32歲倪晨曦擬結婚通知書曝光！因武漢肺炎無得擺酒變工作狂密密接job
廣告
2018年最後一日宣布喺巴黎被求婚搵到Mr.Right，訂婚一年有多，倪晨曦 （Elva）原定於本月26日註冊及擺酒，無奈受到武漢肺炎疫情影響再度延期。不過有媒體發現，早前婚姻登記處根據法律，已經公開展示咗二人嘅擬結婚通知書，雖然未知幾時補擺酒，但二人總算為婚禮行出第一步！
撰文、圖片：東方新地
倪晨曦未嫁得 放下婚禮埋首工作
人人搞婚禮都忙到一頭煙，而Elva就好淡定，乜都唔理只顧埋首工作，日日出 po保持女神地位之餘，轉頭又見佢現身銅鑼灣為代言銀行拍攝宣傳片。片中Elva化身記者喺街頭做街訪，見佢全程態度認真虛心聽話，雖然唔小心食螺絲，但睇住佢尷尷尬尬伸晒脷耍晒冧個樣甜到漏，仲邊捨得怪佢喎！
