PMQ工作坊聖誕放題!一張飛玩轉10個workshop 任整皮革AirPod套+迷你手袋+押花飾物盒
PMQ工作坊聖誕放題!一張飛玩轉10個workshop 任整皮革AirPod套+迷你手袋+押花飾物盒

PMQ工作坊聖誕放題!一張飛玩轉10個workshop 任整皮革AirPod套+迷你手袋+押花飾物盒

香港好去處

PMQ工作坊|聖誕節預備好送咩禮物未呢?仲未嘅話呢個PMQ聖誕工作坊放題就啱晒你!PMQ元創方上兩次舉行工作坊放題反應都相當熱烈,今次再度回歸以聖誕精靈為主題,一張票嘅價錢就可於2.5小時內玩多達10個workshop,動手整聖誕佈置小物及配件裝飾,大會仲有Dress Code活動,千祈唔好錯過!

撰文:Icy |圖片來源:新假期編輯部、PMQ授權圖片

PMQ工作坊放題 聖誕限定主題!
一張飛玩轉10個workshop 任整AirPod套+迷你手袋+押花飾物盒

PMQ繼上兩次舉辨工作坊放題反應熱烈,適逢聖誕節再聯同10個香港創意品牌喺12月17至19日舉行「聖誕精靈派對工作坊 」,只需要一張門票就可於時段內任玩多達10個工作坊,每個workshop大約20至45分鐘不等,有得大玩皮革、DIY手袋、飾物及押花飾物盒等,一張飛都夠時間玩成4個workshop,除返開每個$100都唔使!

1. 山系編織AirPod case工作坊|Blind by JW

呢幾年愈嚟愈多人AirPod不離身,出街必定要聽歌,呢個workshop整嘅AirPod皮革case就啱晒你!工作坊提供皮革原料加上各式五金配件,參加者可親手為自己編織出山系AirPod皮革case,Yama girl我嚟啦!

山系編織AirPod case工作坊。(圖片來源:PMQ授權圖片)
山系編織AirPod case工作坊。(圖片來源:PMQ授權圖片)
耳機仲緊要過條命仔嘅你,梗係要有返個case保護住個AirPod啦!(圖片來源:PMQ授權圖片)
耳機仲緊要過條命仔嘅你,梗係要有返個case保護住個AirPod啦!(圖片來源:PMQ授權圖片)

2. 迷你手袋工作坊|CECILIA MA

女生5大出街必備之選,手袋一定榜上有名!迷你手袋工作坊由設計師親授手繪技巧,就算平時畫開火柴人都可以親手繪畫出充滿個人風格嘅圖案,仲有不同顏色及袋形任你揀,出街就唔會輕易撞款,實用之餘仲可以多樣Fashion item襯衫!

迷你手袋工作坊。(圖片來源:PMQ授權圖片)
迷你手袋工作坊。(圖片來源:PMQ授權圖片)
由設計師親授手繪技巧,手殘都無有怕!(圖片來源:PMQ授權圖片)
由設計師親授手繪技巧,手殘都無有怕!(圖片來源:PMQ授權圖片)
(圖片來源:新假期編輯部)
迷你手提包繪畫工作坊都好受小朋友歡迎,睇嚟任何人都無法抵抗「包包」嘅誘惑!(圖片來源:新假期編輯部)
(圖片來源:新假期編輯部)
參加者除咗可以跟據設計師過往嘅去畫手袋,亦可以天馬行空自已發揮。(圖片來源:新假期編輯部)
(圖片來源:新假期編輯部)
Designer仲會幫每個參加者同佢嘅袋仔留影,之後再單獨whatsapp send返比你,呢個舉動真係好貼心啊。(圖片來源:新假期編輯部)

3. 押花飾物盒工作坊|HAK

工作坊會教授參加者製作水晶押花首飾盒,參加者可以根據自己偏好,加上具唔同意義價值嘅英文字首,配以金箔點綴,最後就可以將獨一無二嘅首飾盒帶返屋企,儲存飾物同時更可以喚起過往美好嘅回憶~

