PMQ工作坊放題第2擊 限定2星期!一張飛玩盡12個workshop 任整皮革+手繪手提包+香薰石+藍曬體驗
PMQ工作坊放題第2擊 限定2星期!一張飛玩盡12個workshop 任整皮革+手繪手提包+香薰石+藍曬體驗

PMQ工作坊放題第2擊 限定2星期!一張飛玩盡12個workshop 任整皮革+手繪手提包+香薰石+藍曬體驗

近年愈嚟愈多種類嘅工作坊,整完之後送禮又得自用亦得!但貪心嘅人類點會滿足於每次整得一樣嘢?上次PMQ元創方首次舉行工作坊放題,反應相當熱烈,所以今個11月載譽回歸,連續兩個星期五及周末都有得玩,一張票嘅價錢就可以玩足多達12個workshop,今次仲升級增設「DIY自助Gift Wrapping專區」,大會將會提供設計禮物袋嘅材料,整完手作可以即場包成禮物送比最愛,上次買唔到飛嘅朋友千祈唔好錯過!

撰文:Icy |圖片來源:新假期編輯部

PMQ工作坊放題 限定2星期!$490任整皮革+手繪手提包+香薰石+藍曬體驗

平時出去上workshop就上得多,但你又有無試過放題式咁上workshop呢?PMQ繼上次舉辨工作坊放題反應熱烈,再度聯同12個香港創意品牌喺11月12至14號及19至21號舉行「Creative Workshop Fest @ PMQ 」,每人只需要買一張門票,就可以於自選時段內任玩多達12個工作坊,每個workshop大約20至45分鐘不等,有得大玩藍曬、整皮革手機袋、香薰石、DIY飾物及押花飾物盒等,一張飛都夠時間玩成4個workshop,除返開每個$100都唔使!記者玩咗半日,已經滿載而歸,CP值超高!

1. 藍矖工作坊|YEUNG CHIN

藍曬工作坊可以試玩19世紀用於相片映像嘅藍曬技術,體驗用藍矖印刷嘅獨特效果去造一塊獨一無二嘅紙扇!

PMQ工作坊放題 平均一個workshop 限定3日!水晶乾花皂+創意飾物+香薰石+藍曬|香港好去處(新假期APP限定)
藍曬工作坊有兩位導師駐場。(圖片來源:新假期編輯部)
(圖片來源:新假期編輯部)
記者就非常滿意自己整嘅呢把扇!(圖片來源:新假期編輯部)

2. 山系編織工作坊|Blind by JW

呢幾年愈嚟愈多人機不離身,2000年代最興嘅手機繩通通都重出江湖!但用手機繩又好似好outdated,咁呢個workshop整嘅皮革手機袋就啱晒你!工作坊提供皮革原料加上各式五金配件,參加者可親手為自己編織山系皮革小物, 自行搭配不同顏色嘅皮革及五金配件,製作出自己嘅山系風格,Yama girl我嚟啦!

(圖片來源:新)
導師有一份預設嘅顏色配搭提供比參加者參考,有趣之處係原來配色係由16型人格作為靈感。(圖片來源:新假期編輯部)
(圖片來源:新假期編輯部)
記者整咗呢個pastel色手機袋,已經急不及待想要拎出街威吓!大家又覺得我襯得靚唔靚呢?(圖片來源:新假期編輯部)

3. 迷你手提包繪畫工作坊|CECILIA MA

女生5大出街必備之選,手袋一定榜上有名!呢個迷你手提包繪畫工作坊由設計師親授手繪技巧,就算你平時畫開火柴人,今次都可以親手繪畫出充滿個人風格嘅圖案喺手袋上面,仲有不同顏色及袋形任你揀,實用之餘仲可以多樣Fashion item襯衫!

(圖片來源:新假期編輯部)
迷你手提包繪畫工作坊都好受小朋友歡迎,睇嚟任何人都無法抵抗「包包」嘅誘惑!(圖片來源:新假期編輯部)
(圖片來源:新假期編輯部)
參加者除咗可以跟據設計師過往嘅去畫手袋,亦可以天馬行空自已發揮。(圖片來源:新假期編輯部)
(圖片來源:新假期編輯部)
Designer仲會幫每個參加者同佢嘅袋仔留影,之後再單獨whatsapp send返比你,呢個舉動真係好貼心啊。(圖片來源:新假期編輯部)

