鄧麗欣台北創業開奶蓋飲品店  中山誠品「一口吖吖」 推限定Snoopy特飲
鄧麗欣台北創業開奶蓋飲品店  中山誠品「一口吖吖」 推限定Snoopy特飲

鄧麗欣台北創業開奶蓋飲品店 中山誠品「一口吖吖」 推限定Snoopy特飲

第一次搞飲品生意,36歲的Stephy唔揀香港揀在台灣經營,有說「為了更方便親近30歲台灣男友王子(邱勝翊)」,Stephy去年10月在台北信義區開設的飲品旗艦店「一口吖吖」(又叫做1011 • Sip Tea),當時旗艦店舖面積僅數百呎,而且不設座位,不過,食住知名度,飲品價錢就不算便宜,由於位處商業區,假期幾乎冇生意,經營一年不停蝕錢,今年11月,旗艦店已經結業撤離豪宅區,轉到中山區誠品內的foodcourt經營⋯⋯

圖文:東方新地

36歲鄧麗欣(Stephy) 去年首度投資搞飲品生意,專登揀在男友地頭台北開業,在信義區開設首間飲品旗艦店「一口吖吖」,躊躇滿志做飲品天后,更揚言希望分店開遍全台灣,可惜一年下來,飲品店生意不似預期,個個月蝕錢,為求止蝕,信義區旗艦店上月已關門大吉,不過,Stephy唔想放棄,寧願大舖搬細舖慳租金,為黐男友蝕住做!

為名正言順多到台灣見男友, 去年十月 Stephy在台北投資開 設飲品店,新店開張日,更專登飛台舉行開幕禮,為生意大肆宣傳。

貴租搞生意觸礁 撤離豪宅區

不過,生意投資一年不但歸唔到本,更長期蝕錢,上月旗艦店更難頂貴租結業。據知情者透露:「旗艦店開喺商業區嘅地舖,周六同周日幾乎冇生意,台灣手搖飲品業向來競爭大,Stephy飲品嘅價錢唔平又冇乜大特色,平日生意都係麻麻,差不多個個月都蝕錢,為咗唔想長遠蝕落去,間舖上月已經停業。

轉移陣地到中山區 聖誕推Snoopy限定特飲

不過,Stephy認為之前蝕錢可能揀錯地方,依家改咗去中山區誠品生活南西店入面嘅foodcourt繼續做,嗰度舖租平一大截,人流又多啲,聖誕節更加有「1011SipTea X SNOOPY」限定飲品,友人表示:「Stephy始終唔想放棄呢盤生意,佢希望守多一年再睇吓反應先!」

去年10月在台北信義區開設的飲品旗艦店,店舖面積僅數百呎,而且不設座位。

一口吖吖《1011 SIP TEA 誠品生活南西店》

前往:捷運中山站1號出口
地址:台北市中山區南京西路14號1樓
電話:0983-171-101

飲品店今年聖誕推出「Snoopy棉花糖特調」
官網介紹:「可愛的史努比棉花糖要保持軟綿綿, 就像做麵包一樣, 每天人手新鮮即製, 才是最香、最軟的」

最新吃喝玩樂資訊