【活動取消】小薯茄 X Breakup Tours情人節推「單身狗之夜」 3小時任食火鍋放題+男女神秘配對!|香港好去處
【活動取消】小薯茄 X Breakup Tours情人節推「單身狗之夜」 3小時任食火鍋放題+男女神秘配對!|香港好去處

【活動取消】小薯茄 X Breakup Tours情人節推「單身狗之夜」 3小時任食火鍋放題+男女神秘配對!|香港好去處

距離情人節剩低1個月時間不到,但唔係個個咁好彩都可以脫單,咁「單身狗」點算好?Breakup Tours聯同網絡平台小薯茄,聯手呈獻「單身狗圍爐取暖之夜」,誠徵約240位單身狗一齊打邊爐吃火鍋,仲有小薯茄成員特別節目、男女神秘配對同神秘禮物送畀參加的單身朋友!

撰文:GW |來源:Breakup Tours

【活動取消】

因為武漢肺炎疫情持續,原定2月14日舉辦的「單身狗之夜」活動取消,詳情日內將再公布。

單身又有咩好怕喎?

情人節同小薯茄圍爐取暖 吃火鍋放題!

情人節活動就見得多,專畀單身狗嘅活動你又有無見過?Breakup Tours 一反傳統貼心的舉辦「單身狗」活動,等單身朋友都可以圍爐取暖笑住過情人節,至正是全部人都單身,唔怕被其他人閃親!呢個係全港首個為單身朋友而設的單「喜」婚宴,將會誠徵240位單身朋友,一齊圍爐打邊爐吃火鍋放題過情人節!

Breakup Tours聯同網絡平台小薯茄,聯手呈獻「單身狗圍爐取暖之夜」,誠徵約240位單身狗一齊打邊爐吃火鍋。

參加者除了當晚可享用3小時任食火鍋外,網絡平台小薯茄仲會表演一連串精彩節目,例如程人富婚禮禁忌棟篤笑、冰童 Turn You On 撻著你、破冰環節、麗英盡唱串燒失戀歌等,大家可以一路食一路欣賞,齊齊在笑聲中度過情人節。240位單身朋友更會獲得「回禮禮『襪』」,內含神秘編號,可以於婚宴當晚,通過特別方式,認識同時參與了婚宴的他/她,要好好把握機會呀!

冰童 Turn You On 撻著你
破冰環節
麗英盡唱串燒失戀歌
程人富婚禮禁忌棟篤笑

另外也有「小薯茄限定 – 失戀急救包」,內藏不同治癒產品,包括小薯茄限定款「Snapney」一次性菲林相機、幸福御守等,每包更會有一份「神秘額外獎賞」,其中一份是免費台北來回機票! 仲歡迎各位參加者,攜帶一張前度的相片作為人情,讓大家學會好好放下上一段感情。

小薯茄限定 – 失戀急救包
失戀急救包內藏不同治癒產品
小薯茄限定款「Snapney」一次性菲林相機

「單身狗圍爐取暖之夜」詳情

日期|2020年2月14日(星期五)
時間|7時入席
地點|銅鑼灣新新酒家(顯示地圖
人數|約240人
衣著|婚宴裝
人情|前度相片一張

【活動套票選擇】
1. 單身赴會1人門券:港幣600元
2. 二人同行2人門券:優惠價港幣1,111元
3. 單身赴會1人門券+預購「小薯茄限定 – 失戀急救包」:優惠價港幣800元
4. 二人同行2人門券+預購「小薯茄限定 – 失戀急救包」:優惠價港幣1,511元
活動報名連結

最新吃喝玩樂資訊