【年度設計盛會】DesignInspire 4大展覽逐個捉！

Dec 3 2025

每年都好期待可以參觀不同大型藝術展覽，啟發一下自我靈感？由香港貿易發展局（HKTDC）主辦、文創產業發展處（文創處）贊助嘅年度設計盛事「DesignInspire 2025」將於12月3日至6日喺會展中心盛大舉行；今年以Where Connections Spark Inspiration (連繫世界靈感綻放) 為主題，匯聚世界各地嘅設計大師同創意品牌。場內展覽劃分為不同展區及主題，即刻帶大家睇吓有咩必睇亮點啦！

再度隆重登場！Maison&Objet Intérieurs Hong Kong 2025 呈獻世界級設計對話

上年首次登場後已大獲好評，今年策略合作夥伴 Maison&Objet 亦以全新身份「Maison&Objet Intérieurs Hong Kong 2025」*載譽歸來，展示室內設計嘅未來新動向，規模仲比上年大咗近一倍！年度主題為「Crossroads」，旨在頌揚文化交融與可持續創新，帶來「靈感」（Inspiration）、「探索」（Discovery）及「交流」（Encounters）三大核心體驗。

designinspire4大展覽（圖片來源：HKTDC） — （圖片來源：HKTDC）

第一個主題展區「Design Factory」分別由四位國際級策展人打造獨一無二嘅沉浸式展館，展示超過200件來自全球約80個品牌創作。當中為各位推介由法國潮流觀察家、Elizabeth Leriche 所帶來嘅「Living Matters」，精選世界各地獨特嘅設計品及家具；以細膩手法將設計和詩詞融合，呈現對「設計如何與生活共生」嘅個人獨特見解，一齊展開一場深度漫步之旅，從而令大家有不同嘅啟發！

行完「Design Factory」區域，仲可以去「Design Showcase」繼續探索！呢個展區誠邀咗9大國際知名設計師，詮釋風格混融嘅設計，更能體現每位藝術家嘅個人感想！特別推介來自巴黎藝術家及設計師 Hubert Le Gall 與香港設計師 Alfred Lam 聯手設計嘅作品，以充滿奇幻嘅巴黎視角重新演繹北京傳統四合院建築，配搭玩味鏡飾及不同藝術擺設，一踏入去就好似走入《愛麗絲夢遊仙境》一樣！另外，由香港著名建築及室內設計師梁志天（Steve Leung）嘅作品「Connect」亦不容錯過！以香港獨有竹棚工藝為靈感，結合鏡面及智能燈光影，構建出一條跨越傳統與現代、工藝與科技長廊，視覺效果非常震撼！

港式士多遇上意式美學：BOTTEGA HONG KONG

融合港式style嘅設計元素，值得一睇！由國際設計大師陳幼堅（Alan Chan）設計，與 UNVEIL同埋蘇暢設計研究室聯手打造，靈感源自意大利嘅「alimentari」選物店同香港地道嘅「士多」，以一個「開放盒子」為概念：將傳統紙箱嘅隨性，揉合義式美學與港式人情味，中西合璧，擦出創意火花！展區亦挑選一系列來自意大利同香港品牌嘅生活設計品，相信必定能為大家帶來共鳴感！

Lucia Massari:

玻璃藝術家，專注於傳統威尼斯工藝技術同埋現代設計概念結合，包括：模仿、變形及融合等。

Stanley Wong:

受ALESSI archive collection所啟發，以富有香港特色嘅紅白藍爲主調，創作出精美嘅花瓶

陳幼堅：

採用香港老號「鐘亮正記」雞毛為靈感來來源，並改造2010年意大利國寶級品牌Giorgio Armani 嘅裙裝！當香港民間工藝同米蘭高訂剪裁融合，碰撞出不一樣嘅火花，同時向兩地百年匠人嘅精神致敬！

藝術科技交匯點！「TINY STUDIO」探索跨感官體驗

想獲得與別不同嘅感官互動體驗?記得要去埋由新進跨媒體藝術家Chilai Howard所策展的「TINY STUDIO」，匯集12組來自香港同意大利嘅設計單位，透過數碼藝術、音樂、雕塑、氣味設計等唔同媒介，詮釋兩地文化。當中包括音樂監製 Edward Chan 同MV及視覺影像製作團隊 (Re)的Kelly Cheuk和Kwokin合作，係現場即場舉行音樂表演、本地藝術家 Afa Annfa 同 Pen So 等，仲有刺青繪畫、即場編織等現場示範，帶來跨感官嘅體驗，重新思考創意同空間嘅微妙關係！最特別嘅係大家亦可以與藝術家們所創作嘅作品有互動，並從中獲得不一樣嘅感覺及啟發！

尋寶入手心頭好！SHOP展區匯集特別設計精品

睇完咁多大師級作品，想帶啲設計精品返屋企？場內特設「SHOP」展區，可以俾大家直接選購來自世界各地設計師嘅限量設計同手作精品，係尋寶嘅好地方，數碼相機、香氛、手工精品一迎娶全！此外，場內仲有著名玻璃工藝嘅「捷克館」，一次過睇盡世界各地嘅創意風貌！

免費參與！創新對話與手作工作坊

除咗展覽，DesignInspire 亦準備咗可以俾觀眾參與其中嘅活動！今年亦會舉辦14場 InnoTalks 創新對話，邀請著名設計師同行業專家分享各類設計主題同趨勢，等大家都可以一下子掌握最新嘅動向！

在心 x GERI：靳埭強博士將會分享在創作全球首款發光互動針織手袋嘅背後點滴，同時反映藝術與科技嘅簡單結合
《時間扭曲 – 當回憶遇上未來》，邀請了視覺藝術家moon.noon，nopaperstudio懷舊海報風格創作工作室創辦人，和品牌Hoopla首席設計師分享懷舊元素係設計上嘅應用，探討Y2K相關文化

同時，場內亦會舉辦一系列創意工作坊，讓大家親身落手感受創作嘅樂趣。無論係想增進知識或者想體驗DIY嘅趣味，都可以喺呢度搵到源源不絕嘅靈感（溫馨提示：部分活動已經爆滿，想參加的話記得快D去呢條link報名喇https://www.art-mate.net/designinspire2025！）