海洋公園全新「光影盛夜」 水上光雕投影匯演開幕優惠$416由早玩到夜
海洋公園全新「光影盛夜」 水上光雕投影匯演開幕優惠$416由早玩到夜

海洋公園全新「光影盛夜」 水上光雕投影匯演開幕優惠$416由早玩到夜

(presented by Ocean Park)

海洋公園全新夜間大型光雕匯演「光影盛夜」正式登場!由國際知名多媒體工作室Moment Factory同The 7 Fingers專業舞台指導一齊傾力製作,將夢幻人工湖同化身成360度全方位舞台,以極震撼光雕投影、多重火焰、煙霧同水幕噴泉等特別效果,配合原創音樂及舞台燈光,加上20位演員於水上演出舞蹈及驚險雜技表演,由以大自然同精靈ANIMO做背景嘅「光影頌」揭開序幕,另一場就以穿梭香港城區為主題嘅「光影都會」媒體噴泉表演同樣精彩有驚喜。

除此之外,園內湖畔多處有各種多元化好玩體驗、攤位遊戲,仲可以去埋OPX體驗店親手製作屬於你嘅創意精品自訂體驗。睇完表演肚餓想食嘢,就要品嚐特別為「光影盛夜」推出嘅多國特色小食,同樂園餐廳特別設計嘅「光影頌晚餐」,想夜遊海洋公園又食盡特色佳餚,立即睇定「光影盛夜」開幕優惠套票,同埋以下遊玩及購票攻略做好準備去玩啦!

震撼光雕投影+火焰及水幕噴泉+驚險雜技匯演「光影頌」

全新夜間大型光雕匯演「光影盛夜」用咗2年幾時間籌備同製作,重頭戲「光影頌」由聞名世界嘅多媒體藝術團隊 Moment Factory打造,佢哋曾經主理日本大阪城、西班牙聖家堂以及多個國際城市嘅大型夜遊項目,殿堂級製作包括會將噴火、激光、煙霧、噴泉效果,交織成獨一無二嘅超感官體驗。再加上著名舞台指導 The 7 Fingers 以及一眾演員傾力展現嘅parkour飛躍道、韻律舞同埋驚心動魄嘅雜技,就係「光影盛夜」重頭戲「光影頌」同埋「光影都會」嘅魅力所在!

而「光影頌」將海洋奇觀同夢幻水都人工湖化身成360度全方位舞台,結合咗光雕投影、多重火焰、煙霧同水幕噴泉等特別效果,由20位演員於水上演出舞蹈,並加插超驚險刺激的雜技項目表演,並以大自然做背景,由精靈ANIMO穿插整個匯演,既可愛又充滿視覺新體驗。

《光影頌》表演時間:7pm  約12分鐘長

穿越香港繽紛場景 噴泉表演「光影都會」

壓軸匯演「光影都會」就以香港大都會做背景,以五光十色嘅多媒體噴泉表演,穿越香港各區遊走多個地標景點、大自然面貌,場面精彩震撼。

《光影都會》 表演時間:9pm  約6分鐘長

圖片來源:Moment Factory © 香港海洋公園版權所有

多元化互動體驗+OPX體驗店

光雕匯演精彩吸引,園內多處幻化成閃亮動感場景,夢幻水都人工湖亦有小型水幕表演,同樣有火焰同水幕效果㗎!圍繞湖畔仲有不同互動光影體驗,包括主題遊戲攤位,喺「光影站」影完相後可將影像投射於水幕噴泉等等。

以火山為背景嘅小型表演有火焰效果,同樣震撼!
圖片來源:Moment Factory
© 香港海洋公園版權所有
噴泉水幕好有兒時回憶,大人小朋友一定好滿足!

湖畔旁「光影站」影完相後會投射出水幕噴泉,見到自己嘜頭一定要自拍合照啦!

睇完表演玩完又點可以唔帶紀念品走呢?OPX體驗店可以親手設計屬於你個人嘅專屬產品,購物袋、保溫壺、水杯、電話手機殼等等,仲有唔同主題比你揀,其中當然有「光影盛夜」系列啦,好玩實用又有紀念價值!

OPX體驗館內「光影盛夜」主題產品有唔同類型選擇,送俾朋友夠晒貼心。
仲可以親手自訂你個人專屬設計用品,夠晒獨一無二!
仲有超可愛精靈ANIMO精品帶返屋企!

「光影盛夜」主題限定小食+餐廳名廚佳餚

睇光雕匯演同時,如果可以一邊食住多國特色小食同特飲,係咪更加滿足呢?湖畔小食亭「食尚水都」及酒吧推出多款特色小食、Mocktail及Cocktail,仲有「光影盛夜」主題精靈ANIMO甜品同特飲,好可愛啊!

湖畔小食亭「食尚水都」嘅多國特色小食,及脆皮豬手、燒排骨同香燒羊架等。
精靈ANIMO曲奇及特飲(忌廉、芒果木瓜奶及芒果味爆珠)。

預訂「光影盛夜」開幕優惠套票,仲送輕食連無酒精飲品一杯,睇住光雕匯演品嚐最適合不過!

海洋公園內2間餐廳「海龍王」同「爐炭燒」特別推出2款「光影頌晚餐」,由國際名廚屈浩大師,選用來自熊本縣嘅極上食材,配合擁有超過200年歷史嘅日本頂級濱田醬油,創作成「古法珍餚嚐味套餐」,仲有充滿地道泰菜風味嘅「爐炭燒泰式盛薈」,視覺同味覺一同有頂級享受!「光影盛夜」網上預訂晚餐連夜間套票仲有85折優惠,於夜晚6時半入園嘅晚間門票,包指定晚餐一份,仲可以預留最佳觀賞位置欣賞匯演添,尊享極上享受。

「爐炭燒泰式盛薈」充滿地道泰菜風味。
「海龍王」嘅「古法珍餚嚐味套餐」好有fine dining味道。

「光影盛夜」限時開幕優惠

香港海洋公園用咗2年多時間籌備製作嘅全新夜間大型光雕匯演「光影盛夜」,由即日起至3月31日,推出多重開幕優惠,只要於官方網站購買指定套票類別,就可享有開幕優惠,包括超抵玩由日玩到夜嘅全日套票連輕食套餐,只需$416(原價$618)就可以盡情暢玩日間機動遊戲及全公園玩樂設施,至晚上欣賞「光影盛夜」匯演,用埋建行(亞洲)或建行信用卡及提款卡買「光影盛夜」套票仲有額外85折優惠;而用同款信用卡或提款卡購買「光影盛夜」門票連餐飲套票可享8折優惠!

想喺園內2間餐廳品嚐晚餐連夜間門票套票,只要於網站購票同樣可以享有開幕優惠,立即約埋親朋好友一齊買飛啦!

「光影盛夜」開幕優惠

優惠期限: 2020 年1月1日至3月31日

購票傳送門:http://bit.ly/2TuUBV6

香港海洋公園

www.oceanpark.com.hk

 

註:海洋公園網站訂票優惠不適用於建行(亞洲)/建行提款卡。
優惠須受有關條款約束。
借定唔借?還得到先好借!

最新吃喝玩樂資訊