押花飾物盒工作坊。(圖片來源:PMQ授權圖片)
押花飾物盒工作坊。(圖片來源:PMQ授權圖片)
加入自己嘅英文名係飾物盒上,咁就一定唔會整唔見啦!(圖片來源:PMQ授權圖片)
加入自己嘅英文名係飾物盒上,咁就一定唔會整唔見啦!(圖片來源:PMQ授權圖片)

4. 升級牛工作坊|Phenotypsetter

相信每個人屋企衣櫃都有一條被遺忘嘅牛仔褲,其實牛仔布除咗褲之外仲可以造好多唔同嘅單品。參加者即使無時裝設計嘅經驗,都可以喺導師指導下做出獨一無二嘅時尚圍巾!

升級牛工作坊。(圖片來源:PMQ授權圖片)
升級牛工作坊。(圖片來源:PMQ授權圖片)
(圖片來源:新假期編輯部)
就算無任何fashion sense都可以整出圍巾。(圖片來源:新假期編輯部)
有導師教導,手殘都無有怕!(圖片來源:PMQ授權圖片)
有導師教導,手殘都無有怕!(圖片來源:PMQ授權圖片)

5. 金箔工藝杯墊工作坊|513 PAINT SHOP

金箔工藝普遍都會有種好舊式嘅感覺,今次工作坊要打破大眾對金箔舊有嘅觀念,以家居做主題,用指導大家利用環保油漆親手製作獨有嘅金箔字句杯墊,啱晒鍾意DIY嘅你!

金箔工藝杯墊工作坊(圖片來源:PMQ授權圖片)
金箔工藝杯墊工作坊(圖片來源:PMQ授權圖片)
自畫杯墊又靚又實用!(圖片來源:PMQ授權圖片)
自畫杯墊又靚又實用!(圖片來源:PMQ授權圖片)
金箔都可以有文青嘅一面!(圖片來源:PMQ授權圖片)
金箔都可以有文青嘅一面!(圖片來源:PMQ授權圖片)

6. 立體成型小袋工作坊|POMCH

全港獨有PVC立體成型工作坊,參加者可以自由組合字體或物件嘅外型,再以真空吸塑,將其外型壓於袋上,製成獨一無二嘅隨身袋仔,成品夠晒獨特之餘睇落仲好有質感,加上非常實用,可用嚟放置卡片或零錢等!

參加者可用聖誕風格小物去做主題,節日拎出街超吸睛!(圖片來源:PMQ授權圖片)
參加者可用聖誕風格小物去做主題,節日拎出街超吸睛!(圖片來源:PMQ授權圖片)
(圖片來源:新假期編輯部)
成部機器都搬咗過嚟會場,淨係呢樣野已經都好吸引!(圖片來源:新假期編輯部)
工作坊會提供唔同嘅小型公仔俾大家印於袋上。(圖片來源:新假期編輯部)
工作坊亦會提供唔同嘅小型公仔俾大家印於袋上。(圖片來源:新假期編輯部)
平時送禮物比男女朋友都諗到r爆頭,呢個立體成型小袋咁夠creative,另一半一定唔會再詐型!(圖片來源:PMQ授權圖片)
平時送禮物比男女朋友都諗到r爆頭,呢個立體成型小袋咁夠creative,另一半一定唔會再詐型!(圖片來源:PMQ授權圖片)

7. 眼鏡飾品工作坊|Absolute Vintage Eyewear

參加者會係導師指導下,製作有聖誕氣氛又不失型格嘅眼鏡飾品,即使唔係用嚟放眼鏡,都可以當作隨身小物袋,非常實用!

