巨人迷必check九州進撃の巨人展WALL OITA
各位巨人迷，相信今個8月一定令你哋非常之期待！除咗《進擊的巨人》電影版上集會喺香港時間8月13號正式上映，喺日本九州仲有一個大型巨人展覽添！雖然巨人舊年年尾岩岩先喺東京開完展覽，但估唔到短短半年多啲就喺九州大分縣再舉辦多一次展覽！今次揀喺九州大分嘅原因，係因為作者諫山創正正就係當地人。聽講今次展覽唔單止有大量手稿（部份仲係原著未出場嘅新人物）、武器同道具包括超大型巨人模型、超大型巨人模型、兵長把刀、三笠嘅頸巾（最緊要係可以俾入場人士摸）。
同時大會仲加設咗兩個動感影院。第一個係「恐怖體感戲影院」，透過聲音、光影、風同震動嘅效果令入場人士可以感受俾巨人追殺嘅感覺；另一個係「360℃體感影院『哮』」，只要戴住3D眼鏡，就可以化身做調查兵團成員，跟住三笠同阿明一齊親身經歷艾倫巨人化封住Wall.Rose嘅一幕（雞皮起皮！）。
JR大分站出現50米巨人！
搵咗位好「靚仔」嘅巨人做宣傳，日本人真係好重口味。
除咗大分，巨人仲走到九州其他地方破壞！包括別府、熊本城、宮崎縣SunMesse日南、長崎眼鏡橋、佐賀縣吉野ケ里、櫻島同福岡塔！
進擊的巨人展－Wall Oita
展期：2015年8月1至8月30
地點：大分縣立美術館 OPAM 1樓展示室A
交通：JR大分站下車徒步15分鐘
時間：星期日至四 10：00～19：00，星期五及星期六 10：00～20：00
網站：http://www.tostv.jp/kyojinten/
其實去得九州，點可以唔去埋福岡Shopping同食拉麵？依家只要一卡在手，就可以用低至5折嘅價錢住福岡嘅靚酒店，咁shopping就唔使再慳住慳住，夜晚又可以訓得舒服啦。即刻入嚟揀你心水嘅酒店：http://zh.hotels.com/hotel-deals/japan-hkscbzh/?rffrid=mdp.HCOM.HK.240.000.11
溫馨提示，巨人展嘅下一站會移師到大阪，日期係9月11至10月18。以上5折酒店優惠仲包括埋大阪嘅酒店，巨人迷如果錯過今次大分展都唔緊要，即刻開始plan定大阪展啦！
網上成功申請指定渣打信用卡，即有機會贏取HK$5,000旅遊禮券，仲連飛福岡大阪嘅機票錢都慳返！
立即申請
