領養 不棄養 20隻貓貓等住你【葵芳有乜玩】

香港好去處

廣告

相信各位貓奴都有去過貓Café,今次呢間周末限定嘅非一般「寵貓咪‧愛 領養 Café」,雖然冇得飲飲食食,但係就有20隻待領貓暫任貓店長同店員,大家仲可以即場申請 領養 添。各位貓奴,保衛喵星人嘅任務就交畀你喇!

今次嘅 領養 貓Café係由新都會廣場特同香港群貓會合辦,駐場嘅貓貓年齡介乎4個月至6歲,全部都係待領貓。現場唔算太大,不過設有唔同嘅貓玩具,可以同貓貓互動,仲可以同現場工作人員索取貓小食,親手餵貓。

每一隻待領貓都有唔同故事,佢哋嘅經歷隨時仲多過我哋。曾經有義工喺餵流浪貓嘅時候,有一日發現其中一隻貓貓突然冇咗一隻手,所以就決定將佢送去群貓會,幫佢處理傷口,最後就成為咗其中一隻待領貓,而佢就係花無缺喇。

義工話,無缺好快就適應咗三腳生活,而且心理同生理都復原得好快,正因為佢咁堅強,所以更加想為佢搵住好人家,因為佢值得擁有更好嘅生活。

不過就算大家有愛心,都唔係話想 領養 就可以 領養 。為咗確保貓貓日後可以得到一個穩定又舒適嘅屋企,群貓會喺登記之後,會去有意 領養 人士屋企做家訪,了解吓點解想 領養 ,覺得適合之後先可以辦理 領養 手續。雖然手續唔簡單,不過都係為咗保障貓貓日後嘅生活,你明嘅!每次 領養 ,無論貓貓打咗針未,都會一律收取$500 領養 費。

現場仲有貓咪速繪坊,貓奴們可以帶埋主人嘅相嚟到,義工插畫家就會為貓貓速畫肖像,畫喺畫紙又得($80),畫喺帆布袋上亦得($250),而速繪坊所得嘅一半收益會捐畀香港群貓會作營運用途。

今次畫嘅發仔亦都係待領貓之一,佢喺成為待領貓之前,喺街頭成日過住「打仔生活」,搞到周身傷,甚至仲畀人用滾水淋過。好彩有好心人幫助,令佢成為待領貓,有機會得到適當照顧。義工講笑咁話,因為經過街頭訓練,發仔係群貓會入面嘅「散打王」,不過放心,佢而家係絕對唔會亂咁出手。

貓咪速繪

日期 :2015年8月15及22日
時間 ︰下午3時至下午5時

 

Cafe內亦有「群貓賣物部落」,寄賣唔同嘅貓咪物品,包括貓玩具、清潔用品、貓小食同埋自家製寵物食用曲奇等等。

新都會廣場「寵貓咪‧愛領養Café

日期:2015年8月15、16及22日
時間:12:00 – 18:20 (每節20分鐘,共17節,每節名額16人)
地點:葵芳新都會廣場3樓天晶館
入場:免費(需憑籌入場),每日11:30am、1pm及3pm派籌

 

商場同期亦有「癲噹x文地貓激玩嘉年華」,設置三大玩樂景點,包括3米高環球飛車裝置、好玩獻禮遊戲專區及潮流美食車等,等大家可以過一個被貓包圍住嘅夏天。

新都會廣場「癲噹x文地貓激玩嘉年華」

日期:即日至8月30日
時間:10:30 – 22:00
地點:新都會廣場3樓天晶館

 

延伸閱讀

【工廈食玩王】 觀塘 成業街 !玩味呃Like滋味行!
【掃街王】 西環 友回憶!地膽推介美食