幸福人妻41歲楊思琦懷胎7個月 譚小環久休復出拍旅遊節目
廣告
早前宣布懷有第二胎嘅楊思琦，將夥拍譚小環、李綺虹、向海嵐共四位香港小姐，破天荒亮相ViuTV主持旅遊節目，大家都係港姐出身，談吐得體又養眼，去嘅地方又係香港人大熱日本韓國，值得期待啊。
撰文、圖片：東方新地
楊思琦懷孕照出trip 同向海嵐潮遊韓國
四位香港小姐，破天荒亮相ViuTV主持旅遊節目，譚小環孖李綺虹遊走日本 東京，而向海嵐就同楊思琦潮遊韓國首爾，進行另類親善訪問。日前四人齊齊著上旗袍及晚裝為節目影造型相，除思琦妹外，其餘三人均出道逾二十年，但樣貌及身材都保持得好好，完全冇走樣，同樣靚爆鏡！
4位港姐難得聚頭 細訴參選趣聞
同屆港姐出身嘅譚小環同李綺虹，相隔廿五年於ViuTV再度碰頭，感覺奇妙！四位港姐卸任後各自經歷不同人生轉變，發展自己嘅家庭及事業，節目中亦會細訴參選時嘅趣聞以及參選後嘅人生點滴。
