30歲陳瀅家境富裕生活無憂 32C緋聞女王終於有劇開

影視娛樂

廣告

萬能key陳瀅好似好耐都唔見人,唔知以為佢已經退出娛樂圈。不過最近終於見到佢現身拍攝現場,新劇仲做埋第二女主角。不過講起陳瀅,大家未必記得佢做過咩角色,但歌詞萬能key就好記得,唔知算好事定壞事呢?

撰文、圖片:東方新地

緋聞女王陳瀅齋玩唔開工轉投邵氏終於有劇拍

年中一半時間傳吓緋聞又澄清吓,另一半時間就係約埋班圈中閨密遊山玩水晒吓水 著,唔知真係以為陳瀅冇工開好得閒㖭!嚴正聲明,陳瀅係有工開嘅!去年開始由無綫轉投邵氏旗下,邵氏其實咪又係無綫,家陣陳瀅就為新劇《伙記辦大事》開緊工。

家境富裕生活無憂 30歲女未定性

身為第二女主角,陳瀅日前去到九龍灣拍外景,現場最主要演員就係佢,拍完一場即浩浩蕩蕩帶住大隊工作人員回到基地變裝換衫,轉個造型又再趕拍下一場。雖然家境富裕唔使憂柴憂米,但話晒都30歲大個女,間唔中都應該要專心做吓嘢平衡生活!

關鍵詞
陳瀅