鋸扒三部曲 即磅即烤 鐵板和牛 【上環】

好掛住在日本食的和牛？可以試下這間新開的扒店，店主 Kenny 早前跟朋友到新宿旅遊，見有餐廳供應自選形式扒房，客人可在牛扒櫃前選牛部分及重量，覺得這方法客人可以自己話事概念超好，便在香港實行。話明自選，客人一進入舖頭，不同牛肉便可在開放廚房內一目了然，選好自己心水及重量後 (最低消費200g)，到收銀處付款，廚師即磅即烤，在特製火山石爐上即燒，正宗 鐵板和牛 ，之後可搵位坐低或立食。現時牛肉有五款，包括 A4佐賀和牛及美國安格斯，肉眼扒或西冷部位都有，較平的則有新西蘭牛柳，之後將新增羊肉或豬肉。訂價跟坊間相差不遠，但勝在重量自己揀，鋸塊200g 佐賀和牛四百元有找。至於調味、醬汁，更大方地放在桌上任客人落，柚子味噌、忌廉芥末、蘋果洋葱汁及雜果黑醋等各適其適，但計我話，鋸扒都係原汁原味好。