4. 雙層香薰石工作坊|rCube

香港住喺都市生活節奏急促,隨意都需要香氣去放鬆身心。呢個工作坊會教導參加者製作雙層水泥香薰石,整完之後只要喺石頂加上精油,就可以成為隨身療癒小物,記者就咁整完個香薰石都已經覺得非常療癒,好香啊~

(圖片來源:新假期編輯部)
rCube平時都有舉辦唔同產品嘅workshop,水彩風格嘅pattern都相當吸引。(圖片來源:新假期編輯部)
(圖片來源:新假期編輯部)
大家好專心聽導師講解~(圖片來源:新假期編輯部)
(圖片來源:新假期編輯部)
記者整完呢個香薰石就即刻諗起一樣嘢,係抹茶牛奶啊!(圖片來源:新假期編輯部)

5. 幾何飾物創意工作坊|FANcessories

工作坊會教大家用幾何拼貼技巧創作出有自己風格嘅耳環,因為每個workshop時間未必可以太長,所以今次導師就揀咗花嚟做主題,慳返大家費盡腦汁諗idea嘅時間,仲提供好多唔同顏色嘅花瓣俾大家揀,非常kawaii呢~記者以為會得女仔整,點知好多男朋友仔都陪女朋友整埋一份,好sweet啊!

(圖片來源:新假期編輯部)
亞克力花花飾物工作坊。(圖片來源:新假期編輯部)
PMQ工作坊放題平均一個workshop 限定3日! 水晶乾花皂+創意飾物+香薰石+藍曬|香港好去處(新假期APP限定)
話就話淨係可以整花形嘅耳環,但估唔到原來都咁多種類嘅素材可以任君選擇,睇到記者都眼花繚亂!(圖片來源:新假期編輯部)

6. 押花飾物盒工作坊|HAK

工作坊會教授參加者製作水晶押花首飾盒,參加者可以根據自己偏好,加上具唔同意義價值嘅英文字首,最後就可以將呢個獨一無二嘅首飾盒帶返屋企,儲存飾物同時更可以喚起過往美好嘅回憶~

押花飾物盒工作坊。(圖片來源:PMQ授權圖片)
押花飾物盒工作坊。(圖片來源:PMQ授權圖片)
加入自己嘅英文名係飾物盒上,咁就一定唔會整唔見啦!(圖片來源:PMQ授權圖片)
加入自己嘅英文名係飾物盒上,咁就一定唔會整唔見啦!(圖片來源:PMQ授權圖片)

7. 創意熱縮飾物工作坊|Isatisse

工作坊會教授參加者整出色彩繽紛嘅熱縮胸針,無論大人定小朋友,都可以盡情發揮繪畫創意,小朋友仲可以係過程入面了解熱縮膠有趣嘅運作原理,好似上咗堂科學課咁,非常有趣。

(圖片來源:新假期編輯部)
創意熱縮飾物工作坊。(圖片來源:新假期編輯部)
(圖片來源:新假期編輯部)
無論大人定小朋友都可以發揮繪畫創意,盡情畫出想要嘅圖案。(圖片來源:PMQ授權圖片)

8.升級牛工作坊|Phenotypsetter

相信每個人屋企衣櫃都有一條被遺忘嘅牛仔褲,其實牛仔布除咗褲之外仲可以造好多唔同嘅單品。參加者即使無時裝設計嘅經驗,都可以喺導師指導下做出獨一無二嘅流蘇圍巾!

(圖片來源:新假期編輯部)
就算無任何fashion sense都可以整出流蘇圍巾。(圖片來源:新假期編輯部)
天氣入冬,整返條自家流蘇圍巾就啱晒喇~(圖片來源:PMQ授權圖片)
天氣入冬,整返條自家流蘇圍巾就啱晒喇~(圖片來源:PMQ授權圖片)
有導師教導,手殘都無有怕!(圖片來源:PMQ授權圖片)
有導師教導,手殘都無有怕!(圖片來源:PMQ授權圖片)

9. 金箔工藝畫冊工作坊|513 PAINT SHOP

金箔工藝普遍都會有種好舊式嘅感覺,今次工作坊要打破大眾對金箔舊有嘅觀念,其實金箔都可以有文青嘅一面!參加者可以親手製作獨有嘅金箔字句畫冊,又靚又實用,啱晒鍾意DIY嘅你!

(圖片來源:新假期編輯部)
金箔工藝畫冊工作坊。(圖片來源:新假期編輯部)
金箔都可以有文青嘅一面!(圖片來源:PMQ授權圖片)
金箔都可以有文青嘅一面!(圖片來源:PMQ授權圖片)

10. 立體成型小袋工作坊|POMCH

全港獨有PVC立體成型工作坊,參加者可以將實體物件用真空吸塑,將其外型壓於袋上,製成獨一無二嘅隨身袋仔,外形夠晒獨特之餘睇落仲非常有質感!

