THE SOUTHSIDE「Dazzling Christmas」10米高星光聖誕樹＋7大聖誕打卡位｜為摯愛準備窩心聖誕禮物
中庭10米高星光聖誕樹 7大場景
一踏入THE SOUTHSIDE LG中庭，就會被約10米高嘅巨型星光聖誕樹吸引住！樹上掛滿近6,000顆閃耀聖誕裝飾，層層光影交織，散發住濃厚且溫暖嘅節日氣息。樹底更設置7大主題打卡場景，每個角落都經過精心設計，有寫上祝語嘅聖誕裝飾、串連幸福氣息嘅金色鋁箔氣球，俾你輕鬆影出動人靚相，紀錄共享的暖心時刻！
精選聖誕禮物 為摯愛挑選窩心驚喜
感受完節日氣氛，當然唔少得為摯愛親朋準備聖誕禮物！THE SOUTHSIDE 有多間特色商店，助你輕鬆揀到心水禮物，傳遞心底嘅愛意同祝福。
F.a.d
韓國人氣街頭品牌 F.a.d全球首間海外專門店將於12月17日獨家登陸THE SOUTHSIDE! F.a.d 風格融合現代隨心即興主義同復古玩味，設計易於配襯又充滿年輕氣息。想為伴侶或自己添置冬日新裝，可以考慮黑色復古Leather Half Coat，皮革經自然水洗處理，版型偏修身；另外採用純素皮革製成嘅Leather Bag觸感柔軟輕盈，仲有silver, brown及black三色選擇都係唔錯嘅送禮之選。
位置: THE SOUTHSIDE 108, L1
LOUDER
想一次過睇勻唔同類型嘅禮物，就可以去LOUDER嘅精選聖誕禮物專區尋寶，發掘更多送禮靈感。LOUDER雲集接近三百個本地原創品牌，過千款特色設計精品和美食，當中還有多個本地社企和環保品牌，用嚟做聖誕禮物又有心意，又可以支持本地社企，非常有意義。
位置: THE SOUTHSIDE 136, L1
Kanine
各位貓奴狗奴注意！全新寵物時尚用品店Kanine已經進駐THE SOUTHSIDE，為你同毛孩帶嚟全新時尚體驗。為慶祝開業，THE SOUTHSIDE分店推出獨家聖誕優惠，所有DC《超級寵物聯盟》產品享有50%折扣，買3件或以上，仲有額外20%折扣！例如同時購買束帶、牽引繩同垃圾袋，只需$208，快啲帶主子去掃貨啦！
位置: THE SOUTHSIDE LG28, LG
Ignite Candle
香氛蠟燭絕對係聖誕交換禮物嘅熱門之選！Ignite Candle推出嘅倒數月曆，包含多款精緻香氣，等你可以每日打開一個小驚喜，為家居增添溫馨暖意，送禮自用都咁適合。
位置: THE SOUTHSIDE F3-A, L3
Logaloga
全新登場嘅療癒系毛絨玩具店Logaloga ，店內滿載可愛嘅毛絨公仔，每一件都充滿超萌感，係超治癒嘅聖誕選擇。而家凡消費滿3件商品，即可免費獲得精緻節日復古禮盒包裝服務，將心意層層包裹得美美的；仲可以即場參與DIY，親手用可愛印章製作疊印聖誕卡，一張張親自蓋章嘅溫暖祝福，保證收到嘅人即刻被療癒！
位置: THE SOUTHSIDE G-D, G/F
LIFETASTIC
人氣健康甜品品牌 LIFETASTIC 首度聯乘本地 bean-to-bar 精品朱古力品牌 Conspiracy Chocolate，以「Layers of Joy」為主題，推出限定三大聖誕蛋糕，推介全新 LIFETASTIC X Conspiracy 聖誕朱古力核桃蛋糕，餡料豐富，味道豐富又平衡。今次聯乘特別推出 PETISSERIE 寵物友善限定版，例如「聖誕朱古力核桃小蛋糕（狗狗/貓貓版），等毛孩都可以品嚐「安全配方甜點」一同慶祝。另外，仲有超精美送禮系列：音樂盒雜錦牛油曲奇禮罐、限量版手工朱古力禮盒，仲有聖誕蛋糕禮券套裝，交換禮物啱晒！
位置：THE SOUTHSIDE G47, G/F
戶外8米高光影聖誕樹 點亮冬日聚會
順帶一提，如果你想打卡影靚相，一定要去LG露天廣場，嗰到有一棵8米高嘅戶外光影聖誕樹，以經典節日紅綠色為主調，結合動態LED動畫同燈光設計，帶嚟溫馨嘅視覺享受。聖誕老人同雪人仲會喺動畫中現身，同大家傳遞窩心祝福，為你嘅冬日聚會添上暖意。場內大屏幕仲引入 3D 裸視動畫技術，聖誕老人會駕駛紅色型格跑車，由屏幕中奔馳而出，視覺效果超震撼，點亮與親友相聚嘅溫馨時光！
THE SOUTHSIDE「Dazzling Christmas」主題裝置
日期：即日至2026年1月4日
地點：THE SOUTHSIDE LG中庭及LG露天廣場
THE SOUTHSIDE
地址：黃竹坑香葉道11號
電話號碼： 2575 9038
