52歲魏駿傑聞32歲重慶嫩妻偷食有米鬼佬 對張利華死心孤苦湊女

影視娛樂

廣告

早年北上搵食的魏駿傑,曾講過最大得著之一是娶到細他廿年的重慶嫩妻張利華,結婚十一年,嫩妻依然芳華正茂,近年樣貌身材突變 keep 住戰鬥格, 52 歲魏駿傑卻失修發福變中佬。近日更有雜誌影到張利華同老外搭上,喺街上公然又攬又拖又掃背,仲喺的士後座忘情激吻。早已對魏駿傑有嫌隙兼有離心的張利華,其實近年已經把老公與女兒都置之不理,化身無腳彩雀周圍飛,她不時 在社交網晒外遊歎世界的照片,生活多姿多彩如單身。本刊記者早前見魏駿傑與外傭姐姐同心協力照顧 9 歲的 Jessica ,張利華完全絕跡西貢愛巢,可憐魏駿傑變成帶女洪郎,相信已對張利華死心。撰文:東方新地 圖片:新傳媒圖片、微博

魏駿傑32歲重慶妻唔見影感情生活多姿多彩

正所謂識時務者魏駿傑,家有相差廿載不安於室嫩妻,雖多次盛傳婚姻亮紅燈,但他拒絕接受事實。四年前老婆張利華被影到與前港隊單車手鄧宏業在街上表現親密,有指二人暗交 一段時間,而當時張利華已拋下夫女,甚少返家。為留住張利華,魏駿傑用1,600萬買入西貢獨立屋,為妻女打造一個五星級的家,兩年前他在西貢與友人合資搞泰國餐廳,兩公婆更公開上演大龍鳳,魏駿傑仲話自從獨立屋加了老婆名,對方態度唔同晒:「老婆有嚟餐廳幫手,大家都成長咗,華華(張利華)變好咗好多,佢嘅改變好大。不論對我嘅語氣,同對呢頭家嘅投入感。」

女兒Jessica 出世後,魏駿傑與張利華 不時被影到在西貢寓所附近出現,張 利華個樣幾乎次次都係藐嘴藐舌,生 人勿近。
女兒Jessica 出世後,魏駿傑與張利華不時被影到在西貢寓所附近出現,張利華個樣幾乎次次都係藐嘴藐舌,生人勿近。
0
囡囡Jessica 仍在 BB 時期,魏駿傑一家三口都會外遊享受家庭樂,不過近年這個畫面已很少見。
0
早年沉迷踩單車的張利華,曾被影到與前港隊單車手鄧宏業約會,男方更為張利華拎手袋又攬腰,魏駿傑就此事曾公開教訓老婆「開房死梗,注意番自己行為」,不過仍選擇相信對方,而張利華則繼續參與單車聚會。

事實上,張利華也曾修心養性了一段小日子,不過很快又再故態復萌。最近又被雜誌影到和一名老外到灣仔食日本料理撐枱腳,兩人情到濃時又拖手又掃背又攬,之後更不避嫌齊齊去老外新歡的寓所,女方逗留至凌晨才離開。據報道指,張利華最新搭上的老外新歡任職Banker,住在灣仔市值2,000多萬的豪宅。似乎西貢獨立屋都不夠灣仔市中心豪宅吸引。

0
當年以1,600萬買入的西貢獨立屋,現市值已過二千萬。

魏駿傑北上搵錢為頭家 慘被當人肉提款機

知情 者透露:「傑仔(魏駿傑)早年為咗頭家喺大陸狂搵錢,初頭係忽略咗老婆同個女,不過近年佢 都好努力去補救,錢佢大把,老婆要乜佢都盡量去滿足,但當個女人個心已經唔喺度,佢做乜都冇用,傑仔明知段婚姻有問題出現,但唔想去面對,佢繼續個個月畀錢老婆使,好似人肉提 款機咁。張利華依家成日唔黐家,連個女都不聞不問,傑仔將所有時間同心機都畀晒個女,大陸啲生意都上晒軌道又有合夥人睇實,佢減少返大陸工作,想將工作基地移返香港。」

0
近年魏駿傑為湊女長時間留港,雖然身形 足足脹爆咗兩個碼,發福走樣,但他仍不 時放風想在港拍劇,更謂與無綫仍有合 約,希望能演一些從未演過的角色。

早前魏駿傑公開被問及婚姻狀況,當時他仍矢口否認與老婆張利華聚少離多,還表示老婆忙於做其時裝生意,而他亦 不時要返內地工作,所以兩公婆要互相體諒及分工合作,輪流照顧8歲的女兒Jessica,不過事實上與他並肩作戰打理頭家的卻是另有其人。

0
與拍拖多年的滕麗名分手後,魏駿傑08年1月與在 國內認識當時仍是學生的張利華在重慶閃婚,此後張利華來港生活兼生女,生活無憂。

湊女親力親為 留港盼愛妻回歸

不經不覺,魏駿傑的9歲女兒Jessica已讀小學三年級,近年沒有媽媽在身邊,除了爸爸魏駿傑,最親的人就是外傭姐姐。本刊記者曾在魏駿傑位於西貢的獨立屋愛巢等候,發現平日都是魏駿傑車載外傭及女兒返學及放學,在6月7日端午節,外傭姐姐都冇假放,陪住魏駿傑父女外出游龍舟水,每次出入都「一家三口」,而Jessica與外傭姐姐的關係亦非常密切,泊好車後返家短短的幾分鐘路程都要翹到實黐住行。

0
端午節當日(6月7日),魏駿傑帶住囡囡及外傭姐姐返家,公眾假期老婆都係唔見人,外傭姐姐 繼續做魏太替身,似足一家三口去完街。
0
看似游完水頭髮仍濕的Jessica,繼續 拖實外傭姐姐,每行一步都黐到實。
0
當日魏駿傑亦買晒餸返屋企玩煮飯仔。
0
6月9日(星期日),魏駿傑一早親自帶女外出 參加活動,兩父女之後返家,泊好車後魏駿 傑為女兒拿住樂器,慈父樣出晒嚟。

0

0
魏駿傑行返屋企途中突然要折返車中拎嘢,8歲囡囡 Jessica乖乖停低等爸爸,老婆張利華未見現身。

據知情者透露:「老婆唔喺身邊,傑仔又要行開行埋打理生意,所以外傭姐姐變咗佢嘅好幫手,最主要都係陪實同照顧個女,始終屋企有個女人方便啲。不過傑仔亦唔想完全依賴外傭姐姐,佢對個女照顧係非常無微不至,兩父女放假可以全日唔出街,傑仔亦會親手煮飯畀個女食,仲係餐餐唔同餸,一定唔重複。傑仔覺得老婆已經掉低頭家唔理,佢更加唔可以走咗去,盡可能都會日日親自湊女返學同放學,佢仲抱有一絲希望,希望張利華玩夠會返屋企。」

0
這日魏駿傑親自揸車載住外傭去學校接女放學,落車時Jessica扁晒嘴,似乎心情麻麻。
0
之後Jessica主動張 開雙手撲去外傭姐姐度,攬實姐姐撒嬌。
0
老婆張利華離隊享受單身生活,留下餅印女給魏駿傑照顧,父女感情深厚,魏駿傑錫到個女燶。