啲簡單又唔辛苦嘅代言工作,專注做賢妻良母。」

鄭嘉穎是愛妻號,兒子出世後不忘帶妻外遊歎世界,不過幾乎次次都有囝囝份,看得出陳凱琳好享受湊仔生活。
鄭嘉穎是愛妻號,兒子出世後不忘帶妻外遊歎世界,不過幾乎次次都有囝囝份,看得出陳凱琳好享受湊仔生活。
Rafael 未夠一歲已跟住爸媽到訪過新加坡及東南亞等地,陳凱琳與鄭嘉穎遊山玩水之餘,更開始造人之旅。
Rafael 未夠一歲已跟住爸媽到訪過新加坡及東南亞等地,陳凱琳與鄭嘉穎遊山玩水之餘,更開始造人之旅。

28歲陳凱琳做全職媽媽 為鄭嘉穎停工追女

陳凱琳奮力追女,陳媽媽亦樂於為她湊孫,早前Rafael 為婆婆慶祝生日,兩婆孫玩得好開心,看似生第二胎都要靠婆婆幫手湊B。
陳凱琳奮力追女,陳媽媽亦樂於為她湊孫,早前Rafael 為婆婆慶祝生日,兩婆孫玩得好開心,看似生第二胎都要靠婆婆幫手湊B。

事實上,形象健康的陳凱琳產後代言工作不絕,深受客戶歡迎,唔拍劇一樣吸金力強 勁,產後只為無綫拍過一個旅遊節目《仨心友行》,可見她引退之決心。28歲的陳凱琳幸福 滿瀉,早前她接受訪問更承認完全沒有復出拍劇的時間表,家庭排第一,當務之急當然是為 鄭嘉穎追個女先,年過半百的鄭嘉穎有心有力,相信鼠年好快就有喜訊。

陳凱琳與鄭嘉穎早前為一間月子會所代言拍廣告,抱住初生 BB ,預演第二胎來臨的喜悅。
陳凱琳與鄭嘉穎早前為一間月子會所代言拍廣告,抱住初生 BB ,預演第二胎來臨的喜悅。
產後一年的陳凱琳,謝絕接劇拒絕捱更抵夜的工作,只為無綫拍了一個12集的旅遊節目《仨心友行》,與楊明、高海寧及陳敏之玩盡大馬傾心事。
產後一年的陳凱琳,謝絕接劇拒絕捱更抵夜的工作,只為無綫拍了一個12集的旅遊節目《仨心友行》,與楊明、高海寧及陳敏之玩盡大馬傾心事。

28歲陳凱琳做全職媽媽 為鄭嘉穎停工追女

生完囝囝身材依舊纖瘦而且上圍升cup的陳凱琳,深受廣告客戶歡迎,代言工作接踵而來,當中包括時裝、美容品牌等,就連國內樓盤亦搵她代言。
生完囝囝身材依舊纖瘦而且上圍升cup的陳凱琳,深受廣告客戶歡迎,代言工作接踵而來,當中包括時裝、美容品牌等,就連國內樓盤亦搵她代言。

最新吃喝玩樂資訊