眼鏡飾品工作坊。(圖片來源:PMQ授權圖片)
眼鏡飾品工作坊。(圖片來源:PMQ授權圖片)
整咩色都得。(圖片來源:PMQ授權圖片)
整咩色都得。(圖片來源:PMQ授權圖片)
用作小物袋都好實用。(圖片來源:PMQ授權圖片)
用作小物袋都好實用。(圖片來源:PMQ授權圖片)

8. 黃銅聖誕掛飾工作坊|Obellery Workshop

工作坊會教導參加者唔同嘅刻鑿技巧,大家可以自行發揮創意及想像力,將提供嘅聖誕樹黃銅飾牌變成手繩或鑰匙扣,拎出街絕對可以大增節日氣氛!

黃銅聖誕掛飾工作坊(圖片來源:PMQ授權圖片)
黃銅聖誕掛飾工作坊(圖片來源:PMQ授權圖片)
參加者可以自行發揮無窮小宇宙,將提供嘅聖誕樹黃銅飾牌變成手繩或鑰匙扣。(圖片來源:PMQ授權圖片)
參加者可以自行發揮無窮小宇宙,將提供嘅聖誕樹黃銅飾牌變成手繩或鑰匙扣。(圖片來源:PMQ授權圖片)

9. 羊毛氈聖誕老人工作坊|A studio

工作坊會教導參加者以零浪費、全天然、可持續嘅羊毛氈去製作聖誕老人掛飾,過程完全唔需要使用針錐,只用羊毛、肥皂及熱水,就算小朋友都可以輕鬆上手!

羊毛氈聖誕老人工作坊。(圖片來源:PMQ授權圖片)
羊毛氈聖誕老人工作坊。(圖片來源:PMQ授權圖片)
小朋友都可以輕鬆上手!(圖片來源:PMQ授權圖片)
小朋友都可以輕鬆上手!(圖片來源:PMQ授權圖片)

10. 薑餅人製作工作坊|FABcessories

薑餅人可以話係聖誕節最重要嘅角色之一!工作坊會提供參加者唔同模版幫薑餅人造衫,亦有唔同物料例如絨布、毛毛球、鈕扣、亞克力配件及顏料,添置新裝之餘可以創作出屬於自己風格嘅薑餅人!

薑餅人製作工作坊,好可愛呀!(圖片來源:PMQ授權圖片)
薑餅人製作工作坊,好可愛呀!(圖片來源:PMQ授權圖片)

大搞創意Dress Code賀聖誕

今次更特設Dress Codo活動,參加者可以配合聖誕主題去cosplay紅色及綠色嘅裝扮,將有機會贏得「最佳演繹大獎」及驚喜禮品,自問玩得嘅朋友就記得花心思盛裝出席!

參與聖誕Dress Codo活動有機會贏大獎!(圖片來源:PMQ授權圖片)
參與聖誕Dress Codo活動有機會贏大獎!(圖片來源:PMQ授權圖片)

《Creative Workshop Fest @PMQ |聖誕精靈派對工作坊》

日期:2021年12月17至19日

時間:
2021年12月17日(第一節)4:00-6:30pm、(第二節)7:00-9:30pm
2021年12月18至19日(第一節)1:00-3:30pm、(第二節)4:00-6:30pm

地址:香港中環鴨巴甸街35號

地點:PMQ元創方Marketplace地面廣場

費用:$490/一個時段
售票網址:按此 (名額先到先到,售完即止)

常見問題
問:一張門票價錢多少?
答:$490/一個時段。每個時段可以玩2.5小時。活動詳情

問:除了聖誕工作坊外還有甚麼聖誕活動推介?
答:除了聖誕工作坊外,還有全港7大聖誕節市集推介

一張門票價錢多少?

$490/一個時段。每個時段可以玩2.5小時。活動詳情

除了聖誕工作坊外還有甚麼聖誕活動推介?

除了聖誕工作坊外,還有全港7大聖誕節市集推介

最新吃喝玩樂資訊