(圖片來源:新假期編輯部)
成部機器都搬咗過嚟會場,淨係呢樣野已經都好吸引!(圖片來源:新假期編輯部)
工作坊會提供唔同嘅小型公仔俾大家印於袋上。(圖片來源:新假期編輯部)
工作坊會提供唔同嘅小型公仔俾大家印於袋上。(圖片來源:新假期編輯部)
(圖片來源:新假期編輯部)
平時送禮物比男女朋友都諗到r爆頭,呢個立體成型小袋咁夠creative,另一半一定唔會再詐型!(圖片來源:新假期編輯部)
(圖片來源:新假期編輯部)
外形真係超特別,出街一定唔會同人撞!(圖片來源:新假期編輯部)

11. 眼鏡飾品工作坊|Absolute Vintage Eyewear

參加者會係導師指導下,利用皮革五金配件親手造眼鏡袋,即使唔係用嚟放眼鏡,都可以當作隨身小物袋,非常實用。

眼鏡飾品工作坊。(圖片來源:PMQ授權圖片)
眼鏡飾品工作坊。(圖片來源:PMQ授權圖片)
用作小物袋都好實用。(圖片來源:PMQ授權圖片)
用作小物袋都好實用。(圖片來源:PMQ授權圖片)

12. 黃銅牌敲鑿圖案工作坊|Obellery Workshop

工作坊會教導參加者唔同嘅刻鑿技巧,大家可以自行設計發揮,將心愛嘅符號刻鑿於銅牌上,仲可以自已後期加工做墜飾!

黃銅牌敲鑿圖案工作坊。(圖片來源:PMQ授權圖片)
黃銅牌敲鑿圖案工作坊。(圖片來源:PMQ授權圖片)
參加者可以自行發揮無窮小宇宙,刻鑿出心愛嘅符號。(圖片來源:PMQ授權圖片)
參加者可以自行發揮無窮小宇宙,刻鑿出心愛嘅符號。(圖片來源:PMQ授權圖片)

DIY自助Gift Wrapping專區 設計獨一無二禮物袋

大會今次更貼心增設「DIY自助Gift Wrapping專區」,參加者可以運用大會提供的包裝用材料,設計獨一無二的禮物袋,送禮自用皆宜。仲可以當埋做Tote Bag,整完咁多樣手作產品後就可以即場放入袋,就唔洗咁狼狽兩隻手拎住返屋企,非常實用!

自助gift wrapping專區備有各式各樣嘅創意物料, 參加者可以盡情創作,大展喺工作坊學成嘅手藝!(圖片來源:PMQ授權圖片)
自助gift wrapping專區備有各式各樣嘅創意物料, 參加者可以盡情創作,大展喺工作坊學成嘅手藝!(圖片來源:PMQ授權圖片)
獨一無二嘅DIY tote bag有著個人風格, 既「有姿勢,亦有實際」。(圖片來源:PMQ授權圖片)
獨一無二嘅DIY tote bag有著個人風格, 既「有姿勢,亦有實際」。(圖片來源:PMQ授權圖片)
自助專區提供唔同物料,可以「一次過滿足你三個願望」!(圖片來源:PMQ授權圖片)
自助專區提供唔同物料,可以「一次過滿足你三個願望」!(圖片來源:PMQ授權圖片)
參加者可以將tote bag變成畫布,發揮繪畫天分,出街一定唔會同人撞。(圖片來源:PMQ授權圖片)
參加者可以將tote bag變成畫布,發揮繪畫天分,出街一定唔會同人撞。(圖片來源:PMQ授權圖片)

《Creative Workshop Fest @PMQ | Touch of Love》

日期:2021年11月12至14日、11月19至21日

時間:(第一節)1:00-3:30pm、(第二節)4:00-6:30pm

地址:香港中環鴨巴甸街35號

地點:(11月12至14日)PMQ 元創方SG03 – SG07室 ,(11月19至21日)H506 – H507室

費用:$490/一個時段
售票網址:按此 (名額先到先到,售完即止)

 

常見問題

問:一張門票價錢多少?

答:$490/一個時段。

問:每個時段可以玩多久?

答:2.5小時。

問:一張門票可以玩多少個workshop?

答:大約4個。

最新吃喝玩樂資訊