35歲周柏豪父愛滿瀉 IG透露愛囡英文名

新假期 - 影視

Feb 12 2020

廣告

35歲周柏豪同老婆Stephanie（朱敏君）結婚三年，去年成功造人，12月初榮升爸爸，老婆Stephanie為佢誕下 6.7磅小公主周芯悅，自此每次柏豪一提湊女就眉開眼笑，講到幫囡囡換尿片一樣咁開心，完全掩不住做爸爸嘅興奮！

撰文、圖片：東方新地

周柏豪愛囡遺傳老竇靚靚基因

小芯悅剛兩個月大，柏豪忍唔住喺IG開心share囡囡嘅近照，雖然只係見到B女半邊面珠仔，但可見芯悅嘅眼睫毛又長又密，而且天生向上鬈，眉粗粗，再加上濃密嘅頭髮，應該遺傳咗老竇嘅靚靚基因 ﹗相片更附上囡囡嘅英文名，原來小芯悅叫「Sonya」呀！

柏豪對囡囡愛不釋手，充滿父愛。

小芯悅英文名叫「Sonya」，頭髮濃密、眉粗粗、眼睫毛又長又密，遺傳咗老竇嘅靚靚基因。

小芯悅嘅出現的確為周家上下帶來喜悅，柏豪笑謂以前父母最喜歡去旅行，依家連旅行都唔去，日日都要去佢屋企見小公主。

關鍵詞